Populære bibelvers fra Kolossarane 3

Del

så de ber over med kvarandre og tilgjev kvarandre om den eine har noko å klaga den andre for. Som Herren har tilgjeve dykk, skal de tilgje kvarandre.

Vend dykkar sinn til det som er der oppe, ikkje til det som er på jorda.

Alt arbeid skal de gjera heilhjarta, for det er Herren og ikkje menneske de tener.

De er Guds utvalde, heilage og elska av han. Kled dykk difor i inderleg medkjensle og ver gode, milde, audmjuke og tolmodige

Lat Kristi ord få rikeleg rom hos dykk, så de med visdom kan undervisa og rettleia kvarandre, med salmar, hymner og åndelege songar. Syng for Gud med takk i hjarta! Og alt de gjer, i ord og gjerning, skal de gjera i Herren Jesu namn og ved han takka Gud, vår Far.

Og over alt dette: Kled dykk i kjærleik, det bandet som bind saman og gjer fullkomen.

Er de då oppreiste med Kristus, så søk det som er der oppe, der Kristus sit ved Guds høgre hand.

Lat Kristi fred rå i hjartet dykkar, for til det vart de kalla då de vart éin kropp. Og ver takksame!

Så lat det jordiske i dykk døy: hor, ureinskap, lidenskap, vond lyst, og trongen til alltid å eiga meir, som ikkje er anna enn avgudsdyrking.

For de er døde, og livet dykkar er løynt med Kristus i Gud.

Men no må de leggja av alt dette: sinne, raseri, vondskap, spott og rått snakk.

Og lyg ikkje for kvarandre! For de har kledd av dykk det gamle mennesket med dei gjerningar som høyrer det til, og ikledd dykk det nye mennesket, som blir fornya etter sin skapars bilete og lærer han å kjenna.

Menn, elsk konene dykkar og ver ikkje harde mot dei.

Born, ver lydige mot foreldra dykkar i alle ting, for det er til glede i Herren.

Kvinner, underordna dykk mennene dykkar, som det sømer seg i Herren.