Nyole - 2015 Edition (Non-Drama NT)

Nyole - 2015 Edition (Drama NT)

<div class="version vid4121 iso6393nuj" data-vid="4121" data-iso6393="nuj">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Hibono gafuuha muutu</div><div class="p"> 1Mu hutandiha ko batonde ehyalo, oyo oyu balanga baati Hibono gaali&#331;o. Hibono ng&#700;aba ni Hatonda era n&#700;ali n&#700;owa Hatonda owijuufu. 2Hibono gaali ni Hatonda mu hutandiha ni bahiiri hutonda ehyalo. 3Hatonda gatonda hiisi hiitu n&#700;atambisa Hibono oyo era a&#331;a ataali e&#331;uma ehi gatonda. 4Hibono gaali nj&#700;esimuho y&#700;obulamu era nj&#700;enjase eyimulihira abaatu. 5Enjase eyo eraga abaatu ehi Hatonda ali n&#700;ehi genda bahole aye sibamutegeera.#1:5 Ebya&#331;andihiwa ebindi biroma biiti &#8220;abaatu sibamuhayisa ohulaga obula&#331;i wa Hatonda.&#8221;</div><div class="p"> 6Olwolire nga Hatonda atuma omuutu oyu balanganga baati Yowaane. 7Yowaane gaaja ohulomera abaatu ebi&#331;amba hu oyo ali hy&#700;enjase alaga abaatu ehi Hatonda ali n&#700;ehi genda. Era ti abaatu bafugiirire Hatonda ohubita mu niye. 8Yowaane sinje owaali enjase aye gaaja ohulomera abaatu hu oyo ali hy&#700;enjase. 9Oyo owaali ni gaaja hu hyalo huno, nj&#700;enjase etuufu emulihira hiisi muutu.</div><div class="p"> 10Hibono gaaja hu hyalo huno era wayire Hatonda nj&#700;oyu gahozesa ohutonda hiisi hiitu, abaatu sibamufugiirira. 11Gaaja mu hyalo hihye aye abaatu babe abeene n&#700;abeene sibamusangaalira. 12Ne abamusangaalira baahena baamutaamo owesige, gaabafuula baana ba Hatonda. 13Sibafuuha baana ba Hatonda ng&#700;olu baatu basaala abaana baawe oba olw&#700;ohusala&#331;o hw&#700;obuutu oba hu lw&#700;ohwenda hw&#700;omusinde omufumbo aye gabasaala ng&#700;olu omwene asiima.</div><div class="p"> 14Hibono gahena gafuuha muutu era gamenya &#331;alala ni neefe mu hyalo muno. Efe hwabonaho e&#331;ono lirye eri ali ni nalyo, e&#331;ono eri Hatonda gatwiha Omwana wuwe omulala wogobbo oyo oyu Semwana gatuma ohu&#331;wa mwigulu gaaja ni gejuuye amazima n&#700;ehisasabirisi ehy&#700;amaani.</div><div class="p"> 15Lulala, Yowaane galangirira ati, &#8220;Ono nj&#700;oyu n&#700;aloma ti, &#8216;Oyo anahaaje oluvanyuma lwange gaakira obu&#331;angi, olwohuba gaali&#331;o ni kiiri husaaliwa.&#8217; &#8221; 16Olw&#700;ehisasabirisi hihye ehibitiirifu, hwesihwesi gatu&#331;a ekabi enyene enyingi. 17Hiri hiityo olwohuba Hatonda gatu&#331;a amagambi n&#700;abita mu Musa aye husuna ehisasabirisi n&#700;amazima aga&#331;amba hu Hatonda ohubita mu Yesu Kurisito. 18&#330;abula abonangaho Hatonda, ohutusaho Omwana wuwe omulala wogobbo owihaaye &#331;alala ni Semwana. Omwana oyo nj&#700;atulaga ehi Semwana ali.</div><div class="s">Obuhwenda wa Yowaane Omubatiza</div><div class="r">(Mat 3:1-12; Mar 1:1-8; Luk 3:1-18)</div><div class="p"> 19Ng&#700;abatangirisi b&#700;Abayudaaya batuma balala hu Baleevi n&#700;abasengi ba Hatonda abomu Yerusaalemu eyiri Yowaane Omubatiza ohumubuusa baati, &#8220;Ndiiwe ani?