Populære bibelvers fra Zãa 14

Del

Laakai ku sũi ǹ wa n jɔ̀ nŋɛ. Bɛi amu takam ǹ wɛɛò laakai ku sũ, bɛɛbɛ mɔi an jɔ̀ iŋɛ mɔ i wɛɛò laakai ku sũ. Nɔ laakai ku sũ iyi an mu nŋɛu kaa jɛ bɛi ti andunya. Na nŋu, i maà wɛɛò inɔ kufɔ ŋa, nɔ i maà jɔ̀ zigi nŋɛ ku da.

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Ŋɔi Jesu í sɔ̃ mɔcɔɛ ŋa í ni, i maà ya jɔ̀ i wɛɛò zigiida ŋa. I dasi Ilaaɔ̃ naanɛ nɔ i dasim naanɛ ŋa.

Amma Hundei Ilaaɔ̃, Woo mua gbugbãu, á maa kɔ ŋɛ si mii fei, nɔ ku maa ye ŋɛ gigii ide ŋa iyi ǹ tako ǹ sɔ̃ ŋɛ fei. Nŋui Baaba á bɛ nŋɛ wa do irim nɔu.

Inɛ iyi í mà woodam nɔ wa jirimaɛ, lafɛ̃ɛi í bim. Inɛ iyi í bim, Baam á bi nŋu mɔ, nɔ amu takam an bi lafɛ̃ɛ, nɔ an nyisiɛ aram.

Nɔ an tɔɔ Ilaaɔ̃ Baaba ku mu nŋɛ Woo mua gbugbã mmuɛ wa, iyi á maa wɛɛ do iŋɛ hee do ajɔ fei. Woo mua gbugbãu Hundei Ilaaɔ̃i, nŋui á jɔ̀ inɛ ŋa a mà ntɔu. Inɛi andunya ŋa a kaa yɔkɔ a gbaa si na iyi í jɔ̀ a kù waa yɔɔ, bɛɛbɛ mɔi a kù màa. Amma iŋɛ ì màa ŋa, domi í wɛɛ do iŋɛ, á nɔ ku wa si idɔ nŋɛ.

Nɔ mii iyi aa tɔɔɛ do irim ŋa fei an coo ku ba amu Amau n nyisiò amboei Baaba. Ntɔ ntɔ bii ì tɔɔm ngɔgɔ ŋa, an coo.

Nɔ Jesu í ni má, bii ì bim ŋa aa jirima mii iyi ǹ ni i ce ŋa.

Bi kuwa í kpɔ kpasɛ̃i Baam. Nɔ wee ǹ wa n koo bɛ n koo n ce nŋɛ sɔɔlui bi kuwa. Bii kù jɛ ntɔ, n kaa n sɔ̃ ŋɛ.

Bii ǹ koo ǹ ce nŋɛ bi kuwa ǹ tã an nyi wa má, n naa n gbã ŋɛ n bɔò ŋɛ bi tom ku ba iŋɛ mɔ i wa bii ǹ wa.

Ŋɔi Tomaa í ni, Lafɛ̃ɛ, a kù mà baa bii ì waa bɔ mɔm. Bɛirei aa ka ce ka mà kpãau.