Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s1">O Jesus pash o Jakobeskro pani</div><div class="p"> 1I Farisarja shunan, kai bud menshe djan o Jesuseske palla. Jon shunan ninna, kai job taufras budeder menshe har o Johanni.</div><div class="p"> 2His gar o Jesus, kai taufras len. Kowa kran leskre mala.</div><div class="p"> 3Har o Jesus shunas, hoi pral leste rakedo was, djas lo dran o them Judea win, un kamas pale an o them Galilea te djal.</div><div class="p"> 4Job hunte djas pral ko them Samaria, te well lo an o them Galilea. 5Jaake was lo pash ko foro Sichar an o them Samaria. Ko foro his pash ko kotar phub tchiddo, hoi o Jakob peskro tchaweste Josef das. 6Koi his o Jakobeskro pani. O Jesus was khino ap ko dur drom un beshas pes pash ko pani. His deesh-te-dujenge.</div><div class="p"> 7Koi was i djuwel pash ko pani, te lell li pani. Koja his i Samaritetsa. O Jesus penas ap late: &#8220;De man te pijell!&#8221;</div><div class="p"> 8Leskre mala his gar koi. Jon his an o foro, te ginenn le tchomone te chal.</div><div class="p"> 9Koi djuwel penas ap leste: &#8220;Tu hal i biboldo. Me hom i Samaritetsa. Har nai mangeh tu mandar pani, te dap tut te pijell? I bibolde chan gar khetne i Samaritentsa.&#8221;</div><div class="p"> 10Penas o Jesus ap late: &#8220;Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.&#8221;</div><div class="p"> 11&#8220;Romeha,&#8221; penas koi djuwel, &#8220;tut hi tchi, kai leh ko pani nai win. Un ko pani hi tel an i phub. Kai kameh tu ko pani, hoi dell o djipen, te lell? 12Hal tu bareder har o Jakob, maro kutch dad, kowa, kai hadas i phub kate win, te well kau pani win. Job un peskre tchawe un vieche pijan dran kau pani.&#8221;</div><div class="p"> 13Penas o Jesus: &#8220;Hakeno, kai pijell kau pani, lell pale trush. 14Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.&#8221;</div><div class="p"> 15&#8220;Romeha, de man ko pani!&#8221; penas koi djuwel, &#8220;te well man buder kek trush, te wap buder gar kai, te lap kau pani.&#8221;</div><div class="p"> 16&#8220;Dja khere!&#8221; penas o Jesus, &#8220;de tiro romes gole, un am leha pale kai!&#8221;</div><div class="p"> 17&#8220;Man hi kek rom,&#8221; penas koi djuwel. Penas o Jesus ap late: &#8220;Tiro hi tchatcho, te peneh tu: Man hi kek rom. 18Pantch romma his tut. Un kowa, kai tut kanna hi, kowa hi gar tiro rom. Koi penal tu o tchatchepen.&#8221;</div><div class="p"> 19Penas koi djuwel: &#8220;Romeha, me dikau, tu hal i Debleskro rakepaskro. 20Mare phure mangan o Debles ap kai berga an. Tumer bibolde penenn menge: Halauter hunte mangenn o Debles an o foro Jerusalem an!&#8221;</div><div class="p"> 21Penas o Jesus: &#8220;Romnija, pats man, ko tsiro wella, kai mangenn tumer o Debles gar ap kai berga an, witar gar an o foro Jerusalem. 22Tumer djinenn gar, kones tumer an-mangenna. Mer djinah, kones mer an-mangah. I biboldendar wella kowa, kai lell i menshen dran o tchilatchepen un o merepen win. 23Ko tsiro wella, un hi kanna kai, koi della menshe, kai mangenn o dades an o tchatchepen an. Kal menshen hunte well o Debleskro Ducho. O dad rodell kolen, kai mangenn les jaake an. 24O Dewel hi kek mensho, &#8211; job hi i ducho. Un kolla, kai mangenn les an, kolen hunte well o Debleskro Ducho. Kowa sikrell len, har te mangenn le les tchatchepah an.&#8221;</div><div class="p"> 25Penas i djuwel: &#8220;Me djinau, kai well ko baro rai, kolestar o Dewel penas, te well job,#4:25 O Messias, kowa hi o baro rai, kolestar o Dewel glan i rah tsiro penas, te well job, un te lell lo i menshen dran o tchilatchepen win. kai kharell ninna o Kristo. Te well job pash mende, penell lo menge halauter.&#8221;</div><div class="p"> 26Penas o Jesus: &#8220;Me hom kowa. Tu rakreh leha.&#8221;</div><div class="p"> 27Koi wan leskre mala pale dran o foro. Har jon dikan, kai job i djuwjah rakras, kran le bare jaka. Kek putchas lestar: Hoi kameh tu latar? Un kek putchas lestar witar gar: Hoske rakreh tu lah?</div><div class="p"> 28Kanna mukas koi djuwel ko panjeskro khoro tardo un djas pale an ko foro un penas i menshenge: 29&#8220;Awenn un dikenn! Me taprom i murshes, kowa djinas halauter pral mande. Nai hi job ko Kristo?