Hadiyya - 1992 BSE Non-Drama (NT)

Hadiyya - 1992 BSE Drama (NT)

<div class="version vid3498 iso6393hdy" data-vid="3498" data-iso6393="hdy">
 <div class="book bkJHN">
 <div class="chapter ch6" data-usfm="JHN.6">
 <div class="label">6</div><div class="s">Onti Kum Mannina Hurbaata Yesuus Itisukkisa</div><div class="r">(Mat 14:13-21; Mar 6:30-44; Luq 9:10-17)</div><div class="p"> 1Ee lasage Yesuus Galii'l Dambalaq eeqido firukko. Oohim Xibiriyaadoos Dambalaq hee'ukko. 2Yesuus jabbaano fayyiisimminne issu maalalsiisoo mare'e moo'llo'i bikkina lobakat manni ixxo awwonto'o. 3Duunanne firaa ixxi losaaninne maqirem Yesuus afuurukko. 4Ee ammane Ayihuxxi minaadaphphi Shaashshiqqi Ugud hincaa hee'ukko. 5Lobakat minaadab ixxi beyyo waarukkuuyyi moo'u ammanenne Filiphphoosina Yesuus &#171;Ku manni itona qorosho'o hanniinsi bito aa'nnoommo?&#187; yukko. 6Yesuus eehid yukkok Filiphphoosa keeneenatte bagaan issoo luwwa ixxi gagim la'am hee'ukko. 7Filiphphoos ixxena dabaraa &#171;Annannichchinam gootto'o gootto'o afisimminam lam xibbi diinaa'l#6:7 Ee ammane mat diinaar mat balli malaayyina miqakkam diinat hee'ukko. qorosho'im ihooyyo&#187; yukko. 8Ixxi losaaniinsi mat hee'u Indiraas ixxim Pheexiroosa yakkam Simi'oonina abbaayyi Yesuusina 9&#171;Onti xeffo'i so'i qorosho'oo lam qurxumme'ee amadaakkoo mat beet keyye yookko. Ihukkaarem ka manni hundinam kuqaxichchi hinkid iheena xanookko?&#187; yukko.</div><div class="p"> 10Yesuus dabaraa &#171;Manna afuussehe&#187; yukkaare afuussito'o. Ee beyyonne manni afuuroo'isina lobakat hix hee'ukko. Ee mannikim goo'nnek xig onti kuma ihooqax hee'ukko. 11Manni afuuraa lasage Yesuus ee qorosho'o aa'aa Waa'a galaxxaa ee afuuru mannina baxxansukko. Ee'isam qurxumme'em ixxuwwi hassoqaxa baxxansukko. 12Ixxuwwi itta'a goddita'a lasage ixxi losaanina &#171;Beyyonne gatu giggiriinsi mahim gatoobee'isa ki'issehe&#187; yukko. 13Ee bikkina ixxuwwi ee ontem xeffo'i qorosho'iinsim itakka'a gatu giggira wixxaa'lla'a tommonnee lam sanfonnee wonshita'a ki'isso'o. 14Oo manni ixxi issu mare'e moo'lla'a &#171;Kuk hanqinam &#8249;Ka uulla waarookko&#8250; yakko'i hiraagaancho!&#187; yito'o. 15Mannim waatta'a ixxo amadda'a malaayyinne adil issiteena hasso'isa Yesuus la'aa annanni ihaa mullam odim duunanne firukko.</div><div class="s">Dambalaqanne Yesuus Taakke'ukkisa</div><div class="r">(Mat 14:22-33; Mar 6:45-52)</div><div class="p"> 16Uulli hiimukkaare ixxi losaan dambalaqa dillita'a 17wongirannem aagga'a dambalaq eeqidonne yoo Qifirinnaahooma matto'o. Oo ammanim tuunsi hee'ukko. Ee ammane Yesuus ixxuwwi beyyo waaroo'nnim hee'ukko. 18Mattonam malaayyaam hafachchi ki'u bikkina dambalaqanne womoor ki'ukko. 19Ixxuwwi onto te'im loh kiilomeetira#6:19Giriik kitaab &#171;Lamiyyee onti te'im sad istaadiyooma&#187; yookko. ihooqaxa matto'isam dambalaq hanenne Yesuus taakke'ukkuuyyi wongi'l kollonne hincukkuuyyi moo'lla'a baddito'o. 20Ihukkaarem Yesuus ixxuwwina &#171;Anette; badditakkotte!&#187; yukko. 