Populære bibelvers fra Matiu 11

Del

Nò, nigkagian ni Hisus ka mgo otow to, “Tibo kow no naboloy hondini kow to koddi woy ka tibo no nigtiang to mabogat su ogpohimalayon ku sikaniu.

Himua now ka igsugu ku kaniu woy ogpaanad kow koddi su matuwarong a woy ogpohimoloy kow to sika mabogat now.

Maagkap do ka mgo sugu ku kaniu woy kono no mohirap ka igpohimu ku kaniu.”

Pogkaponga ni Hisus no og-ampu, nignangonan din man do ka mgo hibatoon din to, “Ka koddi no Amoy ka nigbogoy to tibo no katondanan koddi. Woy ka Amoy ku ro ka ogkataga ko hontow a. No unawa, koddi do no Anak din, ogkataga a to Amoy ku ko hontow sikandin. Songo ogkataga ka sika mgo otow no og-alamon ku ko hontow ka Amoy ku.”

Nigtabak si Hisus kandan to, “Uli kow on dio ki Huan. Nangoni now sikandin bahin to nakitaan now no nighimu ku woy bahin to narinog now. Nangoni now sikandin no pinabayo koddi ogpakakita on ka mgo nabbutud woy ogpokohipanow on ka mgo napulid woy nabawian on ka mgo ibungon, warad ka igkaligsomi ran woy ogpakarinog on ka mgo nabongol woy nabuhi on ka mgo nammatoy woy nakarinog ka mgo publi bahin to Maroyow no Nangnangonon. Napulusan ka sikan no otow no kono no limanglimang so goinawa rin to sikoddi ka impohondini to Magboboot.”

Omunaan ko duon talinga now, pamminog kow,” kagi ni Hisus.