<div class="version vid3176 iso6393gax" data-vid="3176" data-iso6393="gax">
 <div class="book bkMAT">
 <div class="chapter ch22" data-usfm="MAT.22">
 <div class="label">22</div><div class="s">Mammaassa Jila Fuudhaa Fi Heerumaa</div><div class="r">(Luq 14:15-24)</div><div class="p"> 1Yesuus ammalle mammaassaan isaanitti dubbatee, 2&#8220;Mootummaan Waaqaa mooticha tokko ka ilma ifiitiif jila fuudhaa fi heerumaa jilise fakkaatti. 3Worri gara jila fuudhaa fi heerumaa waamame akka dhufu itti himiisaaf, Mootichi tajaajiltoota ifii erge; isaan ammoo hin dhunne. 4Inni ammalle tajaajiltoota dhibii ergee, &#8216;Worra waamameeruun: Kunoo, jila tiyya ta fuudhaa fi heerumaa qopheesseera, sangootaa fi dardarooti cocoommiin qalamaneeran, wonni martille qophootteerti; gara jila fuudhaa fi heerumaa koya'a jedha'aatii itti hima'a&#8217; jedhe. 5Worri waamame ammoo tuffatee, tokko gara fichaa ifii, kuun gara daldala ifii deeme; 6worri kuun tajaajiltoota isaa qabee, akka malee tolchee, ijjeesse. 7Mootichi guddoo aaree, loltoota ifii ergee, worra tajaajiltoota isaa ijjeese san balleessee, qachaa isaaniille gube. 8Achiin duuba inni tajaajiltoota ifiitiin, &#8216;Jilti fuudhaa fi heerumaa qophootteerti, worri waamame ammoo ka jila tanaaf male hin teene. 9Tanaaf gara woldeennaa karaa gugurda'aa dhaqa'aatii, namuma dhaggitane mara gara jila fuudhaa fi heeruma tanaa waama'a!&#8217; jedhe. 10Tajaajiltooti sun gara karaa gugurda'aa bayanee nama dhaggane mara bada'aa fi dansaalle guurane; maarre manni jila fuudhaa fi heerumaa sun keessummootaan guutame.</div><div class="p"> 11&#8220;Mootichi keessumoota ilaaliisaaf yennaa ol seene ammoo, nama woyaa jila fuudhaa fi heerumaa hin uffatin tokko dhagge. 12Namichaan, &#8216;Jaali, woyaa jila fuudhaa fi heerumaa malee attamiin mana seente?&#8217; jedheen. Namichi waan dubbatu dhabe. 13Achiin duuba mootichi worra achi keessa ergamuun, &#8216;Harkaa fi miila isaa hidha'aatii, dukkana alaatitti gata'a. Achitti ilkaan qariisaa fi booyiis hin te'a&#8217; jedhe. 14Worri waamame heddu'u, worri filame ammoo diqqa'a&#8221; jedhe.</div><div class="s">Gaaffii Marroo Kaffaliisa Gibiraa</div><div class="r">(Mar 12:13-17; Luq 20:20-26)</div><div class="p"> 15Achiin duuba worri Fariisaayotaa dhaqanee waanuma inni dubbateen Yesuus xaqaru'uuf mari'atane. 16Maarre isaan barattoota ifii golii Heroodisii woliin gara isaa erganee, &#8220;Barsiisa'a, akka ati dhugaamessaa nuuti hin beenna; karaa Waaqaa dhugumaan barsiitta, ati nama hin sodaattu, nama tokkolle wol hin caalchittu. 17Maan sitti fakkaata? Mootii moototaa biyya Rooma'aatiif gibira kaffaluun seera moo seeraa moti? Nutti himi ree!&#8221; jedhaneen.</div><div class="p"> 18Yesuus ammoo, hammeenna isaanii beekee, &#8220;Isin kijiboolle'e! Maaf haga na ilaaltan? 19Beesee ittiin gabbartanu me natti mudhisa'a?&#8221; jedhe. Isaanille beesee#22:19 beesee: Kitaabi Giriikii dinaara jedha san tokka itti fidane. 20Achiin duuba inni, &#8220;Fakki'ii fi maqaan kun ka eennuu ti?&#8221; jedhee isaan gaafate.</div><div class="p"> 21Isaan deebisanee, &#8220;Ka mootii mootota biyya Rooma'aa ti&#8221; jedhaneen.</div><div class="p">Achiin duuba inni, &#8220;Tanaaf, waan mootii moototaa mootii moototaatiif, waan Waaqaalle Waaqaaf kenna'a&#8221; isaaniin jedhe.