21Ee lasage ixxo liiranchinne aa'lla'a wongiranne aagisso'isam mattam hee'llo'i uulla affo'o.</div><div class="s">Yesuus Heechchi Hurbaat Ihukkisa</div><div class="p"> 22La'm balla dambalaq eeqidonne gatta'a hee'llo'i minaadab eekke'e uullaa hee'ukkok mexxo'i wongir ihukkisaa Yesuus ee wongiranne aagoo'nnim ixxi losaan mullam utta'a matto'isaa laqqo'o. 23Ee ammanem Moollanni Yesuus Waa'a galaxxaa lasage qorosho'o itto'i beyyina gadano Xibiriyaadoosiinsi wongilluwwi waarukko. 24Manni Yesuusii ixxi losaanii ee beyyonne bee'llo'isa moo'llo'i ammanenne ixxuwwim wongilluwwanne aagga'a Yesuusa hassu'uuyyi Qifirinnaahooma matto'o.</div><div class="p"> 25Ixxuwwim dambalaq eeqidonne Yesuusa siidda'a lasage ixxena &#171;Losisaancho! Ka beyyo hinki ammane waattitto?&#187; yito'o. 26Yesuusim ixxuwwina dabaraa &#171;Hanqinam an ki'nnuwwina kuroommo; eese hassakkamuullak qorosho'o godditakka'a ittakko'i bikkinatte bagaan mare'e moo'llakko'i bikkinayyo. 27Bi'oo hurbaatina baxxakkotte; ihukkaarem Manchi Beet uwwoo heer heerina hee'oo hurbaatina baxxehe. Mashka'oomim anni Waa'i ixxonne koobo'o koobaakko&#187; yukko.</div><div class="p"> 28Ixxuwwim ixxena &#171;Waa'ika baxo banxeena neese maha issino?&#187; yito'o. 29Yesuus ixxuwwina dabaraa &#171;Waa'i ki'nnuwwi issitakkona hasoo bax ixxi asse'ukkaannonne amma'nnitakkonatte&#187; yukko. 30Ee bikkina ixxuwwi odim &#171;Eehaare neese moo'nnaa keesenne amma'nninoommisina maalalsiisoo mare'e maha issitootto? Madu baxxootto? 31#Doy 16:4 Keesammi Kitaabanne &#8249;Ittamisina iimaniinsi hurbaata uwwukko&#8250; yamamaa kitaabamukkisanne niyyanno'i udma'anne maanna'a itto'o&#187; yito'o. 32Odim Yesuus ixxuwwina &#171;Hanqinam an ki'nnuwwina kuroommo; ki'nnuwwina iimaniinsi hurbaata uwwukkok Muse'eyyo. Iimaniinsi hanqo'i hurbaata uwwookkok Iyyanna. 33Mashka'oomim Waa'i uwwu hurbaat mannina heechcha uwwookkok iimaniinsi dillukkane&#187; yukko. 34Ixxuwwim ixxena &#171;Moollanna! Ee hurbaata niina hundi ammanem uwwe&#187; yito'o.</div><div class="p"> 35Yesuus ixxuwwina &#171;An heechcha uwwoommi hurbaata. I beyyo waarookkokim sibaarooyyo. Eesenne amma'nnookkokim hore'em xeebe'ooyyo. 36Ihukkaarem ki'nnuwwi eese moo'llakko'aarem amma'nnitakkobee'isa kuraammo. 37Iyyanni iina uwwukkok hundim i beyyo waarookko. Ee i beyyo waarookkokam an biiranne holloommoyyo. 38Mashka'oomim an iimaniinsi dillummok eese asse'ukkaanni doo'lla isseenatte bagaan i doo'lla isseenayyo. 39Eese asse'ukkaannik doo'l iina uwwu keeniinsi matichchim bi'oo'n lasaanchi ayyaamonne hundam lehiinsi ki'isoommisinatte. 40Iyyanni hasookkok Beeto moo'aa ixxonne amma'nnookkok hundim heer heerina hee'oo heechcha siixxoo'isinatte. Anim ixxo lasaanchi ayyaamonne lehiinsi ki'isoommo&#187; yukko.</div><div class="p"> 41Yesuus ixxuwwina &#171;Iimaniinsi dillu hurbaat anette&#187; yu bikkina wixxito'i Ayihuxxi minaadab ixxonne quunquunto'o. 42Ixxuwwim &#171;Ku Yesuus Yooseef beetoyyonnihe? Ixxeka annaa amaa neese lanqoommaneyyonnihe? Ixxi kaba hinkid &#8249;Iimaniinsi dillaammo&#8250; yoolla?