Populære bibelvers fra Forkynnaren 1

Del

For med stor visdom følgjer mange sorger. Den som aukar sin kunnskap, aukar si smerte.

Det som har hendt, skal henda igjen, og det som vart gjort, skal gjerast på nytt. Ingen ting er nytt under sola.

Alle ting går sin strevsame gang, menneskeord strekk ikkje til. Auget blir ikkje mett av å sjå, og øyret blir ikkje fullt av å høyra.

Fåfengt, seier Forkynnaren, fåfengt og forgjengeleg – alt er fåfengt! Kva har mennesket att for sitt strev, for alt det strevar med under sola?

Eg såg på kvar gjerning som blir gjord under sola. Sjå, alt er like fåfengt som å gjeta vinden!

Slekter går, og slekter kjem, men jorda er alltid den same.

Ingen minnest det som hende før. Og det som skal koma, vil heller ingen hugsa i slektene som følgjer.

Eg la meg på hjartet å læra kva som er visdom, og kva som er dårskap og uforstand. Men eg fann at det òg var som å gjeta vinden.