&#8221;</div><div class="p"> 30Koi djan kol menshe dran o foro pash o Jesuseste, te dikenn le les.</div><div class="p"> 31Har i djuwel an o foro his, penan leskre mala ap leste: &#8220;Sikepaskro, cha tchomone!&#8221; 32Penas o Jesus ap lende: &#8220;Man hi i chapen, kowa prindjrenn tumer gar.&#8221;</div><div class="p"> 33Koi putchan leskre mala mashkral pende: &#8220;Anas leske jek tchomone chapaske?&#8221; 34Penas o Jesus lenge: &#8220;Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.</div><div class="p"> 35Tumer penenna: An star tchon#4:35 tchon, ap gadjkenes: Monat, Mond anenn le o djob dren. Krenn tumare jaka pre, un dikenn tumen trujel: O tsiro hi kanna kai. Kanna well o djob dren anlo. 36Kanna anenn i budepangre kolen khetne, kai lenn o djipen, hoi gar pre-herella. Un lengri budi well plaissedo. Jaake hi hake dui bachtelo: Kowa, kai o tikno djob an i phub witsras, un kowa, kai anell o djob dren. 37Ko lab hi tchatcho: Jek witsrell o tikno djob an i phub. Un i wawar anell ko djob dren.</div><div class="p"> 38Me bitchrom tumen, te anenn tumer kote o djob dren, kai i wawar maran pen tele, te witsran le ko tikno djob an i phub. Un tumer nai anenn kanna o djob dren.&#8221;</div><div class="p"> 39Bud kol menshendar dran o foro Sichar patsan ap o Jesuseste doleske, kai koi djuwel lenge penas: &#8220;Halauter, hoi me krom, penas job mange.&#8221;</div><div class="p"> 40Har i Samaritarja pash o Jesuseste wan, mangan le les, te atchell lo i tsiro pash lende. Un job atchas dui diwessa pash lende. 41Jaake shunan bud menshe, hoi job penas, un patsan ap leste.</div><div class="p"> 42Jon penan koi djuwjake: &#8220;Kanna patsah mer ap leste, un gar kokres, hoi tu menge lestar penal. Mer shunam les, un djinah kanna, kai job kowa hi, kai lell i menshen dran o tchilatchepen un o merepen win.&#8221;</div><div class="s1">O Jesus krell i pralstuneskro tchawes sasto</div><div class="p"> 43Pal kol dui diwessa djas o Jesus dureder un was an o them Galilea. 44Job penas jek kopo: I Debleskro rakepaskro well gar sharedo kote, kai job khere hi. 45Har job an o them Galilea was, lan kol menshe les kamles pre. Ap ko tsiro, har o Jesus an o foro Jerusalem his, his jon ninna kote un dikan lauter, hoi job kras an kol diwessa, kai Passa kharenna. Doleske lan le les kanna kamles pash pende pre. 46Un o Jesus was pale an ko gab Kana. Kowa his o gab an o them Galilea, kai kras lo i mool dran o pani.</div><div class="p">An o foro Kapernaum djiwas i pralstuno, kai budras o baro rajeske pral ko them. Koleskro tchawo his nasselo. 47Har job shunas, kai o Jesus pale dran o them Judea an o them Galilea was, djas job pash leste, un mangas lestar: &#8220;Am tele an o foro Kapernaum! Un kre miro tchawes sasto, kai ap o merepen tchiddo hi!&#8221;</div><div class="p"> 48O Jesus penas ap leste: &#8220;Te dikenn tumer gar bud Debleskro koowa, kai kek mensho nai krella, patsenn tumer gar.&#8221;</div><div class="p"> 49Ko pralstuno penas pale ap leste: &#8220;Miro rai, am tele! Miro tchawo merella.&#8221;</div><div class="p"> 50&#8220;Dja khere,&#8221; penas o Jesus, &#8220;tiro tchawo djiwella!&#8221;</div><div class="p">Ko mursh patsas kowa, hoi o Jesus leske penas un djas khere. 51Job his gomme gar khere, koi wan leskre budepangre pash leste, un penan: &#8220;Tiro tchawo djiwella un hi sasto.&#8221;</div><div class="p"> 52Koi putchas job lendar pal ko tsiro, kai o tchaweha feteder was. Koi penan le: &#8220;Taissar, har eftenge his,#4:52 Kowa his pal o biboldengro tsiro; pash mende his jekake. djas o nasslepen lestar.&#8221;</div><div class="p"> 53Kanna djinas ko dad, kai kowa ko tsiro his, kai o Jesus ap leste penas: &#8220;Tiro tchawo djiwella.&#8221; Un job patsas peskre tsele menshentsa ap o Jesuseste.</div><div class="p"> 54Kau duito baro koowa kras o Jesus an o Debleskri soor, har job dran o them Judea an o them Galilea was.</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

I Farisarja shunan, kai bud menshe djan o Jesuseske palla. Jon shunan ninna, kai job taufras budeder menshe har o Johanni.
