Populære bibelvers fra Noo Ean 4

Del

Ta Jee ny Spyrryd, as shegin dauesyn ta ooashlaghey eh, ooashley y choyrt da ayns Spyrryd as ayns firrinys.

Agh ta’n oor cheet, as nish ayn dy jean ny ooashleyderyn firrinagh ooashlaghey yn Ayr ayns Spyrryd as ayns firrinys: son ta’n Ayr shirrey nyn lheid oc shoh dy chur ooashley da.

Agh quoi-erbee iu-ys jeh’n ushtey ver-yms da, cha bee eh dy bragh paagh: agh bee yn ushtey ver-ym da ny farrane ushtey ayn nee geill gys y vea ta dy bragh farraghtyn.

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou, veagh oo er hirrey ersyn, as veagh eh er chur dhyt ushtey bio.

Dooyrt Yeesey roo, Yn beaghey aym’s eh, dy yannoo yn aigney echeysyn t’er my choyrt, as dy chooilleeney yn obbyr echey.

Dooyrt y ven rish, Vainshter, cha vel red erbee ayd dy hayrn lesh, as ta’n chibbyr dowin: cre voish eisht ta’n ushtey bio shen ayd?

Dooyrt y ven rish, Ta fys aym dy vel Messias cheet ta enmyssit Creest: tra hig eshyn, inshee eh dooin dy chooilley nhee. Dooyrt Yeesey r’ee, She mish ta loayrt rhyt eh shen.

Tar-jee as hee shiu dooinney t’er n’insh dou ooilley ny ren mee rieau: nagh nee shoh yn Creest?