&#8221; 20Aye gabagobolamo n&#700;obugumu ati, &#8220;Sindiise Kurisito oyu bafuujaho amate ohuno&#331;ola abaatu.&#8221;</div><div class="p"> 21Nga bamubuusa baati, &#8220;&#330;aahani hanye si ndiiwe Kurisito, ndiiwe ani? Ndiiwe Eliya?&#8221; Nga Yowaane abagobolamo ati, &#8220;Sindiise.&#8221; Nga bamubuusa baati, &#8220;Ndiiwe naabbi ola oyu basuubisa?&#8221; Ng&#700;abagobolamo ati, &#8220;Bbe.&#8221;#Mag 18:15,18; Mal 4:5</div><div class="p"> 22Ng&#700;a&#331;o bamuloma baati, &#8220;Ale ni tulomere, ndiiwe ani? Hwenda hwagame n&#700;ehyohugobolamo abo abatutumire.&#8221;</div><div class="p"> 23Nga Yowaane abagobolamo n&#700;atambisa ebibono ebi naabbi Yisaaya ga&#331;andiiha ebiroma biiti, &#8220;Ndiise ejanjaasi ery&#700;amaani eri&#331;wera mu lulafu ni lirangirira liiti, &#8216;Muhosiirire Musengwa engira.&#8217; &#8221;#Yis 40:3</div><div class="p"> 24Nga balala hu Bafalisaayo abo ababatuma 25babuusa Yowaane baati, &#8220;&#330;aahani, hanye sindiiwe Kurisito oyu bafuujaho amate ohuno&#331;ola abaatu era sindiiwe Eliya, oba naabbi ola, lwahiina obatiza abaatu?&#8221;</div><div class="p"> 26Nga Yowaane abagobolamo ati, &#8220;Ese mbatiza n&#700;amaaji aye mu nywe &#331;ali&#331;o owukira obu&#331;angi oyu mutamanyire. 27Oyo nj&#700;aliija oluvanyuma lwange era ese sipoomera wayire n&#700;ohubo&#331;olola ekoba j&#700;engayito jije.&#8221;</div><div class="p"> 28Ebyo byosibyosi byali&#331;o mu habuga aha balanga baati Bbesaniya, engereha w&#700;olwabi olu balanga baati Yoludaani eyi Yowaane gaali n&#700;abatihiza abaatu.</div><div class="s">Yesu ali mu hifo hy&#700;Etaama Etusa&#331;o Ebibi</div><div class="p"> 29Oludaalo olwalondaho, nga Yowaane abona Yesu n&#700;atiina eyi gaali, ng&#700;alomera abaali&#331;o ati, &#8220;Mubone ali mu hifo hy&#700;Etaama Etusa&#331;o Ebibi by&#700;abaatu. 30Ono nj&#700;oyu nalomaho ti, &#8216;Omusinde anahaaje oluvanyuma lwange gaakira obu&#331;angi&#8217; olwohuba gaali&#331;o ni kiiri husaaliwa. 31Ese keesi naali simumanyire aye ehyagira naaja ohubatiza abaatu n&#700;amaaji, hyali ti Abayisirayiri bahamutegeera.&#8221;</div><div class="p"> 32Nga Yowaane aloma ati, &#8220;Nabona Omwoyo ohu&#331;wa mwigulu n&#700;amwihaho n&#700;ali mu hifaananyi hy&#700;e&#331;uusi, ng&#700;amusigalaho. 33Hani sinamanya ti nje niye. Aye Hatonda owaatuma ohubatiza abaatu n&#700;amaaji, gaali gandomire ati, &#8216;Omusinde oyu olibona Omwoyo n&#700;amwihaho, oyo nje aja hubatiza abaatu n&#700;Omwoyo Omutukuvu.&#8217; 34Mbalomera ehi nabonaho n&#700;emoni jange era mbahahasa ti oyo nj&#700;Omwana wa Hatonda.&#8221;</div><div class="s">Abaloobera ba Yesu abadaayi</div><div class="p"> 35Oludaalo olwalondaho, Yowaane nindi gaali gemereeye &#331;aweene &#331;ala n&#700;ababiri hu beegi babe. 36Ng&#700;a&#331;o abona Yesu n&#700;abita, ng&#700;abaloma ati, &#8220;Mubone oyo ali mu hifo hy&#700;Etaama Etusa&#331;o Ebibi by&#700;abaatu!&#8221;</div><div class="p"> 37Abeegi babe abo ababiri ni ba&#331;ulira ebibono ebyo, nga balonda hu Yesu. 38Yesu ni gaheja egongo, gababona ni bamulondaho, ng&#700;ababuusa ati, &#8220;Mwenda hi?