His gar o Jesus, kai taufras len. Kowa kran leskre mala.
Har o Jesus shunas, hoi pral leste rakedo was, djas lo dran o them Judea win, un kamas pale an o them Galilea te djal.
Job hunte djas pral ko them Samaria, te well lo an o them Galilea. Jaake was lo pash ko foro Sichar an o them Samaria. Ko foro his pash ko kotar phub tchiddo, hoi o Jakob peskro tchaweste Josef das. Koi his o Jakobeskro pani. O Jesus was khino ap ko dur drom un beshas pes pash ko pani. His deesh-te-dujenge.
Koi was i djuwel pash ko pani, te lell li pani. Koja his i Samaritetsa. O Jesus penas ap late: “De man te pijell!”
Leskre mala his gar koi. Jon his an o foro, te ginenn le tchomone te chal.
Koi djuwel penas ap leste: “Tu hal i biboldo. Me hom i Samaritetsa. Har nai mangeh tu mandar pani, te dap tut te pijell? I bibolde chan gar khetne i Samaritentsa.”
Penas o Jesus ap late: “Te djinals tu, hoi o Dewel kamell tut te dell, un koon tutar ko pani mangella, mangals tu mandar, te dap tut o pani. Un me doms tut o pani, hoi dell o djipen.”
“Romeha,” penas koi djuwel, “tut hi tchi, kai leh ko pani nai win. Un ko pani hi tel an i phub. Kai kameh tu ko pani, hoi dell o djipen, te lell? Hal tu bareder har o Jakob, maro kutch dad, kowa, kai hadas i phub kate win, te well kau pani win. Job un peskre tchawe un vieche pijan dran kau pani.”
Penas o Jesus: “Hakeno, kai pijell kau pani, lell pale trush. Koon ko pani pijella, hoi me les dau, kowa lell an peskro tselo djipen buder kek trush. Ko pani, hoi me les dau, well an leste i djido pani, hoi dell les o djipen, hoi gar pre-herella.”
“Romeha, de man ko pani!” penas koi djuwel, “te well man buder kek trush, te wap buder gar kai, te lap kau pani.”
“Dja khere!” penas o Jesus, “de tiro romes gole, un am leha pale kai!”
“Man hi kek rom,” penas koi djuwel. Penas o Jesus ap late: “Tiro hi tchatcho, te peneh tu: Man hi kek rom. Pantch romma his tut. Un kowa, kai tut kanna hi, kowa hi gar tiro rom. Koi penal tu o tchatchepen.”
Penas koi djuwel: “Romeha, me dikau, tu hal i Debleskro rakepaskro. Mare phure mangan o Debles ap kai berga an. Tumer bibolde penenn menge: Halauter hunte mangenn o Debles an o foro Jerusalem an!”
Penas o Jesus: “Romnija, pats man, ko tsiro wella, kai mangenn tumer o Debles gar ap kai berga an, witar gar an o foro Jerusalem. Tumer djinenn gar, kones tumer an-mangenna. Mer djinah, kones mer an-mangah. I biboldendar wella kowa, kai lell i menshen dran o tchilatchepen un o merepen win. Ko tsiro wella, un hi kanna kai, koi della menshe, kai mangenn o dades an o tchatchepen an. Kal menshen hunte well o Debleskro Ducho. O dad rodell kolen, kai mangenn les jaake an. O Dewel hi kek mensho, – job hi i ducho. Un kolla, kai mangenn les an, kolen hunte well o Debleskro Ducho. Kowa sikrell len, har te mangenn le les tchatchepah an.”
