If you would like a copy of this version please contact info@davaraudiobibles.org

Mori Old Testament

<div class="version vid3813 iso6393xmz" data-vid="3813" data-iso6393="xmz">
 <div class="book bkGEN">
 <div class="chapter ch22" data-usfm="GEN.22">
 <div class="label">22</div><div class="s">Pompe'ala-alano i Burahima inarahako</div><div class="r"> 22:1-19</div><div class="p"> 1 # 
 Ibr. 11:17-19
 Umarino gagi luwuno atuu, Ondae Ue Ala umarahakono i Burahima. Mepau Ira ndi onae, &#8221;Burahima,&#8221; ka i'amba sumangki, &#8221;Oo Ue.&#8221; 2Mepau Ira, &#8221;Alaomo i Saki, anamu anu asa-asano, anu pinehohawamu, lakomo i wita Moria ka pesombaakonomo i ra'ai gagi pesomba tinunu i asa torukuno anu Aku pauakomu.&#8221; 3Tisomono mo'oru i Burahima mewangu, lumampio kalideno ka ipoboio orua ira atano saru i Saki, anano. Ibansio mbo'u keu pontunu pesomba tinunu, ka i'amba melungka lumako a mpo'ianga anu Dopauakono Ue Ala. 4A oleo ko'otolu tempono i Burahima mengkita ngkoraane, ikitao po'ianga atuu inso olai. 5I Burahima motaeako ira orua atano, &#8221;Ipo'iamo i ndi'ai saru kalide andio. Ongkue saru nana'ote andio kami lumako i ra'ai. Kami mesomba, ka ki'amba mekule ndi omiu.&#8221; 6I Burahima umalao keu pontunu pesomba tinunu atuu, ka inaao a wawo oweano i Saki, anano, ka onae mowawa api ka piso a ngkaeno. Ka do'amba melempa meronga-ronga. 7Motae i Saki ndi Burahima, amano, &#8221;Amaku.&#8221; Sumangki i Burahima, &#8221;Tembio, anaku.&#8221; Mesikeno i Saki, &#8221;I ndi'ai hinaomo api ka keu, sine isua ana bimba weweua pesomba tinunu?&#8221; 8Sumangki i Burahima, &#8221;Ondae Ue Ala anu mompatinda ana bimba weweua pesomba tinunu tia-Do, Anaku.&#8221; Kanandiomo dopelempa orua ira meronga-ronga.</div><div class="p"> 9 # 
 Yak. 2:21
 Ka do'amba hawe a mpo'ianga anu pinau-Do Ue Ala ndi onae. I Burahima mowangu meda pontunua pesomba i ra'ai, motudao keu, ponguo i Saki, anano, ka inaao a meda pontunua pesomba atuu, i wawono keu pontunu. 10Ka i'amba i Burahima umalao piso ta sumumbeleo anano. 11Sine mebooliomo Mala'eka-Do i Ue inso i langi ndi onae, &#8221;Burahima, Burahima!&#8221; Sumangki i Burahima, &#8221;Oo Ue.&#8221; 12Ka Do'amba mepau, &#8221;Si pepateo nana'ote atuu ka si poweweu hapa-hapa ndi onae, hangano kanandio-andio Kuto'oriomo nine omue doitoako Ira Ue Ala ka nahi nanta-nanta aroamu meweengakono anamu anu asa-asano atuu ndi Ongkue.&#8221; 13Ka i'amba i Burahima mewolili ka ikitao asa bimba lakino i bungkuno, anu tekai tanduno a haro. I Burahima umalao bimba atuu, ka i'amba mesombaakono gagi pesomba tinunu, euno anano. 14I Burahima numeeakono po'ianga atuu, &#8221;Ondae i Ue mompatinda,&#8221; kana dompotae mia hawe kanandio-andio, &#8221;A wawo ntorukuno-Do i Ue, ta pinatinda.&#8221;</div><div class="p"> 15Anu kompenduano Mala'eka-Do i Ue mebooli inso i langi ndi Burahima, 16#Ibr. 6:13-14; 11:12Pau-Do, &#8221;Ongkue mesumpa a ngkoroi-Ku,&#8221; kanandiomo pau-Do i Ue, &#8221;hangano moweweukomo kanandio, ka omue nahi nanta-nanta meweengakono anamu anu asa-asano ndi Ongkue, 17manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido. 18#Tin. 3:25; Gal. 3:16Molalo inulemu luwuno tongku i tolino ira mpohawe ronso, hangano omue momperorongeako pau-Ku.&#8221; 19Ka i'amba i Burahima mekule a orua atano ka mperonga-ronga ira mpelungka melako i Bereseba. Ka i'amba i Burahima mo'ia i Bereseba.</div><div class="s">Inuleno i Nahori</div><div class="r"> 22:20-24</div><div class="p"> 20Umarino atuu i Burahima mohawe lele, &#8221;I Milika mbo'u me'anaako iramo ana ntama, anano i Nahori, pepaekompomu: 21I Usi, ana aka, ka i Busi, uaino, ka i Kemueli amano i Arami, 22ka i Kesedi, i Haso, i Piladasi, i Yidalapi ka i Betueli.&#8221; 23I Betueli hinao anano i Ribeka. Oalu mia andio anano i Nahori, pepaekompono i Burahima atuu, anu pine'anaakono i Milika. 24Benie mongurano i Nahori, anu neeno i Reuma, me'anaako ira mbo'u i Tebahi, i Gahami, i Tahasi, ka i Ma'aka.</div>
 </div>
 </div>
</div>

