Populære bibelvers fra Mātiu 7

Del

‟Mou kole, pea ‘e foaki kiate kimoutolu. Mou kumi, pea te mou ‘ilo. Mou tukituki, pea ‘e fakaava atu.

He ko ia kotoa pē ‘oku kolé, ‘e foaki kiate ia ʻa e me‘a ‘okú ne fiema‘ú. Pea ko ia ‘e kumi̇́, te ne ma‘u ʻa e me‘a ‘okú ne kumi̇́. Pea ‘e fakaava ʻa e matapaá kiate ia ‘e tukituki̇́.

‟Ko ia, ka ai ha taha ‘e fanongo ki he ngaahi me‘a ‘oku ou lea‘aki̇́, pea naʻe ongongofua ki ai, ‘e tatau ia mo ha tufunga poto, na‘e fai ʻene langa falé ‘i ha funga maka.

Ko ia, ʻi he meʻa kotoa pē, ko e me‘a ‘oku mou loto ke fai ‘e he kakai̇́ kiate kimoutolu, mou fai pehē foki kiate kinautolu. He ko e ʻuhinga ia ‘o e Lao ‘a Mōsesé mo e ngaahi Tohi ʻa e kau Palōfitá.”

Ka ko e matapā ‘oku fāsi‘i̇́ pea faingata‘a ʻa e hū ai̇́, ko e hala ia ki he mo‘ui̇́, pea ‘oku tokosi‘i pē ʻa e hū ai̇́.”

‟Mou hū atu ʻi he matapā fāsi‘i̇́. He ʻoku fālahi̇ pea faingofua ʻa e hū atu he matapā, ʻoku iku ki he ‘auhá, pea ʻoku tokolahi ʻa e hū ai̇́.

Kapau leva ʻoku ʻilo ʻekimoutolu, ʻa e faʻahinga kovi̇́, ke ‘ave me‘a lelei ma‘a ho‘omou fānaú, huanoa ho‘omou Tamai fakalangi̇́ ʻene fie foaki meʻalelei kiate kinautolu ʻoku kole kiate iá.

‟‘Oua na‘á faifakamaau, telia naʻa fakamaauʻi mo kimoutolu foki. He ko e fakamaau te ke fai ki he kakai kehé, ko ia pē ‘e fakamaau‘i ʻaki koé pea ko e me‘afua te ke fua‘aki̇́, ko ia pē ‘e fuaʻaki kiate koé.

Ka ʻilonga ha taha ‘e fanongo ki he ngaahi me‘a ‘oku ou lea‘aki̇́ kae ‘ikai ke ongongofua ki ai, ‘e tatau ia mo ha tufunga vale na‘e langa fale ‘i he ‘one‘oné.

Ko e hā ‘okú ke hoha‘a ai ki ha ki‘i me‘i ‘uli ʻi he kano‘imata ʻo ho kāingá, kae ‘ikai te ke tokanga‘i ʻa e fu‘u potuʻi ʻakaú ‘i ho kano‘imata ‘o‘oú? ‘Oku ou tumu ‘i ho‘o lava ke pehē ange ki ho kāingá, ‛Kau to‘o mu‘a ʻa e me‘i ‘uli ‘i ho kano‘imatá,’ ‘osi ange ko iā ‘oku ‘i ai ʻa e fu‘u potuʻi ʻakau ‘i ho kano‘i mata ‘o‘oú!

‟Mou tokanga‘i ʻa e kau palōfita loi̇́. He ‘oku nau haʻu kuo kofu tuʻa mai ʻaki ʻa e fōtungaʻi sipi, ka ko honau lotó ko e manu fekai̇ ‘atā. Te mou ʻiloʻi pē kinautolu mei he ngaahi me‘a ‘oku nau fai̇́. He te mou toli kālepi koā pē toli fiki mei ha fuʻu vao talatala?

Pehē foki, ʻilonga ha ʻakau lelei̇, kuo pau ke fua lelei, ka ko e ʻakau kovi̇́, ʻoku fua kovi pē ia.

‘E ‘ikai ke fua kovi ha fu‘u ʻakau lelei, pea ‘e ‘ikai fua lelei ha fu‘u ʻakau kovi.

‘Ilonga ha fu‘u ʻakau ‘oku ‘ikai ke fua lelei̇́, pea ʻe tā ia ‘o laku ki he afi̇́.