&#8221; Nga bamugobolamo baati, &#8220;Musomesa, omenya &#331;eena?&#8221;</div><div class="p"> 39Nga Yesu abaloma ati, &#8220;Muuje hutiine mumanyeyo.&#8221; Esaawa jaali ng&#700;ehumi ej&#700;egulo. Nga ba&#331;amba engira batiina eyi gamenyanga, eyi baali egulo eryo lyosiryosi.</div><div class="p"> 40Andereya mulebe wa Simooni Peetero, gaali mulala hu ba&#331;ulira ehi Yowaane galoma era abaali ni balondire hu Yesu. 41Ehi Andereya gasooka ohuhola, hutiina hwendula mulebewe Simooni, ng&#700;amuloma ati, &#8220;Huweene Masiya.&#8221;#1:41 Masiya mu Lubbebbulaniya hitegeesa hiiti &#8220;Kurisito oyu bafuujaho amate ohuno&#331;ola abaatu.&#8221; 42Ng&#700;a&#331;o amu&#331;ira eyiri Yesu. Yesu ni gamuhejaho ng&#700;amuloma ati esiina liryo ndiiwe Simooni omwana wa Yona aye banahulangenga baati Keefa.#1:42 Keefa mu Aramayiki nj&#700;ehyene ni Peetero mu Luyonaani, amahulu galyo ti &#8220;Ebaale.&#8221;</div><div class="s">Yesu alanga Filipo ni Nasanayiri</div><div class="p"> 43Oludaalo olwalondaho, nga Yesu asala&#331;o ohutiina mu twale ly&#700;e Galilaaya. Ng&#700;abona omusinde oyu balanganga baati Filipo amuloma ati, &#8220;Nja obe mwegi wange.&#8221; 44Filipo yeesi gaali a&#331;wera mu hibuga Bbesusayida hy&#700;Andereya ni Peetero.</div><div class="p"> 45Filipo ni gabona Nasanayiri, gaamuloma ati, &#8220;Huweene oyo oyu Musa ga&#331;andiihaho mu magambi era oyu banaabbi boosi ba&#331;andiihaho. Nje Yesu omusaani wa Yosefu e Nazaleesi.&#8221;</div><div class="p"> 46Ng&#700;a&#331;o Nasanayiri amubuusa ati, &#8220;&#330;ali&#331;o ehira&#331;i hyosihyosi ehi&#331;anga ohu&#331;wa e Nazaleesi?&#8221; Nga Filipo amugobolamo ati, &#8220;Ewe nja obone.&#8221;</div><div class="p"> 47Yesu ni gabona Nasanayiri ni goleresa a&#331;a ali, ng&#700;aloma ati, &#8220;Bona Omuyisirayiri endiho era abulamo obunafuusi!&#8221;</div><div class="p"> 48Nga Nasanayiri amubuusa ati, &#8220;Wumanyire otye?&#8221; Nga Yesu amugobolamo ati, &#8220;Filipo ko ahulange, kuweene n&#700;oli mu musaala omutiini.&#8221;</div><div class="p"> 49Nga Nasanayiri amuloma ati, &#8220;Musomesa, ndiiwe Omwana wa Hatonda era habaha wa Yisirayiri!&#8221;</div><div class="p"> 50Nga Yesu amuloma ati, &#8220;Ofugiirira olwohuba kulomeeye ti kuweene n&#700;oli mu musaala omutiini? Olibona ebiitu ebyene eby&#700;amaani ebihira ehyo.&#8221; 51Nga Yesu ameedaho ati, &#8220;Mu butuufu oweene mbalomera ti munahabone egulu ni liwihuhire, abamalayika ba Hatonda ni baniina era ni beeha hu Mwana w&#700;Omuutu.&#8221;#Tand 28:12</div>
 </div>
 </div>
</div>

Mu hutandiha ko batonde ehyalo, oyo oyu balanga baati Hibono gaaliŋo. Hibono ngʼaba ni Hatonda era nʼali nʼowa Hatonda owijuufu. Hibono gaali ni Hatonda mu hutandiha ni bahiiri hutonda ehyalo. Hatonda gatonda hiisi hiitu nʼatambisa Hibono oyo era aŋa ataali eŋuma ehi gatonda. Hibono gaali njʼesimuho yʼobulamu era njʼenjase eyimulihira abaatu. Enjase eyo eraga abaatu ehi Hatonda ali nʼehi genda bahole aye sibamutegeera.
