<div class="version vid3247 iso6393acr" data-vid="3247" data-iso6393="acr">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Keje u'anik i kaj xaq i ulew ile, xaq ronojel ni'pa o chwach. 2Are xuriqa uwuq ij, i Dios xuxlanik man xutzin chu'anik ronojel i chak chi ujeqom. 3I Dios xuya utzil chomal puwi uwuq ij, xresaj xaq xusaqij chi lik o u'ij, man che i ij le xuxlan chu'anik ronojel uchak. 4Keje uyijilem i kaj xaq i ulew ile rumal i Dios.</div><div class="s1">Ad&#225;n xaq i al Eva pa tikonb'al Ed&#233;n</div><div class="p">Are x-antaj i kaj xaq i jyub' ta'aj rumal i Ajwal Dios, 5lik k'amaja kealax li che' xaq k'amaja kealax li es chwach ulew; man i Ajwal Dios, lik k'amaja kuya li jab' chwach i jyub' ta'aj xaq mijun winaq olik re kchakun chwach. 6Xwiri ronojel i ulew kel li ruxlab' upam pacha sib', re ja'b'al uwach. 7Are uri i Ajwal Dios xuk'am uk'aj ulew xu'an jun achi che, xuxut'ij ruxlab' putzam i achi yab'al uk'aslemal; keje uya'ik uk'aslemal i achi ile.</div><div class="p"> 8I Ajwal Dios xutik jalajuj taq tikon chila prelb'al ij che i tikonb'al Ed&#233;n, xaq chila xuya wi i achi chi xu'ano. 9I Ajwal Dios xeralaxsaj li ronojel i jalajuj taq che' chi lik chom ktzunik, xaq kuya chomiq taq uwach re echa' chi lik rayijb'al re; xaq xralaxsaj li i che' re k'aslemal pa nik'aj che i tikonb'al, xaq xralaxsaj chali jun chik che' chi kuya i utz laj no'oj xaq i utz ti laj no'oj.</div><div class="p"> 10O jun raqana kalax chila pa Ed&#233;n, ja'b'al re i tikon; xaq chila kujach b'i rib', k-on b'i kajib' ral taq raqana. 11Ub'i i nab'e raqana, Pis&#243;n, ile are b'innaq b'i chuchi' ronojel i ulew Havila, chila ipa o wi an-o'oj. 12I an-o'oj chi o chila che i ulew le lik wajim; xaq o chomiq taq ab'aj bedelio xaq i &#243;nice. 13I ukab' raqana, Gih&#243;n ub'i, ile xaq b'innaq b'i chuchi' ronojel ulew chi Cus ub'i. 14I urox raqana, Hidekel ub'i; ile are k-e prelb'al ij che ulew Asiria, xaq i ukaj raqana &#201;ufrates ub'i.</div><div class="p"> 15I Ajwal Dios xuya i achi chila pa tikonb'al Ed&#233;n, man ku'an chak chupam i tikon xaq kuchajij. 16Are uri xuya i taqanik che, ru' i tziji: &#8220;Ronojel ni'pa i che' chi o chi pa tikonb'al utz katij uwach; 17xwiri uwach i che' chi kuya utz laj no'oj xaq i utz ti laj no'oj, matijo, man we xatijo saq laj tzij lik katkamik.&#8221;</div><div class="p"> 18Te'uri xub'ij i Ajwal Dios: &#8220;Utz taj chi i achi kk'iji utukel; kin-an ni jun rachi'il, tol re, chi lik rajwaxik che.&#8221; 19I Ajwal Dios, ru' uk'aj ulew xeu'an konojel i chikop aj chwach taq ulew xaq konojel i tz'ikin aj chwa taq kaj; te'uri xeuk'am li chwach achi man are ire kilawik wach kib'i kuya chke chkijujunal. Ronojel ni'pa kib'i i chikop chi xukoj i achi, lik are kib'i ile xkanajik. 20I achi xukoj kib'i konojel i chikop je manxo chi je aj ru' taq ja, konojel i tz'ikin aj chwa taq kaj xaq konojel i chikop aj pa taq es. Xwiri chkixol konojel i chikop le, xriqtaj ti jun tol re i achi, chi lik rajwaxik che. 21Are uri i Ajwal Dios xupetsaj jun nim laj waram che i achi, tz'aqat are kwarik, i Dios xresaj jun b'aq che uk'alk'ax, te'uri xutz'apij chik i ti' puk'ijib'al. 22I b'aq le chi xresaj i Ajwal Dios puk'alk'ax i achi, xu'an jun ixoq che xaq xuk'ut uwach che i achi. 23I achi are xrilo, xub'ij:</div><div class="p">&#8220;&#161;Ile lik are i b'aq re inb'aqil xaq ti' re inti'lal! Ire le, ixoq kb'ix ni che, man che i achi xelsax wi.&#8221;</div><div class="p"> 24Rumali, i achi kukanaj kan uqajaw uchuch man kkok'aj ni kib' ru' rixoqil, xaq ke'eloq, xa je jun ch'akulaj chik.</div><div class="p"> 25Che taq i ij le, i achi xaq i ixoq je ch'anal te'eq, xwiri mijun chke ike kk'ix taq che chi ch'analik.</div>
 </div>
 </div>
</div>

