Populære bibelvers fra 1. Johannes 2

Del

Elsk ikkje verda og heller ikkje det som er i verda! Den som elskar verda, har ikkje kjærleiken til Far i seg. For alt her i verda – lysta i kroppen, lysta som styrer auga, og skrytet av det ein eig – det er ikkje av Far, men av verda.

Verda forgår med all si lyst, men den som gjer Guds vilje, blir verande til evig tid.

Den som seier: «Eg er i han», må leva som Jesus levde.

Mine born, dette skriv eg til dykk så de ikkje skal synda. Men om nokon syndar, har vi ein talsmann hos Far. Det er Jesus Kristus, Den rettferdige.

Den som seier: «Eg kjenner han», men ikkje held boda hans, er ein løgnar, og sanninga er ikkje i han.

Og på dette veit vi at vi kjenner han: at vi held boda hans.

Den som seier at han er i lyset, men hatar bror sin, er enno i mørkret.

Og kven er løgnaren, om ikkje den som nektar at Jesus er Kristus? Antikrist er den som fornektar Faderen og Sonen.

Den som fornektar Sonen, har heller ikkje fellesskap med Faderen. Den som vedkjenner Sonen, har òg fellesskap med Faderen.