If you would like a copy of this version please contact info@davaraudiobibles.org

Mori Old Testament

<div class="version vid3813 iso6393xmz" data-vid="3813" data-iso6393="xmz">
 <div class="book bkGEN">
 <div class="chapter ch25" data-usfm="GEN.25">
 <div class="label">25</div><div class="s">Inuleno i Burahima inso ndi Ketura</div><div class="r"> 25:1-6</div><div class="p"> 1 # 
 1Taw. 1:32-33
 I Burahima mo'ala mbo'u asa mia beineno, neeno i Ketura. 2Beine atuu me'anaakono i Simurani, i Yokisani, i Medani, i Midiani, i Isabaki ka i Suahi. 3I Yokisani hinao anano i Sieba ka i Dedani. Inuleno i Dedani, onaemo to Asuri, to Letusi ka to Leumi. 4Luwuno anano i Midiani onaemo i Epa, i Eperi, i Heno, i Abida ka i Elida'a. Onaemo atuu luwuno inuleno i Ketura. 5I Burahima weeakono luwu i Saki arataano, 6sine a luwuno anano anu hinaweno inso a luwuno beine mongurano, ipoweeako ira ihi ngkae. Ka i'amba tempono onae da tuwu, itena ira melako inso i arono i Saki, anano, i sabaano oleo, i Wita Sabaano oleo.</div><div class="s">I Burahima mate ka kinaburu</div><div class="r"> 25:7-11</div><div class="p"> 7Tinuwuno i Burahima hawe asa etu pitu pulu ka olima nta'u, 8ka i'amba tampula penaano. Onae mate i tempono moputeomo wuuno, mota'u ka tende ntinuwu. Onae pinumpu a uempu'uno. 9Luwuno anano, i Saki ka i Sumaila, kumaburuo a laro ngkunepo Makapela, a lereno i Eperoni anano i Sohari, to Heti, lere anu po'iangano i sabaano oleo Mamere, 10#Teg. 23:3-16anu umariomo i'olio i Burahima inso a inuleno i Heti. I ra'aimo dokinaburu i Burahima ka i Sara, beineno. 11Mansano mate i Burahima, Ondae Ue Ala rumonsoo i Saki, anano. I Saki rodo mo'ia umpeda sumuru Lahai-Roi.</div><div class="s">Inuleno i Sumaila</div><div class="r"> 25:12-18</div><div class="p"> 12Ndiomo inuleno i Sumaila, anano i Burahima, anu pine'anaakono i Hagari, beine to Masiri atuu, atano i Sara. 13#1Taw. 1:28-31Ndiomo needo anano i Sumaila, pinau montonda potudano domehina: i Nebaioti, ana akano i Sumaila, tudano i Kadari, i Adibe'eli, i Mibisami, 14i Misima, i Duma, i Masa, 15i Hadadi, i Tema, i Yeturi, i Napisi ka i Kedama. 16Onaemo atuu luwuno anano i Sumaila, ka onaemo atuu luwuno needo, montonda iniado ka montonda pekemaado, hopulu ka orua petewawa suku, singge mia saru sukuno. 17Tinuwuno i Sumaila, asa etu tolupulu ka opitu nta'u. Onae tampula penaano, mate ka pinumpu a uempu'uno. 18#Teg. 16:12Inuleno mpo'iangario wita inso i Hawila hawe i Siuri, anu po'iangano i sabaano oleo Masiri te'aro i Asuri. Ondae rodo mpo'ia ntepopo'aro saru luwuno pepaekompodo.</div><div class="s">I Esau ka i Yako pine'anaako</div><div class="r"> 25:19-28</div><div class="p"> 19Ndiomo tutuluno inuleno i Saki, anano i Burahima. I Burahima hinao anano i Saki. 20Tinuwuno i Saki pato pulu nta'u, tempono i'alao i Ribeka, anano i Betueli, to Arami inso i Padana-Arami, pepaekompono beine i Laba, to Arami atuu, i'alao gagi beineno. 21I Saki mekakaiakono beineno ndi Ondae i Ue, hangano beineno atuu biita nahi pe'ana. Ondae i Ue uminduo pekakaino, onaemo ka imentia i Ribeka, beineno atuu. 22Sine anano a laro mpe'anakaano mambe ewa, ka ipotae, &#8221;Tewala kanandio, tembio ka kupembasaio anu kanandio?&#8221; Ka i'amba lumako mesikeno ndi Ondae i Ue. 23#Rom. 9:12Pau-Do i Ue ndi onae,</div><div class="q1">&#8221;Orua tongku a laro mpe'anakaamu,</div><div class="q2">orua suku tongku ira mensua inso a laro mpe'anakaamu.</div><div class="q1">Suku tongku anu asa ta lalu moroso sekonopo anu susua,</div><div class="q2">ana anu te'aka ta gagi ata a ana anu uai.&#8221;</div><div class="p"> 24Mansano haweakoomo tempono ta me'ana, lano ana indua anu kongko a laro mpe'anakaano. 25Anu amba-ambano meluarako, motaha-taha, asa ngkoroino kana lemba meloe anu mewulu. Onaemo pu'uno, ka inineeako i Esau.</div><div class="p"> 26Umarino atuu meluarakoomo uaino; kaeno uminio tundono i Esau. Onaemo pu'uno, ka inineeako i Yako. Tinuwuno i Saki nomo pulu nta'u tempono dopine'anaako. 27Nana'ote orua atuu kolangka-langkaido: I Esau gagi asa mia anu pande mowemba, asa mia anu ineheno mo'ia i tonga mpada, sine i Yako onae asa mia anu modato peleluno, anu ineheno mo'ia a ngkema. 28I Saki mehohawao i Esau, hangano ineheno mongkaa bau pinongko'alano, sine i Ribeka mehohawao i Yako.</div><div class="s">I Esau umasao te'akano</div><div class="r"> 25:29-34</div><div class="p"> 29I asa oleo i Yako tekonai hinao ninahuno, tempono i Esau hawe mompemokendo inso a mpada. 30Motae i Esau ndi Yako, &#8221;Po'ineeomo kupongkaa tedei inso anu motaha-taha atuu, hangano mokendo aku.&#8221; Onaemo pu'uno ka inineeako i Edomi. 31Sine, motae i Yako, &#8221;Asao ari tia te'akamu ndi ongkue.&#8221; 32Sumangki i Esau, &#8221;Kitao, ongkue ilawu mate; hapa tuduno tia te'aka atuu ndi ongkue?&#8221; 33#Ibr. 12:16Motae i Yako, &#8221;Pesumpa ari ndi ongkue.&#8221; Mesumpaomo i Esau ndi onae, ka i'asao tia te'akano ndi Yako. 34Ka i'amba i Yako moweeakono roti ka wua inahu motaha ninahuno atuu ndi Esau. Onae mongkaa ka mo'inu, ka i'amba mentade lumako. Kanatuumo i Esau nahi pelangkaio tia te'akano atuu.</div>
 </div>
 </div>
</div>