</div><div class="p"> 22Isaan yennaa waan kana dhage'ane baaseffatanee, isa lakkisanee deemane.</div><div class="s">Gaaffii Marroo Du'aa Ka'iisaa</div><div class="r">(Mar 12:18-27; Luq 20:27-40)</div><div class="p"> 23Gaafasuma Saduqooti, worri du'aa ka'iisi hin jiru jedhu, gara Yesuusii dhufanee,#HuE 23:8 24&#8220;Barsiisa'a, Muuseen, &#8216;Nami tokko adoo hin uumatin yoo du'e, obboleessi isaa niitii obboleessa du'ee san dhaalee, sanyii obboleessa ifiitiif dabarsuu ti&#8217; jedheera. 25Amma obboleeyyan torba tokkotti odduu teenna jiraayyu; angafichi fuudhee, ijoollee adoo hin uumatin irraa du'e; tanaaf obboleessi isaa haadha hiyyeessaa san dhaale. 26Ka lammeesso'oolle, ka sadeesso'oolle, haga torbeesso'ootitti isuma dhaalanee ijoollee adoo hin uumatin irraa du'ane. 27Mara isaaniitiin duuba, isiille duute. 28Gaafa worri du'ane ka'anu, marti isaaniituu waan isii fuudhaneeranuuf, isaan torba keessaa isiin kamiif niitii teeti?&#8221; jedhanee isa gaafatane.</div><div class="p"> 29Yesuus deebisee, &#8220;Barreeffama Woyyichaa fi hunna Waaqaa waan hin beenneef, isin hin dokonkortan. 30Yennaa worri du'ane ka'anu, isaan ol-gubba'atti akka ergantoota Waaqa te'an malee, hin fuudhanu, hin heerumanu. 31Marroo worra du'aa ka'iisa worra du'ee, waan Waaqi isiniin jedhe isin hin dubbinnee? 32Inni, &#8216;Ani Waaqa Abrahaamii, Waaqa Yisihaaqii, Waaqa Yaaqoobii ti&#8217; jedheera. Inni Waaqa worra jiraata'aati malee, Waaqa worra du'a'aatii moti&#8221; isaaniin jedhe. 33Gumiin yennaa tana dhageette, barsiisa isaa baaseffatte.</div><div class="s">Ajaja Guddicha</div><div class="r">(Mar 12:28-34; Luq 10:25-28)</div><div class="p"> 34Yesuus worra Saduqootaa akka cadhisiise yennaa dhage'ane, worri Fariisaayotaa wolitti dacha'ane. 35Isaan keessaalle'ee, barsiisaan Seeraa tokko, Yesuus haga ilaaliisaaf, 36&#8220;Barsiisa'a, Seera keessaa ajaji guddichi kam?&#8221; jedhee isa gaafate. 37Yesuus deebisee, &#8220; &#8216;Waaqa Goottaa keeti, gadhaa keeti tokkochaan, lubbuu teeti takkatti'iin, qalbii teeti takkatti'iin jaalladhu&#8217;. 38Ajaji guddichi duraa isaa kana. 39Lammeessoolle isuma fakkaata: &#8216;Ollaa keeti akka mataa keetii jaalladhu&#8217;. 40Ajaja lamaan kana irratti Seerri Muuse'eetii fi barsiis raagotaa marti hundeeffamaneeran&#8221; jedhe.</div><div class="s">Gaaffi Marroo Masiihii</div><div class="r">(Mar 12:35-37; Luq 20:41-44)</div><div class="p"> 41Fariisaayoti wolitti dacha'aneeranuun, Yesuus, 42&#8220;Marroo Masiihii maan isinitti fakkaata? Inni ilma eennuu ti?&#8221; jedhee isaan gaafate.</div><div class="p">Isaan, &#8220;Ilma Daawwitii ti&#8221; jedhaneen.</div><div class="p"> 43Yesuus, &#8220;Attamiin Daawwiti hunna Ayyaana Woyyichaatiin sooreffamee &#8216;Goottaa&#8217; jedhaa isa waamaa,</div><div class="q"> 44&#8216;Waaqi Goottaa kiyyaan,</div><div class="q2">haga ani diinota keeti miila keeti jala si'iif galchutti,</div><div class="q2">Midda kiyyatti tee'i&#8217; jedheen ree?</div><div class="m"> 45Daawwiti yoo, &#8216;Gottaa&#8217; jedhee isa waame, Masihiin attamiin ilma isaa te'uu dande'a?&#8221; isaaniin jedhe. 46Nami tokkolle deebii isaaf deebisuu hin dandeenne. Guyyaa sanii jalqabee nami tokkolle gaaffi tokkolle isa gaafatiisaaf itti hin gamne.</div>
 </div>
 </div>
</div>