&#187; yito'o. 43Yesuus ixxuwwina dabaraa &#171;Ki'nnuwwina'i ki'nnuwwim quunquuntakkotte. 44Eese asse'u Iyyanni i beyyo worubeelas ayyim i beyyo waareena xanooyyo. Ixxom lasaanchi ayyaamonne lehiinsi ki'isoommo. 45#Isa 54:13 Hiraagaan</div><div class="q">&#8249;Hundim Waa'iinsi lossam keen ikkamo&#8250; yita'a kitaabbo'ookko.</div><div class="m">Iyyanniinsi macceesukkokii losukkokii hundim i beyyo waarookko. 46An eehid yoommok manni Waa'a moo'aakko yimminayyo. Waa'i beyyiinsi waarukkaanniinsi bagaan Waa'a moo'ukkok matim bee'e. 47Hanqinam an ki'nnuwwina kuroommo; eesenne amma'nnoohaannina ayyenam heer heerina hee'oo heechchi yookko. 48An heechcha uwwoommi hurbaata. 49Ki'nnuwwi anno'i maanna'a udma'anne itto'aarem leto'o. 50Manni ixxeensi itaa lehoobee'isina kaba iimaniinsi dillu hurbaat kane. 51Iimaniinsi dillu heechcha uwwoo hurbaat anette. Ayyim ka hurbaatiinsi itulas heer heerinam hee'ookko. Ka uulli minaadabina heechcha uwwoo'isina an uwwoommi hurbaat i maara&#187; yukko.</div><div class="p"> 52Ee lasage Ayihuxxi minaadab ixxuwwina'i ixxuwwim &#171;Ku manchi neese intoommisina ixxeka maara hinkid issaa uwweena xanookko?&#187; yita'a fitanto'o. 53Ee bikkina Yesuus ixxuwwina &#171;Hanqinam an ki'nnuwwina kuroommo; Manchi Beetika maara ittakkobeelas ixxeka xiigam aggakkobeelas ki'nnuwwina heechchi bee'e. 54I maara itoohaannina i xiigam agoohaannina heer heerina hee'oo heechchi yookko. Ixxo an lasaanchi ayyaamonne lehiinsi ki'isoommo. 55Iikki maar hanqo'i hurbaata. I xiigim hanqo'i agga. 56I maara itookkok odim i xiigam agookkok iinninne hee'ookko. Anim ixxenne hee'oommo. 57Hee'oo Iyyanni eese asse'u bikkinaa iyyanni hee'oo'isam anim hee'oommi bikkinaa an hee'oommisam i maara itookkokim hee'ookko. 58Iimaniinsi dillu hurbaat kane; ki'nnuwwi anno'i maanna'a itto'aarem leto'o. Ihukkaarem ka hurbaata itookkok heer heerinam hee'ookko&#187; yukko. 59Yesuus kaka kurukkok Qifirinnaahoomanne Ayihuxxi manni wixxixxi minenne losisukkuuyyette hee'ukko.</div><div class="s">Heer Heerina Hee'oo Heechchi Sagara</div><div class="p"> 60Ixxi losaa'nnek lobakat keen ee Yesuus wocu woshsha macceesso'i ammanenne &#171;Kuk kee'mmaalli woshsha; kaka ayyi aa'eena xanookko?&#187; yito'o. 61Ihukkaarem Yesuus losaan ee woshshanne quunquunto'isa la'aa &#171;Ka woshshanne ki'nnuwwi qolantakkamuullannihe? 62Manchi Beet eraare hee'u beyyo daba'llaa firukkuuyyi moo'llakkota'n maha ikkakkamo? 63Heechcha uwwookkok Keesammi Ayyaana bagaan maar maham awwaadooyyo. An ki'nnuwwina wocummi sagar heechchaa ayyaanaa&#187; yukko. 64Ihukkaarem Yesuus ixxonne amma'nnitambee'i keenoo ixxom higisaa uwwookkok ayyetda'e ihukkisaa luxxaanniinsim ki'isaa la'am hee'u bikkina &#171;Ki'nnuwwiinsi mat mat amma'nnitakkambee'i keen yoontakke'e&#187; yukko. 65Odim Yesuus &#171;I beyyo waaroo'isa Iyyanni issubee'ek ayyim waareena xanooyyo yummok eehanninatteme&#187; yukko.