Penas i djuwel: “Me djinau, kai well ko baro rai, kolestar o Dewel penas, te well job, kai kharell ninna o Kristo . Te well job pash mende, penell lo menge halauter.”
Penas o Jesus: “Me hom kowa. Tu rakreh leha.”
Koi wan leskre mala pale dran o foro. Har jon dikan, kai job i djuwjah rakras, kran le bare jaka. Kek putchas lestar: Hoi kameh tu latar? Un kek putchas lestar witar gar: Hoske rakreh tu lah?
Kanna mukas koi djuwel ko panjeskro khoro tardo un djas pale an ko foro un penas i menshenge: “Awenn un dikenn! Me taprom i murshes, kowa djinas halauter pral mande. Nai hi job ko Kristo?”
Koi djan kol menshe dran o foro pash o Jesuseste, te dikenn le les.
Har i djuwel an o foro his, penan leskre mala ap leste: “Sikepaskro, cha tchomone!” Penas o Jesus ap lende: “Man hi i chapen, kowa prindjrenn tumer gar.”
Koi putchan leskre mala mashkral pende: “Anas leske jek tchomone chapaske?” Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.
Tumer penenna: An star tchon anenn le o djob dren. Krenn tumare jaka pre, un dikenn tumen trujel: O tsiro hi kanna kai. Kanna well o djob dren anlo. Kanna anenn i budepangre kolen khetne, kai lenn o djipen, hoi gar pre-herella. Un lengri budi well plaissedo. Jaake hi hake dui bachtelo: Kowa, kai o tikno djob an i phub witsras, un kowa, kai anell o djob dren. Ko lab hi tchatcho: Jek witsrell o tikno djob an i phub. Un i wawar anell ko djob dren.
Me bitchrom tumen, te anenn tumer kote o djob dren, kai i wawar maran pen tele, te witsran le ko tikno djob an i phub. Un tumer nai anenn kanna o djob dren.”
Bud kol menshendar dran o foro Sichar patsan ap o Jesuseste doleske, kai koi djuwel lenge penas: “Halauter, hoi me krom, penas job mange.”
Har i Samaritarja pash o Jesuseste wan, mangan le les, te atchell lo i tsiro pash lende. Un job atchas dui diwessa pash lende. Jaake shunan bud menshe, hoi job penas, un patsan ap leste.
Jon penan koi djuwjake: “Kanna patsah mer ap leste, un gar kokres, hoi tu menge lestar penal. Mer shunam les, un djinah kanna, kai job kowa hi, kai lell i menshen dran o tchilatchepen un o merepen win.”

Pal kol dui diwessa djas o Jesus dureder un was an o them Galilea. Job penas jek kopo: I Debleskro rakepaskro well gar sharedo kote, kai job khere hi. Har job an o them Galilea was, lan kol menshe les kamles pre. Ap ko tsiro, har o Jesus an o foro Jerusalem his, his jon ninna kote un dikan lauter, hoi job kras an kol diwessa, kai Passa kharenna. Doleske lan le les kanna kamles pash pende pre. Un o Jesus was pale an ko gab Kana. Kowa his o gab an o them Galilea, kai kras lo i mool dran o pani.
An o foro Kapernaum djiwas i pralstuno, kai budras o baro rajeske pral ko them. Koleskro tchawo his nasselo. Har job shunas, kai o Jesus pale dran o them Judea an o them Galilea was, djas job pash leste, un mangas lestar: “Am tele an o foro Kapernaum! Un kre miro tchawes sasto, kai ap o merepen tchiddo hi!”
O Jesus penas ap leste: “Te dikenn tumer gar bud Debleskro koowa, kai kek mensho nai krella, patsenn tumer gar.”
Ko pralstuno penas pale ap leste: “Miro rai, am tele! Miro tchawo merella.”
“Dja khere,” penas o Jesus, “tiro tchawo djiwella!”
Ko mursh patsas kowa, hoi o Jesus leske penas un djas khere. Job his gomme gar khere, koi wan leskre budepangre pash leste, un penan: “Tiro tchawo djiwella un hi sasto.”
Koi putchas job lendar pal ko tsiro, kai o tchaweha feteder was. Koi penan le: “Taissar, har eftenge his, djas o nasslepen lestar.”
Kanna djinas ko dad, kai kowa ko tsiro his, kai o Jesus ap leste penas: “Tiro tchawo djiwella.” Un job patsas peskre tsele menshentsa ap o Jesuseste.
Kau duito baro koowa kras o Jesus an o Debleskri soor, har job dran o them Judea an o them Galilea was.

Hør på Johanni 4