Populære bibelvers fra Zlr 1

Del

Ka Lazglafta guli mantsa: « Magafma maga ta mndu ta gara vgha nda amu, ŋa nzakwa ni manda amu, ka ga tsi ta mgham ta ghəŋa klipiha ma drəf nda ɗyakha ta ndaraku ta luwa, nda rini ta haɗik demdem, nda ya nda inda tsuɗayha ta gigiɗa vgha ta haɗik, » kaʼa Mantsa tama, ka zlaganabtá Lazglafta ta mndu ta gara vgha nda tsatsi. Kahwathwata ka zlaganabtá tsi ta mndu ta gara vgha nda tsatsi. I zgun nda marakw zlaganap tsi.

Ka tfanaghatá Lazglafta ta wi ta həŋ, kaʼa mantsa: « Yafwa ya, nzawa nza tusak, ndəghanafwa ndəgha ta haɗik, gawa ga ta mgham ta ghəŋa ni. Ka ga kuni ta mgham ta ghəŋa klipiha ma drəf, nda ɗyakha ta ndaraku ta luwa, nda ya ta ghəŋa inda skwiha ta gigiɗa vgha ta haɗik, » kaʼa.

Ma zlrafta inda skwi, ka zlaganaptá Lazglafta ta luwa nda haɗik.

Tsa haɗik ya, kufaŋ nzakwa ni, ghuduɓul, təɗik ta ghəŋa imi. Ta zawataku Sulkuma Lazglafta ta ghəŋa imi.

Ka Lazglafta mantsa: « Ka nza tsuwaɗak, » kaʼa, ka nzaku tsuwaɗak.

Kəʼa ka Lazglafta nghanatá inda tsa skwiha magaf tsi ya ná, wya ɗinu ɗina. Mamu hawu, mamu sərɗək mamkuʼ a fitik tsa.

Kəʼa ka Lazglafta nda tsa tsuwaɗak ya ná, ɗina. Ka dəganatá tsi ta tsuwaɗak nda grusl.

Ka Lazglafta mantsa: « Wana yu ta vlaghunatá inda kuzuŋa nimaya nda hulfaha taŋ ta inda haɗik, nda inda fuha nda hulfa taŋ ŋa ŋa ghuni, ŋa zay ghuni.

Ka hgə Lazglafta ta tsuwaɗak ka gifitik. Grusl guli ná, ka hgə tsi ka rviɗik. Mamu hawu, mamu sərɗək. Taŋtaŋa fitik tsa.

Ka Lazglafta mantsa: « Ka nza ghuvaŋata luwa mataba imiha, ka dəganata tsi ta imiha, » kaʼa.

Ŋa inda rini nda nimtak ta haɗik, nda inda ɗyak nda zarak ta ndaraku ta luwa, nda inda skwiha ta gigiɗavata ta haɗik nda hafu ma həŋ, vlaŋ vla yu ta kuzuŋ ta həŋ ŋa zay taŋ, » kaʼa. Ka nzaku tsi mantsa.

Ka Lazglafta mantsa: « Ka nza skwiha ta tsuwaɗaka vli ma ghuvaŋata luwa ŋa dəganata vli gifitik nda vli girviɗik, ka nzakwa tsa skwiha ya ka ŋizlaha ŋa snaŋtá fitika skaluha, nda fitikha, nda vakuha.

Ka Lazglafta guli mantsa, ka ɗya haɗik ta kuzuŋ nda hulfaha nimaya, nda fuha ta yaku nda yakwa taŋ kavghakavgha. Ka nzakwa hulfa taŋ ta haɗik ŋa yəglakwa taŋ, kaʼa. Ka gi nzaku tsi mantsa.

Mantsa, ka magaftá Lazglafta ta ghuvaŋata luwa, ka dəganatá tsi ta imiha nda mista ghuvaŋata luwa, nda imiha nda ta ghəŋa ghuvaŋata luwa.

Ka ɗiygiŋtá haɗik ta kuzuŋ nda nimaya nda yakwa taŋ kavghakavgha. Inda fuha ta yaku nda hulfa mndəra taŋ kavghakavgha guli. Kəʼa ka Lazglafta nda tsa skwiha ya ná, ɗina.

Mantsa tama, ka magaftá Lazglafta ta skwiha dagala dagala his ka tsuwaɗak, mali ma tsa tsuwaɗak ya, ŋa ga mgham gifitik. Sagəŋ ma tsa tsuwaɗak ya, ŋa ga mgham girviɗik. Ka magaftá tsi ta tekwatsaha guli.

Ka Lazglafta mantsa: « Ka tsəkava tsəka imiha nda mista luwa ma vlaka turtuk ka zlagabta ghwalatá vli, » kaʼa. Ka gi nzaku tsi mantsa. Ka hgə Lazglafta ta tsa ghwalatá vli ya, ka haɗik. Tsa tsəkatá imiha ya ná, ka hgə tsi ka drəf. Kəʼa ka Lazglafta nda tsa skwiha ya ná, ɗina.

Ka tfanaghatá Lazglafta ta wi ta həŋ. Kaʼa mantsa: « Yawa ya, ka yafta kuni tusak ma drəfha, ɗyakha guli, » ka yafta həŋ tusak ta haɗik.

Ka Lazglafta mantsa: « Ka yigiŋ ya haɗik ta inda skwi nda hafu mida, nda mndəra taŋ kavghakavgha manda, rini, nda tsuɗayha ta mbaɗa nda huɗi, nda nimtak, » kaʼa. Ka nzaku tsi mantsa.

Ka Lazglafta mantsa: « Ka yaf ya skwiha nda hafu ma imi tusak, ka ndara ɗyakha nda zarakha ta ndaraku ma ghuvaŋata luwa nda ta ghəŋa haɗik, » kaʼa.

Mantsa tama, ka magaftá Lazglafta ta nimtak nda mndəra taŋ kavghakavgha, nda rini nda mndəra taŋ kavghakavgha, nda tsuɗayha nda mndəra taŋ kavghakavgha demdem. Kəʼa ka Lazglafta nda tsa skwiha ya ná, ɗina.