Keje u'anik i kaj xaq i ulew ile, xaq ronojel ni'pa o chwach. Are xuriqa uwuq ij, i Dios xuxlanik man xutzin chu'anik ronojel i chak chi ujeqom. I Dios xuya utzil chomal puwi uwuq ij, xresaj xaq xusaqij chi lik o u'ij, man che i ij le xuxlan chu'anik ronojel uchak. Keje uyijilem i kaj xaq i ulew ile rumal i Dios.

Are x-antaj i kaj xaq i jyub' ta'aj rumal i Ajwal Dios, lik k'amaja kealax li che' xaq k'amaja kealax li es chwach ulew; man i Ajwal Dios, lik k'amaja kuya li jab' chwach i jyub' ta'aj xaq mijun winaq olik re kchakun chwach. Xwiri ronojel i ulew kel li ruxlab' upam pacha sib', re ja'b'al uwach. Are uri i Ajwal Dios xuk'am uk'aj ulew xu'an jun achi che, xuxut'ij ruxlab' putzam i achi yab'al uk'aslemal; keje uya'ik uk'aslemal i achi ile.
I Ajwal Dios xutik jalajuj taq tikon chila prelb'al ij che i tikonb'al Edén, xaq chila xuya wi i achi chi xu'ano. I Ajwal Dios xeralaxsaj li ronojel i jalajuj taq che' chi lik chom ktzunik, xaq kuya chomiq taq uwach re echa' chi lik rayijb'al re; xaq xralaxsaj li i che' re k'aslemal pa nik'aj che i tikonb'al, xaq xralaxsaj chali jun chik che' chi kuya i utz laj no'oj xaq i utz ti laj no'oj.
O jun raqana kalax chila pa Edén, ja'b'al re i tikon; xaq chila kujach b'i rib', k-on b'i kajib' ral taq raqana. Ub'i i nab'e raqana, Pisón, ile are b'innaq b'i chuchi' ronojel i ulew Havila, chila ipa o wi an-o'oj. I an-o'oj chi o chila che i ulew le lik wajim; xaq o chomiq taq ab'aj bedelio xaq i ónice. I ukab' raqana, Gihón ub'i, ile xaq b'innaq b'i chuchi' ronojel ulew chi Cus ub'i. I urox raqana, Hidekel ub'i; ile are k-e prelb'al ij che ulew Asiria, xaq i ukaj raqana Éufrates ub'i.
I Ajwal Dios xuya i achi chila pa tikonb'al Edén, man ku'an chak chupam i tikon xaq kuchajij. Are uri xuya i taqanik che, ru' i tziji: “Ronojel ni'pa i che' chi o chi pa tikonb'al utz katij uwach; xwiri uwach i che' chi kuya utz laj no'oj xaq i utz ti laj no'oj, matijo, man we xatijo saq laj tzij lik katkamik.”
Te'uri xub'ij i Ajwal Dios: “Utz taj chi i achi kk'iji utukel; kin-an ni jun rachi'il, tol re, chi lik rajwaxik che.” I Ajwal Dios, ru' uk'aj ulew xeu'an konojel i chikop aj chwach taq ulew xaq konojel i tz'ikin aj chwa taq kaj; te'uri xeuk'am li chwach achi man are ire kilawik wach kib'i kuya chke chkijujunal. Ronojel ni'pa kib'i i chikop chi xukoj i achi, lik are kib'i ile xkanajik. I achi xukoj kib'i konojel i chikop je manxo chi je aj ru' taq ja, konojel i tz'ikin aj chwa taq kaj xaq konojel i chikop aj pa taq es. Xwiri chkixol konojel i chikop le, xriqtaj ti jun tol re i achi, chi lik rajwaxik che. Are uri i Ajwal Dios xupetsaj jun nim laj waram che i achi, tz'aqat are kwarik, i Dios xresaj jun b'aq che uk'alk'ax, te'uri xutz'apij chik i ti' puk'ijib'al. I b'aq le chi xresaj i Ajwal Dios puk'alk'ax i achi, xu'an jun ixoq che xaq xuk'ut uwach che i achi. I achi are xrilo, xub'ij:
“¡Ile lik are i b'aq re inb'aqil xaq ti' re inti'lal! Ire le, ixoq kb'ix ni che, man che i achi xelsax wi.”
Rumali, i achi kukanaj kan uqajaw uchuch man kkok'aj ni kib' ru' rixoqil, xaq ke'eloq, xa je jun ch'akulaj chik.
Che taq i ij le, i achi xaq i ixoq je ch'anal te'eq, xwiri mijun chke ike kk'ix taq che chi ch'analik.

Hør på G%E9nesis 2