I Burahima mo'ala mbo'u asa mia beineno, neeno i Ketura. Beine atuu me'anaakono i Simurani, i Yokisani, i Medani, i Midiani, i Isabaki ka i Suahi. I Yokisani hinao anano i Sieba ka i Dedani. Inuleno i Dedani, onaemo to Asuri, to Letusi ka to Leumi. Luwuno anano i Midiani onaemo i Epa, i Eperi, i Heno, i Abida ka i Elida'a. Onaemo atuu luwuno inuleno i Ketura. I Burahima weeakono luwu i Saki arataano, sine a luwuno anano anu hinaweno inso a luwuno beine mongurano, ipoweeako ira ihi ngkae. Ka i'amba tempono onae da tuwu, itena ira melako inso i arono i Saki, anano, i sabaano oleo, i Wita Sabaano oleo.


Tinuwuno i Burahima hawe asa etu pitu pulu ka olima nta'u, ka i'amba tampula penaano. Onae mate i tempono moputeomo wuuno, mota'u ka tende ntinuwu. Onae pinumpu a uempu'uno. Luwuno anano, i Saki ka i Sumaila, kumaburuo a laro ngkunepo Makapela, a lereno i Eperoni anano i Sohari, to Heti, lere anu po'iangano i sabaano oleo Mamere, anu umariomo i'olio i Burahima inso a inuleno i Heti. I ra'aimo dokinaburu i Burahima ka i Sara, beineno. Mansano mate i Burahima, Ondae Ue Ala rumonsoo i Saki, anano. I Saki rodo mo'ia umpeda sumuru Lahai-Roi.