Olwolire nga Hatonda atuma omuutu oyu balanganga baati Yowaane. Yowaane gaaja ohulomera abaatu ebiŋamba hu oyo ali hyʼenjase alaga abaatu ehi Hatonda ali nʼehi genda. Era ti abaatu bafugiirire Hatonda ohubita mu niye. Yowaane sinje owaali enjase aye gaaja ohulomera abaatu hu oyo ali hyʼenjase. Oyo owaali ni gaaja hu hyalo huno, njʼenjase etuufu emulihira hiisi muutu.
Hibono gaaja hu hyalo huno era wayire Hatonda njʼoyu gahozesa ohutonda hiisi hiitu, abaatu sibamufugiirira. Gaaja mu hyalo hihye aye abaatu babe abeene nʼabeene sibamusangaalira. Ne abamusangaalira baahena baamutaamo owesige, gaabafuula baana ba Hatonda. Sibafuuha baana ba Hatonda ngʼolu baatu basaala abaana baawe oba olwʼohusalaŋo hwʼobuutu oba hu lwʼohwenda hwʼomusinde omufumbo aye gabasaala ngʼolu omwene asiima.
Hibono gahena gafuuha muutu era gamenya ŋalala ni neefe mu hyalo muno. Efe hwabonaho eŋono lirye eri ali ni nalyo, eŋono eri Hatonda gatwiha Omwana wuwe omulala wogobbo oyo oyu Semwana gatuma ohuŋwa mwigulu gaaja ni gejuuye amazima nʼehisasabirisi ehyʼamaani.
Lulala, Yowaane galangirira ati, “Ono njʼoyu nʼaloma ti, ‘Oyo anahaaje oluvanyuma lwange gaakira obuŋangi, olwohuba gaaliŋo ni kiiri husaaliwa.’ ” Olwʼehisasabirisi hihye ehibitiirifu, hwesihwesi gatuŋa ekabi enyene enyingi. Hiri hiityo olwohuba Hatonda gatuŋa amagambi nʼabita mu Musa aye husuna ehisasabirisi nʼamazima agaŋamba hu Hatonda ohubita mu Yesu Kurisito. Ŋabula abonangaho Hatonda, ohutusaho Omwana wuwe omulala wogobbo owihaaye ŋalala ni Semwana. Omwana oyo njʼatulaga ehi Semwana ali.


Ngʼabatangirisi bʼAbayudaaya batuma balala hu Baleevi nʼabasengi ba Hatonda abomu Yerusaalemu eyiri Yowaane Omubatiza ohumubuusa baati, “Ndiiwe ani?” Aye gabagobolamo nʼobugumu ati, “Sindiise Kurisito oyu bafuujaho amate ohunoŋola abaatu.”
Nga bamubuusa baati, “Ŋaahani hanye si ndiiwe Kurisito, ndiiwe ani? Ndiiwe Eliya?” Nga Yowaane abagobolamo ati, “Sindiise.” Nga bamubuusa baati, “Ndiiwe naabbi ola oyu basuubisa?” Ngʼabagobolamo ati, “Bbe.”
Ngʼaŋo bamuloma baati, “Ale ni tulomere, ndiiwe ani? Hwenda hwagame nʼehyohugobolamo abo abatutumire.”
Nga Yowaane abagobolamo nʼatambisa ebibono ebi naabbi Yisaaya gaŋandiiha ebiroma biiti, “Ndiise ejanjaasi eryʼamaani eriŋwera mu lulafu ni lirangirira liiti, ‘Muhosiirire Musengwa engira.’ ”
Nga balala hu Bafalisaayo abo ababatuma babuusa Yowaane baati, “Ŋaahani, hanye sindiiwe Kurisito oyu bafuujaho amate ohunoŋola abaatu era sindiiwe Eliya, oba naabbi ola, lwahiina obatiza abaatu?”
Nga Yowaane abagobolamo ati, “Ese mbatiza nʼamaaji aye mu nywe ŋaliŋo owukira obuŋangi oyu mutamanyire. Oyo njʼaliija oluvanyuma lwange era ese sipoomera wayire nʼohuboŋolola ekoba jʼengayito jije.”
Ebyo byosibyosi byaliŋo mu habuga aha balanga baati Bbesaniya, engereha wʼolwabi olu balanga baati Yoludaani eyi Yowaane gaali nʼabatihiza abaatu.