Umarino gagi luwuno atuu, Ondae Ue Ala umarahakono i Burahima. Mepau Ira ndi onae, ”Burahima,” ka i'amba sumangki, ”Oo Ue.” Mepau Ira, ”Alaomo i Saki, anamu anu asa-asano, anu pinehohawamu, lakomo i wita Moria ka pesombaakonomo i ra'ai gagi pesomba tinunu i asa torukuno anu Aku pauakomu.” Tisomono mo'oru i Burahima mewangu, lumampio kalideno ka ipoboio orua ira atano saru i Saki, anano. Ibansio mbo'u keu pontunu pesomba tinunu, ka i'amba melungka lumako a mpo'ianga anu Dopauakono Ue Ala. A oleo ko'otolu tempono i Burahima mengkita ngkoraane, ikitao po'ianga atuu inso olai. I Burahima motaeako ira orua atano, ”Ipo'iamo i ndi'ai saru kalide andio. Ongkue saru nana'ote andio kami lumako i ra'ai. Kami mesomba, ka ki'amba mekule ndi omiu.” I Burahima umalao keu pontunu pesomba tinunu atuu, ka inaao a wawo oweano i Saki, anano, ka onae mowawa api ka piso a ngkaeno. Ka do'amba melempa meronga-ronga. Motae i Saki ndi Burahima, amano, ”Amaku.” Sumangki i Burahima, ”Tembio, anaku.” Mesikeno i Saki, ”I ndi'ai hinaomo api ka keu, sine isua ana bimba weweua pesomba tinunu?” Sumangki i Burahima, ”Ondae Ue Ala anu mompatinda ana bimba weweua pesomba tinunu tia-Do, Anaku.” Kanandiomo dopelempa orua ira meronga-ronga.
Ka do'amba hawe a mpo'ianga anu pinau-Do Ue Ala ndi onae. I Burahima mowangu meda pontunua pesomba i ra'ai, motudao keu, ponguo i Saki, anano, ka inaao a meda pontunua pesomba atuu, i wawono keu pontunu. Ka i'amba i Burahima umalao piso ta sumumbeleo anano. Sine mebooliomo Mala'eka-Do i UE inso i langi ndi onae, ”Burahima, Burahima!” Sumangki i Burahima, ”Oo Ue.” Ka Do'amba mepau, ”Si pepateo nana'ote atuu ka si poweweu hapa-hapa ndi onae, hangano kanandio-andio Kuto'oriomo nine omue doitoako Ira Ue Ala ka nahi nanta-nanta aroamu meweengakono anamu anu asa-asano atuu ndi Ongkue.” Ka i'amba i Burahima mewolili ka ikitao asa bimba lakino i bungkuno, anu tekai tanduno a haro. I Burahima umalao bimba atuu, ka i'amba mesombaakono gagi pesomba tinunu, euno anano. I Burahima numeeakono po'ianga atuu, ”Ondae i UE mompatinda,” kana dompotae mia hawe kanandio-andio, ”A wawo ntorukuno-Do i UE, ta pinatinda.”
Anu kompenduano Mala'eka-Do i UE mebooli inso i langi ndi Burahima, Pau-Do, ”Ongkue mesumpa a ngkoroi-Ku,” kanandiomo pau-Do i UE, ”hangano moweweukomo kanandio, ka omue nahi nanta-nanta meweengakono anamu anu asa-asano ndi Ongkue, manasa Aku rumonsoko tehadio ntu'u ka weweuo inulemu hadio ntu'u kana anano wula i langi ka kana one i wiwi ntahi. Inulemu atuu ira mpentorokio luwuno kotado iwalido. Molalo inulemu luwuno tongku i tolino ira mpohawe ronso, hangano omue momperorongeako pau-Ku.” Ka i'amba i Burahima mekule a orua atano ka mperonga-ronga ira mpelungka melako i Bereseba. Ka i'amba i Burahima mo'ia i Bereseba.


Umarino atuu i Burahima mohawe lele, ”I Milika mbo'u me'anaako iramo ana ntama, anano i Nahori, pepaekompomu: I Usi, ana aka, ka i Busi, uaino, ka i Kemueli amano i Arami, ka i Kesedi, i Haso, i Piladasi, i Yidalapi ka i Betueli.” I Betueli hinao anano i Ribeka. Oalu mia andio anano i Nahori, pepaekompono i Burahima atuu, anu pine'anaakono i Milika. Benie mongurano i Nahori, anu neeno i Reuma, me'anaako ira mbo'u i Tebahi, i Gahami, i Tahasi, ka i Ma'aka.

Hør på Tegagia 22