Ndiomo inuleno i Sumaila, anano i Burahima, anu pine'anaakono i Hagari, beine to Masiri atuu, atano i Sara. Ndiomo needo anano i Sumaila, pinau montonda potudano domehina: i Nebaioti, ana akano i Sumaila, tudano i Kadari, i Adibe'eli, i Mibisami, i Misima, i Duma, i Masa, i Hadadi, i Tema, i Yeturi, i Napisi ka i Kedama. Onaemo atuu luwuno anano i Sumaila, ka onaemo atuu luwuno needo, montonda iniado ka montonda pekemaado, hopulu ka orua petewawa suku, singge mia saru sukuno. Tinuwuno i Sumaila, asa etu tolupulu ka opitu nta'u. Onae tampula penaano, mate ka pinumpu a uempu'uno. Inuleno mpo'iangario wita inso i Hawila hawe i Siuri, anu po'iangano i sabaano oleo Masiri te'aro i Asuri. Ondae rodo mpo'ia ntepopo'aro saru luwuno pepaekompodo.


Ndiomo tutuluno inuleno i Saki, anano i Burahima. I Burahima hinao anano i Saki. Tinuwuno i Saki pato pulu nta'u, tempono i'alao i Ribeka, anano i Betueli, to Arami inso i Padana-Arami, pepaekompono beine i Laba, to Arami atuu, i'alao gagi beineno. I Saki mekakaiakono beineno ndi Ondae i UE, hangano beineno atuu biita nahi pe'ana. Ondae i UE uminduo pekakaino, onaemo ka imentia i Ribeka, beineno atuu. Sine anano a laro mpe'anakaano mambe ewa, ka ipotae, ”Tewala kanandio, tembio ka kupembasaio anu kanandio?” Ka i'amba lumako mesikeno ndi Ondae i UE. Pau-Do i UE ndi onae,
”Orua tongku a laro mpe'anakaamu,
orua suku tongku ira mensua inso a laro mpe'anakaamu.
Suku tongku anu asa ta lalu moroso sekonopo anu susua,
ana anu te'aka ta gagi ata a ana anu uai.”
Mansano haweakoomo tempono ta me'ana, lano ana indua anu kongko a laro mpe'anakaano. Anu amba-ambano meluarako, motaha-taha, asa ngkoroino kana lemba meloe anu mewulu. Onaemo pu'uno, ka inineeako i Esau.
Umarino atuu meluarakoomo uaino; kaeno uminio tundono i Esau. Onaemo pu'uno, ka inineeako i Yako. Tinuwuno i Saki nomo pulu nta'u tempono dopine'anaako. Nana'ote orua atuu kolangka-langkaido: I Esau gagi asa mia anu pande mowemba, asa mia anu ineheno mo'ia i tonga mpada, sine i Yako onae asa mia anu modato peleluno, anu ineheno mo'ia a ngkema. I Saki mehohawao i Esau, hangano ineheno mongkaa bau pinongko'alano, sine i Ribeka mehohawao i Yako.


I asa oleo i Yako tekonai hinao ninahuno, tempono i Esau hawe mompemokendo inso a mpada. Motae i Esau ndi Yako, ”Po'ineeomo kupongkaa tedei inso anu motaha-taha atuu, hangano mokendo aku.” Onaemo pu'uno ka inineeako i Edomi. Sine, motae i Yako, ”Asao ari tia te'akamu ndi ongkue.” Sumangki i Esau, ”Kitao, ongkue ilawu mate; hapa tuduno tia te'aka atuu ndi ongkue?” Motae i Yako, ”Pesumpa ari ndi ongkue.” Mesumpaomo i Esau ndi onae, ka i'asao tia te'akano ndi Yako. Ka i'amba i Yako moweeakono roti ka wua inahu motaha ninahuno atuu ndi Esau. Onae mongkaa ka mo'inu, ka i'amba mentade lumako. Kanatuumo i Esau nahi pelangkaio tia te'akano atuu.

Hør på Tegagia 25