Oludaalo olwalondaho, nga Yowaane abona Yesu nʼatiina eyi gaali, ngʼalomera abaaliŋo ati, “Mubone ali mu hifo hyʼEtaama Etusaŋo Ebibi byʼabaatu. Ono njʼoyu nalomaho ti, ‘Omusinde anahaaje oluvanyuma lwange gaakira obuŋangi’ olwohuba gaaliŋo ni kiiri husaaliwa. Ese keesi naali simumanyire aye ehyagira naaja ohubatiza abaatu nʼamaaji, hyali ti Abayisirayiri bahamutegeera.”
Nga Yowaane aloma ati, “Nabona Omwoyo ohuŋwa mwigulu nʼamwihaho nʼali mu hifaananyi hyʼeŋuusi, ngʼamusigalaho. Hani sinamanya ti nje niye. Aye Hatonda owaatuma ohubatiza abaatu nʼamaaji, gaali gandomire ati, ‘Omusinde oyu olibona Omwoyo nʼamwihaho, oyo nje aja hubatiza abaatu nʼOmwoyo Omutukuvu.’ Mbalomera ehi nabonaho nʼemoni jange era mbahahasa ti oyo njʼOmwana wa Hatonda.”

Oludaalo olwalondaho, Yowaane nindi gaali gemereeye ŋaweene ŋala nʼababiri hu beegi babe. Ngʼaŋo abona Yesu nʼabita, ngʼabaloma ati, “Mubone oyo ali mu hifo hyʼEtaama Etusaŋo Ebibi byʼabaatu!”
Abeegi babe abo ababiri ni baŋulira ebibono ebyo, nga balonda hu Yesu. Yesu ni gaheja egongo, gababona ni bamulondaho, ngʼababuusa ati, “Mwenda hi?” Nga bamugobolamo baati, “Musomesa, omenya ŋeena?”
Nga Yesu abaloma ati, “Muuje hutiine mumanyeyo.” Esaawa jaali ngʼehumi ejʼegulo. Nga baŋamba engira batiina eyi gamenyanga, eyi baali egulo eryo lyosiryosi.
Andereya mulebe wa Simooni Peetero, gaali mulala hu baŋulira ehi Yowaane galoma era abaali ni balondire hu Yesu. Ehi Andereya gasooka ohuhola, hutiina hwendula mulebewe Simooni, ngʼamuloma ati, “Huweene Masiya.” Ngʼaŋo amuŋira eyiri Yesu. Yesu ni gamuhejaho ngʼamuloma ati esiina liryo ndiiwe Simooni omwana wa Yona aye banahulangenga baati Keefa.

Oludaalo olwalondaho, nga Yesu asalaŋo ohutiina mu twale lyʼe Galilaaya. Ngʼabona omusinde oyu balanganga baati Filipo amuloma ati, “Nja obe mwegi wange.” Filipo yeesi gaali aŋwera mu hibuga Bbesusayida hyʼAndereya ni Peetero.
Filipo ni gabona Nasanayiri, gaamuloma ati, “Huweene oyo oyu Musa gaŋandiihaho mu magambi era oyu banaabbi boosi baŋandiihaho. Nje Yesu omusaani wa Yosefu e Nazaleesi.”
Ngʼaŋo Nasanayiri amubuusa ati, “Ŋaliŋo ehiraŋi hyosihyosi ehiŋanga ohuŋwa e Nazaleesi?” Nga Filipo amugobolamo ati, “Ewe nja obone.”
Yesu ni gabona Nasanayiri ni goleresa aŋa ali, ngʼaloma ati, “Bona Omuyisirayiri endiho era abulamo obunafuusi!”
Nga Nasanayiri amubuusa ati, “Wumanyire otye?” Nga Yesu amugobolamo ati, “Filipo ko ahulange, kuweene nʼoli mu musaala omutiini.”
Nga Nasanayiri amuloma ati, “Musomesa, ndiiwe Omwana wa Hatonda era habaha wa Yisirayiri!”
Nga Yesu amuloma ati, “Ofugiirira olwohuba kulomeeye ti kuweene nʼoli mu musaala omutiini? Olibona ebiitu ebyene ebyʼamaani ebihira ehyo.” Nga Yesu ameedaho ati, “Mu butuufu oweene mbalomera ti munahabone egulu ni liwihuhire, abamalayika ba Hatonda ni baniina era ni beeha hu Mwana wʼOmuutu.”

Hør på Yowaane 1