Guji Oromo New Testament © Bible Society of Ethiopia, 2007.

Yesuus ammalle mammaassaan isaanitti dubbatee, “Mootummaan Waaqaa mooticha tokko ka ilma ifiitiif jila fuudhaa fi heerumaa jilise fakkaatti. Worri gara jila fuudhaa fi heerumaa waamame akka dhufu itti himiisaaf, Mootichi tajaajiltoota ifii erge; isaan ammoo hin dhunne. Inni ammalle tajaajiltoota dhibii ergee, ‘Worra waamameeruun: Kunoo, jila tiyya ta fuudhaa fi heerumaa qopheesseera, sangootaa fi dardarooti cocoommiin qalamaneeran, wonni martille qophootteerti; gara jila fuudhaa fi heerumaa koya'a jedha'aatii itti hima'a’ jedhe. Worri waamame ammoo tuffatee, tokko gara fichaa ifii, kuun gara daldala ifii deeme; worri kuun tajaajiltoota isaa qabee, akka malee tolchee, ijjeesse. Mootichi guddoo aaree, loltoota ifii ergee, worra tajaajiltoota isaa ijjeese san balleessee, qachaa isaaniille gube. Achiin duuba inni tajaajiltoota ifiitiin, ‘Jilti fuudhaa fi heerumaa qophootteerti, worri waamame ammoo ka jila tanaaf male hin teene. Tanaaf gara woldeennaa karaa gugurda'aa dhaqa'aatii, namuma dhaggitane mara gara jila fuudhaa fi heeruma tanaa waama'a!’ jedhe. Tajaajiltooti sun gara karaa gugurda'aa bayanee nama dhaggane mara bada'aa fi dansaalle guurane; maarre manni jila fuudhaa fi heerumaa sun keessummootaan guutame.
“Mootichi keessumoota ilaaliisaaf yennaa ol seene ammoo, nama woyaa jila fuudhaa fi heerumaa hin uffatin tokko dhagge. Namichaan, ‘Jaali, woyaa jila fuudhaa fi heerumaa malee attamiin mana seente?’ jedheen. Namichi waan dubbatu dhabe. Achiin duuba mootichi worra achi keessa ergamuun, ‘Harkaa fi miila isaa hidha'aatii, dukkana alaatitti gata'a. Achitti ilkaan qariisaa fi booyiis hin te'a’ jedhe. Worri waamame heddu'u, worri filame ammoo diqqa'a” jedhe.


Achiin duuba worri Fariisaayotaa dhaqanee waanuma inni dubbateen Yesuus xaqaru'uuf mari'atane. Maarre isaan barattoota ifii golii Heroodisii woliin gara isaa erganee, “Barsiisa'a, akka ati dhugaamessaa nuuti hin beenna; karaa Waaqaa dhugumaan barsiitta, ati nama hin sodaattu, nama tokkolle wol hin caalchittu. Maan sitti fakkaata? Mootii moototaa biyya Rooma'aatiif gibira kaffaluun seera moo seeraa moti? Nutti himi ree!” jedhaneen.
Yesuus ammoo, hammeenna isaanii beekee, “Isin kijiboolle'e! Maaf haga na ilaaltan? Beesee ittiin gabbartanu me natti mudhisa'a?” jedhe. Isaanille beesee san tokka itti fidane. Achiin duuba inni, “Fakki'ii fi maqaan kun ka eennuu ti?” jedhee isaan gaafate.
Isaan deebisanee, “Ka mootii mootota biyya Rooma'aa ti” jedhaneen.
Achiin duuba inni, “Tanaaf, waan mootii moototaa mootii moototaatiif, waan Waaqaalle Waaqaaf kenna'a” isaaniin jedhe.
Isaan yennaa waan kana dhage'ane baaseffatanee, isa lakkisanee deemane.


