If you have would like a copy of this version please contact info@davarpartners.org

Logooli Old Testament

<div class="version vid2888 iso6393rag" data-vid="2888" data-iso6393="rag">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Kunangwa Nyasaye yamala kolomba ligulu ni lirova kandi viosi iviveeye mu. 2Ku lidiku lia saba Nyasaye yamala miyinzi ja yaali naakori, ma na yasosa. 3Nyasaye yagasiza lidiku lia saba kandi nalikora kuva litakatifu, kigira ku lidiku yili yasosa ku miyinzi jije josi ja yaali naakori. 4Nindio Nyasaye yalomba ligulu kandi lirova.</div><div class="s">Mulimi gwa Edeni</div><div class="p">Lwa Yahova Nyasaye yalomba ligulu ni lirova, 5vitagwa siviali ku lirova kandi uvuguza sivwaali nivwameli mba, kigira si yaali naakubizi imbura, kandi siyaaliho nu mundu waali anyala kulima mulimi mba. 6Navuzwa mazi gaturaa isi wi lirova nukusama malova.</div><div class="p"> 7Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.</div><div class="p"> 8Maku Yahova Nyasaye yalomba mulimi gwa Edeni, kolovega lwi Ivugwi uwene yeyo yavika mu umundu wa yaali naalombi. 9Yahova Nyasaye yakola misaala josi milahi komera nukuhaana makuyu malahi. Musaala gwi livamwoyo nu musaala gwi limanyiriza agaveeye malahi namadamanu jaali mu mulimi hagati.</div><div class="p"> 10Mugera gwatura mu Edeni nigusama mulimi, kandi gwa gavukana mu migera jine. 11Lieta liumugera gwukutaanga ni Pishoni; nigwo gwakumberizaa kivala cha Havila ahi Zahabu enyoolekaa. 12Yiyi ni zahabu yi kivala yicho eveeye indahi ligali kandi haveeye mu na magina guvuguli. 13Lieta liu mugera gwakaviri ni Gihoni; yigu nigwo gukumberizaa kivala choosi cha Kushi#2:13 Kushi: Ni ling'ana lio Luheburaina; &#8220;Kivala keveeye Ivugwi wi Isavaalu.&#8221;. 14Lieta liu mugera gwakavaga ni Tigurisi, uguvitiraa Ivugwi wi kivala cha Asiria. Mugera gwa kane ni Efurate.</div><div class="p"> 15Maku Yahova Nyasaye yavika umundu mu mulimi gwa Edeni kugulima nukugulinda. 16Yahova Nyasaye yamuvolera, &#8220;Ivi unyala kulia ku makuyu gi misaala josi ju mu mulimi, 17navuzwa utalia makuyu ku musaala guhana limanyiriza uvulahi nuvudamanu mba. Niiva ulalia makuyu gagwo ligali ulakuza lidiku liene yilio.&#8221;</div><div class="p"> 18Maku Yahova Nyasaye yavoola, &#8220;Si voveeye vulahi umundu komenya yeng'ine mba. Inzi ndamulombera mukonyi udukana naye.&#8221; 19Kunangwa yavugula malova nalomba zinyama ziosi ziu mu lirova kandi manyonyi goosi gu mu ligulu. Maku yavileeta ku mundu aduuki kuvigulika amita. Vilombe viosi vianyola mita gavio kuli ndio. 20Kunangwa mundu yagulika zinyama ziosi ziu ku lirova amita. Kandi naagulika manyonyi goosi gu muligulu amita. Navuzwa ku vilombe yivi viosi si chaali ho kali kilala chaduukana kuva mukonyi wu mundu mba.</div><div class="p"> 21Maku Yahova Nyasaye yaaha umundu zindolo zinyingi, kandi lwa yaali naakegona, yaatuliza ruvalu lulala liu mundu kandi niyiranyia ho inyama. 22Yalomba mukali kutura ku ruvalu kandi naamuletela. 23Maku umundu yavoola,</div><div class="q">&#8220;Kalunu aveeye hano mundu wi lifana liange</div><div class="q">kigumba chatula ku kigumba change,</div><div class="q">kandi inyama yatura ku inyama yange.</div><div class="q">Alalaangwa mukali kigira yatura ku musaza.&#8221;</div><div class="m"> 24Yiki nicho kigira musaza naleka baba weve kandi mama weve ma ahambana nu mukali weve ma vombi vaagwa inyama indala.</div><div class="p"> 25Musaza nu mukali vombi vaali viahonyo navuzwa si vaali nizisoni mba.</div>
 </div>
 </div>
</div>