</div><div class="p"> 66Ee mashka'inne lobakat ixxi losaan ixxo awwonimma utta'a laso daba'llito'o. Ee lasage ixxenne maqire od matto'oyyo. 67Yesuus tomminaa lamem losaaninam &#171;Ki'nnuwwim uttakka'a mattakkeena hassakkamonnihe?&#187; yukko. 68#Mat 16:16; Mar 8:29; Luq 9:20 Pheexiroosa yakkam Simi'oonim ixxena dabaraa &#171;Moollanna! Neese ayyi beyyo malloommo? Ki sagar heer heerina hee'oo heechcha uwwoohane. 69At keesantaattoo Waa'i Beet ikkittisa neese amma'nninaammoo lanqaammoo&#187; yukko. 70Yesuusim ixxuwwina dabaraa &#171;An ki'nnuwwa tommoo lamoo doo'llummoyyonnihe? Ki'nnuwwiinsi matom Sheexaancho&#187; yukko. 71Yesuus eekka wocukkok ixxo higisaa uwwoo Asqorotokkichchi hee'u Simi'oon beet Yihud bikkinatte. Oo Yihud tommiinsii lam losaaniinsii mat hee'ukko.</div>
 </div>
 </div>
</div>

Ee lasage Yesuus Galii'l Dambalaq eeqido firukko. Oohim Xibiriyaadoos Dambalaq hee'ukko. Yesuus jabbaano fayyiisimminne issu maalalsiisoo mare'e moo'llo'i bikkina lobakat manni ixxo awwonto'o. Duunanne firaa ixxi losaaninne maqirem Yesuus afuurukko. Ee ammane Ayihuxxi minaadaphphi Shaashshiqqi Ugud hincaa hee'ukko. Lobakat minaadab ixxi beyyo waarukkuuyyi moo'u ammanenne Filiphphoosina Yesuus «Ku manni itona qorosho'o hanniinsi bito aa'nnoommo?» yukko. Yesuus eehid yukkok Filiphphoosa keeneenatte bagaan issoo luwwa ixxi gagim la'am hee'ukko. Filiphphoos ixxena dabaraa «Annannichchinam gootto'o gootto'o afisimminam lam xibbi diinaa'l qorosho'im ihooyyo» yukko. Ixxi losaaniinsi mat hee'u Indiraas ixxim Pheexiroosa yakkam Simi'oonina abbaayyi Yesuusina «Onti xeffo'i so'i qorosho'oo lam qurxumme'ee amadaakkoo mat beet keyye yookko. Ihukkaarem ka manni hundinam kuqaxichchi hinkid iheena xanookko?» yukko.
Yesuus dabaraa «Manna afuussehe» yukkaare afuussito'o. Ee beyyonne manni afuuroo'isina lobakat hix hee'ukko. Ee mannikim goo'nnek xig onti kuma ihooqax hee'ukko. Manni afuuraa lasage Yesuus ee qorosho'o aa'aa Waa'a galaxxaa ee afuuru mannina baxxansukko. Ee'isam qurxumme'em ixxuwwi hassoqaxa baxxansukko. Ixxuwwi itta'a goddita'a lasage ixxi losaanina «Beyyonne gatu giggiriinsi mahim gatoobee'isa ki'issehe» yukko. Ee bikkina ixxuwwi ee ontem xeffo'i qorosho'iinsim itakka'a gatu giggira wixxaa'lla'a tommonnee lam sanfonnee wonshita'a ki'isso'o. Oo manni ixxi issu mare'e moo'lla'a «Kuk hanqinam ‹Ka uulla waarookko› yakko'i hiraagaancho!» yito'o. Mannim waatta'a ixxo amadda'a malaayyinne adil issiteena hasso'isa Yesuus la'aa annanni ihaa mullam odim duunanne firukko.


Uulli hiimukkaare ixxi losaan dambalaqa dillita'a wongirannem aagga'a dambalaq eeqidonne yoo Qifirinnaahooma matto'o. Oo ammanim tuunsi hee'ukko. Ee ammane Yesuus ixxuwwi beyyo waaroo'nnim hee'ukko. Mattonam malaayyaam hafachchi ki'u bikkina dambalaqanne womoor ki'ukko. Ixxuwwi onto te'im loh kiilomeetira ihooqaxa matto'isam dambalaq hanenne Yesuus taakke'ukkuuyyi wongi'l kollonne hincukkuuyyi moo'lla'a baddito'o. Ihukkaarem Yesuus ixxuwwina «Anette; badditakkotte!» yukko. Ee lasage ixxo liiranchinne aa'lla'a wongiranne aagisso'isam mattam hee'llo'i uulla affo'o.

