Populære bibelvers fra Matyu 21

Del

Ko ye iŋondutu tero hariri tewaŋgo quno o soso siyowero hariri tewaŋgo ŋuko yendo siyowaŋgo.”

Ko Yesuko mandeye topé ŋande yaró, “Nondo hamó ye yimiroteno, yendo iŋondutu hamó tero iŋo-iŋo irisa kama towoyoteŋgo tiníqo, asa ye ŋuya nondo kewá fik ŋuro puŋomo o teteno ŋunde naŋge tewaŋgo. Ko yendo murí kanata ŋu naŋge kama tewaŋgo. Kini, ko mira purí ŋa, ‘Otoqoya windi quroko u,’ ŋunde miroyiqota ŋundiro tunoqeweya.

Ko unipare Yesu taka koretaŋgurí ko unipare tukú uyareŋgurí, soso ta ŋande kiweyaŋgurí, “Dewit koro Naŋunímboro owí hokoyi! Uni Parámimboro owímo mahete ŋundo puriŋo riní! Anutu owí koreko horé hokoyi!”

Ŋunde tero ŋande yimiraró, “Sokomeko ŋuno ŋande nakayáŋaró, ‘Neneŋo yane muko hariri koro ya qu.’ Quko yendo ri ‘kuma tero momo teyoteŋgo unindoro ya qu teyote.’”

“Mande ka Saion unipareko yesowoyi, ‘Qeni. Wiri yerete uniye mahete ŋa. Newonde imemoŋgo dóki saŋano kunditero mahete, dóki simó saŋano mahete.’”

Ko Yesuko ŋande osese yereró, “Yeko peka sokomeko ŋuno mande ŋa kama weyoyoteŋgo? “‘Ya re-re unindo wondo ka rero piyimi, yero iŋoro re rotaŋgurí, quko itakako wondo ŋundo ya soso riní kondérewero wondo ka tunoqete. Uni Parámi eneŋombo o ŋu riní ŋunde tunoqiní qenero niŋgu-niŋgu parámi teteto.’

“Ŋunde ŋuroko nondo ye yimiroteno, Anutuko unipareyó wiri yereyote naruyómo yowero ye soré yereweya. Ye soré yerero uni wini meyowo naru ŋuro khoyó ti eŋgé teweya ŋu yoriní ŋuno owaŋgo.