Kunangwa Nyasaye yamala kolomba ligulu ni lirova kandi viosi iviveeye mu. Ku lidiku lia saba Nyasaye yamala miyinzi ja yaali naakori, ma na yasosa. Nyasaye yagasiza lidiku lia saba kandi nalikora kuva litakatifu, kigira ku lidiku yili yasosa ku miyinzi jije josi ja yaali naakori. Nindio Nyasaye yalomba ligulu kandi lirova.

Lwa Yahova Nyasaye yalomba ligulu ni lirova, vitagwa siviali ku lirova kandi uvuguza sivwaali nivwameli mba, kigira si yaali naakubizi imbura, kandi siyaaliho nu mundu waali anyala kulima mulimi mba. Navuzwa mazi gaturaa isi wi lirova nukusama malova.
Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.
Maku Yahova Nyasaye yalomba mulimi gwa Edeni, kolovega lwi Ivugwi uwene yeyo yavika mu umundu wa yaali naalombi. Yahova Nyasaye yakola misaala josi milahi komera nukuhaana makuyu malahi. Musaala gwi livamwoyo nu musaala gwi limanyiriza agaveeye malahi namadamanu jaali mu mulimi hagati.
Mugera gwatura mu Edeni nigusama mulimi, kandi gwa gavukana mu migera jine. Lieta liumugera gwukutaanga ni Pishoni; nigwo gwakumberizaa kivala cha Havila ahi Zahabu enyoolekaa. Yiyi ni zahabu yi kivala yicho eveeye indahi ligali kandi haveeye mu na magina guvuguli. Lieta liu mugera gwakaviri ni Gihoni; yigu nigwo gukumberizaa kivala choosi cha Kushi. Lieta liu mugera gwakavaga ni Tigurisi, uguvitiraa Ivugwi wi kivala cha Asiria. Mugera gwa kane ni Efurate.
Maku Yahova Nyasaye yavika umundu mu mulimi gwa Edeni kugulima nukugulinda. Yahova Nyasaye yamuvolera, “Ivi unyala kulia ku makuyu gi misaala josi ju mu mulimi, navuzwa utalia makuyu ku musaala guhana limanyiriza uvulahi nuvudamanu mba. Niiva ulalia makuyu gagwo ligali ulakuza lidiku liene yilio.”
Maku Yahova Nyasaye yavoola, “Si voveeye vulahi umundu komenya yeng'ine mba. Inzi ndamulombera mukonyi udukana naye.” Kunangwa yavugula malova nalomba zinyama ziosi ziu mu lirova kandi manyonyi goosi gu mu ligulu. Maku yavileeta ku mundu aduuki kuvigulika amita. Vilombe viosi vianyola mita gavio kuli ndio. Kunangwa mundu yagulika zinyama ziosi ziu ku lirova amita. Kandi naagulika manyonyi goosi gu muligulu amita. Navuzwa ku vilombe yivi viosi si chaali ho kali kilala chaduukana kuva mukonyi wu mundu mba.
Maku Yahova Nyasaye yaaha umundu zindolo zinyingi, kandi lwa yaali naakegona, yaatuliza ruvalu lulala liu mundu kandi niyiranyia ho inyama. Yalomba mukali kutura ku ruvalu kandi naamuletela. Maku umundu yavoola,
“Kalunu aveeye hano mundu wi lifana liange
kigumba chatula ku kigumba change,
kandi inyama yatura ku inyama yange.
Alalaangwa mukali kigira yatura ku musaza.”
Yiki nicho kigira musaza naleka baba weve kandi mama weve ma ahambana nu mukali weve ma vombi vaagwa inyama indala.
Musaza nu mukali vombi vaali viahonyo navuzwa si vaali nizisoni mba.

Hør på LITANGA 2