La'm balla dambalaq eeqidonne gatta'a hee'llo'i minaadab eekke'e uullaa hee'ukkok mexxo'i wongir ihukkisaa Yesuus ee wongiranne aagoo'nnim ixxi losaan mullam utta'a matto'isaa laqqo'o. Ee ammanem Moollanni Yesuus Waa'a galaxxaa lasage qorosho'o itto'i beyyina gadano Xibiriyaadoosiinsi wongilluwwi waarukko. Manni Yesuusii ixxi losaanii ee beyyonne bee'llo'isa moo'llo'i ammanenne ixxuwwim wongilluwwanne aagga'a Yesuusa hassu'uuyyi Qifirinnaahooma matto'o.
Ixxuwwim dambalaq eeqidonne Yesuusa siidda'a lasage ixxena «Losisaancho! Ka beyyo hinki ammane waattitto?» yito'o. Yesuusim ixxuwwina dabaraa «Hanqinam an ki'nnuwwina kuroommo; eese hassakkamuullak qorosho'o godditakka'a ittakko'i bikkinatte bagaan mare'e moo'llakko'i bikkinayyo. Bi'oo hurbaatina baxxakkotte; ihukkaarem Manchi Beet uwwoo heer heerina hee'oo hurbaatina baxxehe. Mashka'oomim anni Waa'i ixxonne koobo'o koobaakko» yukko.
Ixxuwwim ixxena «Waa'ika baxo banxeena neese maha issino?» yito'o. Yesuus ixxuwwina dabaraa «Waa'i ki'nnuwwi issitakkona hasoo bax ixxi asse'ukkaannonne amma'nnitakkonatte» yukko. Ee bikkina ixxuwwi odim «Eehaare neese moo'nnaa keesenne amma'nninoommisina maalalsiisoo mare'e maha issitootto? Madu baxxootto? Keesammi Kitaabanne ‹Ittamisina iimaniinsi hurbaata uwwukko› yamamaa kitaabamukkisanne niyyanno'i udma'anne maanna'a itto'o» yito'o. Odim Yesuus ixxuwwina «Hanqinam an ki'nnuwwina kuroommo; ki'nnuwwina iimaniinsi hurbaata uwwukkok Muse'eyyo. Iimaniinsi hanqo'i hurbaata uwwookkok Iyyanna. Mashka'oomim Waa'i uwwu hurbaat mannina heechcha uwwookkok iimaniinsi dillukkane» yukko. Ixxuwwim ixxena «Moollanna! Ee hurbaata niina hundi ammanem uwwe» yito'o.
Yesuus ixxuwwina «An heechcha uwwoommi hurbaata. I beyyo waarookkokim sibaarooyyo. Eesenne amma'nnookkokim hore'em xeebe'ooyyo. Ihukkaarem ki'nnuwwi eese moo'llakko'aarem amma'nnitakkobee'isa kuraammo. Iyyanni iina uwwukkok hundim i beyyo waarookko. Ee i beyyo waarookkokam an biiranne holloommoyyo. Mashka'oomim an iimaniinsi dillummok eese asse'ukkaanni doo'lla isseenatte bagaan i doo'lla isseenayyo. Eese asse'ukkaannik doo'l iina uwwu keeniinsi matichchim bi'oo'n lasaanchi ayyaamonne hundam lehiinsi ki'isoommisinatte. Iyyanni hasookkok Beeto moo'aa ixxonne amma'nnookkok hundim heer heerina hee'oo heechcha siixxoo'isinatte. Anim ixxo lasaanchi ayyaamonne lehiinsi ki'isoommo» yukko.
Yesuus ixxuwwina «Iimaniinsi dillu hurbaat anette» yu bikkina wixxito'i Ayihuxxi minaadab ixxonne quunquunto'o. Ixxuwwim «Ku Yesuus Yooseef beetoyyonnihe? Ixxeka annaa amaa neese lanqoommaneyyonnihe? Ixxi kaba hinkid ‹Iimaniinsi dillaammo› yoolla?» yito'o. Yesuus ixxuwwina dabaraa «Ki'nnuwwina'i ki'nnuwwim quunquuntakkotte. Eese asse'u Iyyanni i beyyo worubeelas ayyim i beyyo waareena xanooyyo. Ixxom lasaanchi ayyaamonne lehiinsi ki'isoommo. Hiraagaan
‹Hundim Waa'iinsi lossam keen ikkamo› yita'a kitaabbo'ookko.