Gaafasuma Saduqooti, worri du'aa ka'iisi hin jiru jedhu, gara Yesuusii dhufanee, “Barsiisa'a, Muuseen, ‘Nami tokko adoo hin uumatin yoo du'e, obboleessi isaa niitii obboleessa du'ee san dhaalee, sanyii obboleessa ifiitiif dabarsuu ti’ jedheera. Amma obboleeyyan torba tokkotti odduu teenna jiraayyu; angafichi fuudhee, ijoollee adoo hin uumatin irraa du'e; tanaaf obboleessi isaa haadha hiyyeessaa san dhaale. Ka lammeesso'oolle, ka sadeesso'oolle, haga torbeesso'ootitti isuma dhaalanee ijoollee adoo hin uumatin irraa du'ane. Mara isaaniitiin duuba, isiille duute. Gaafa worri du'ane ka'anu, marti isaaniituu waan isii fuudhaneeranuuf, isaan torba keessaa isiin kamiif niitii teeti?” jedhanee isa gaafatane.
Yesuus deebisee, “Barreeffama Woyyichaa fi hunna Waaqaa waan hin beenneef, isin hin dokonkortan. Yennaa worri du'ane ka'anu, isaan ol-gubba'atti akka ergantoota Waaqa te'an malee, hin fuudhanu, hin heerumanu. Marroo worra du'aa ka'iisa worra du'ee, waan Waaqi isiniin jedhe isin hin dubbinnee? Inni, ‘Ani Waaqa Abrahaamii, Waaqa Yisihaaqii, Waaqa Yaaqoobii ti’ jedheera. Inni Waaqa worra jiraata'aati malee, Waaqa worra du'a'aatii moti” isaaniin jedhe. Gumiin yennaa tana dhageette, barsiisa isaa baaseffatte.


Yesuus worra Saduqootaa akka cadhisiise yennaa dhage'ane, worri Fariisaayotaa wolitti dacha'ane. Isaan keessaalle'ee, barsiisaan Seeraa tokko, Yesuus haga ilaaliisaaf, “Barsiisa'a, Seera keessaa ajaji guddichi kam?” jedhee isa gaafate. Yesuus deebisee, “ ‘Waaqa Goottaa keeti, gadhaa keeti tokkochaan, lubbuu teeti takkatti'iin, qalbii teeti takkatti'iin jaalladhu’. Ajaji guddichi duraa isaa kana. Lammeessoolle isuma fakkaata: ‘Ollaa keeti akka mataa keetii jaalladhu’. Ajaja lamaan kana irratti Seerri Muuse'eetii fi barsiis raagotaa marti hundeeffamaneeran” jedhe.


Fariisaayoti wolitti dacha'aneeranuun, Yesuus, “Marroo Masiihii maan isinitti fakkaata? Inni ilma eennuu ti?” jedhee isaan gaafate.
Isaan, “Ilma Daawwitii ti” jedhaneen.
Yesuus, “Attamiin Daawwiti hunna Ayyaana Woyyichaatiin sooreffamee ‘Goottaa’ jedhaa isa waamaa,
‘Waaqi Goottaa kiyyaan,
haga ani diinota keeti miila keeti jala si'iif galchutti,
Midda kiyyatti tee'i’ jedheen ree?
Daawwiti yoo, ‘Gottaa’ jedhee isa waame, Masihiin attamiin ilma isaa te'uu dande'a?” isaaniin jedhe. Nami tokkolle deebii isaaf deebisuu hin dandeenne. Guyyaa sanii jalqabee nami tokkolle gaaffi tokkolle isa gaafatiisaaf itti hin gamne.

Hør på Wongeela Maatewoosii 22