Iyyanniinsi macceesukkokii losukkokii hundim i beyyo waarookko. An eehid yoommok manni Waa'a moo'aakko yimminayyo. Waa'i beyyiinsi waarukkaanniinsi bagaan Waa'a moo'ukkok matim bee'e. Hanqinam an ki'nnuwwina kuroommo; eesenne amma'nnoohaannina ayyenam heer heerina hee'oo heechchi yookko. An heechcha uwwoommi hurbaata. Ki'nnuwwi anno'i maanna'a udma'anne itto'aarem leto'o. Manni ixxeensi itaa lehoobee'isina kaba iimaniinsi dillu hurbaat kane. Iimaniinsi dillu heechcha uwwoo hurbaat anette. Ayyim ka hurbaatiinsi itulas heer heerinam hee'ookko. Ka uulli minaadabina heechcha uwwoo'isina an uwwoommi hurbaat i maara» yukko.
Ee lasage Ayihuxxi minaadab ixxuwwina'i ixxuwwim «Ku manchi neese intoommisina ixxeka maara hinkid issaa uwweena xanookko?» yita'a fitanto'o. Ee bikkina Yesuus ixxuwwina «Hanqinam an ki'nnuwwina kuroommo; Manchi Beetika maara ittakkobeelas ixxeka xiigam aggakkobeelas ki'nnuwwina heechchi bee'e. I maara itoohaannina i xiigam agoohaannina heer heerina hee'oo heechchi yookko. Ixxo an lasaanchi ayyaamonne lehiinsi ki'isoommo. Iikki maar hanqo'i hurbaata. I xiigim hanqo'i agga. I maara itookkok odim i xiigam agookkok iinninne hee'ookko. Anim ixxenne hee'oommo. Hee'oo Iyyanni eese asse'u bikkinaa iyyanni hee'oo'isam anim hee'oommi bikkinaa an hee'oommisam i maara itookkokim hee'ookko. Iimaniinsi dillu hurbaat kane; ki'nnuwwi anno'i maanna'a itto'aarem leto'o. Ihukkaarem ka hurbaata itookkok heer heerinam hee'ookko» yukko. Yesuus kaka kurukkok Qifirinnaahoomanne Ayihuxxi manni wixxixxi minenne losisukkuuyyette hee'ukko.

Ixxi losaa'nnek lobakat keen ee Yesuus wocu woshsha macceesso'i ammanenne «Kuk kee'mmaalli woshsha; kaka ayyi aa'eena xanookko?» yito'o. Ihukkaarem Yesuus losaan ee woshshanne quunquunto'isa la'aa «Ka woshshanne ki'nnuwwi qolantakkamuullannihe? Manchi Beet eraare hee'u beyyo daba'llaa firukkuuyyi moo'llakkota'n maha ikkakkamo? Heechcha uwwookkok Keesammi Ayyaana bagaan maar maham awwaadooyyo. An ki'nnuwwina wocummi sagar heechchaa ayyaanaa» yukko. Ihukkaarem Yesuus ixxonne amma'nnitambee'i keenoo ixxom higisaa uwwookkok ayyetda'e ihukkisaa luxxaanniinsim ki'isaa la'am hee'u bikkina «Ki'nnuwwiinsi mat mat amma'nnitakkambee'i keen yoontakke'e» yukko. Odim Yesuus «I beyyo waaroo'isa Iyyanni issubee'ek ayyim waareena xanooyyo yummok eehanninatteme» yukko.
Ee mashka'inne lobakat ixxi losaan ixxo awwonimma utta'a laso daba'llito'o. Ee lasage ixxenne maqire od matto'oyyo. Yesuus tomminaa lamem losaaninam «Ki'nnuwwim uttakka'a mattakkeena hassakkamonnihe?» yukko. Pheexiroosa yakkam Simi'oonim ixxena dabaraa «Moollanna! Neese ayyi beyyo malloommo? Ki sagar heer heerina hee'oo heechcha uwwoohane. At keesantaattoo Waa'i Beet ikkittisa neese amma'nninaammoo lanqaammoo» yukko. Yesuusim ixxuwwina dabaraa «An ki'nnuwwa tommoo lamoo doo'llummoyyonnihe? Ki'nnuwwiinsi matom Sheexaancho» yukko. Yesuus eekka wocukkok ixxo higisaa uwwoo Asqorotokkichchi hee'u Simi'oon beet Yihud bikkinatte. Oo Yihud tommiinsii lam losaaniinsii mat hee'ukko.

Hør på Yohaannis Mishiraachcha 6