If you would like a copy of this version please contact info@davaraudiobibles.org

Kallahan, Keley-i Old Testament

<div class="version vid1450 iso6393ify" data-vid="1450" data-iso6393="ify">
 <div class="book bkGEN">
 <div class="chapter ch9" data-usfm="GEN.9">
 <div class="label">9</div><div class="s">Ya impeamtan Apu Dios nan hi Noah</div><div class="p"> 1Entanni et bendisyonan Apu Dios hi Noah niyadda u-ungnga tu et kantun hi-gaday &#8220;Kahlag kayu et medakkel kayu et bebleyan yun emin eya puyek. 2Emin hu animal, yadda kamangkinaddap niya kamandinallan, yadda sisit niyadda mategud baybay ey tekkutan dakeyulli ey hi-gayulli kenamung ni pengippahdingan yun hi-gada. 3Iddawat kudda emin huyyan hi-gayu et mansilbin kennen yu, heniddan kameitnem e indawat kun hi-gayu. 4Nem entan tu ekan hu detag ni nanengtun wada kuheyaw tu, tep ya kuheyaw hu kad-an ni biyag. 5Et humman hu, ya tuun umpatey ni edum tun tuu ey mekastigu. Ey ya linggeman ni animal ni umpatey ni tuu ey mahapul ni mettey. 6Tep lintuk hu tuun henin hi-gak, et humman hu hedin wada tuun petteyen tu edum tun tuu ey petteyen yu dama. 7Panhelag kayu et medakkel kayu et bebleyan yun emin hu puyek.&#8221;</div><div class="p"> 8Entanni ey kan Apu Dios nan Noah et yadda u-ungnga tuy 9&#8220;Ihhammad kun mekitbal ni hi-gayu niyaddalli helag yu, 10anin idan animal, yadda sisit niyaddan emin hu mategun edum yun himmegep etan di bapor. 11Ey panna-ud kun e-helen ni hi-gayu e eleg law melbengi eya puyek ma-lat eleg mebahbah emin hu mategu. 12Ya pengi-ang-angan yun um-amnu eya inhel kun hi-gayu niyaddan emin hu mategu ey 13weddaen ku sibbunglun di kulput di kabunyan et pengiang-angan yu niyaddalli helag yu e pannananeng kun ingganah hu nekitbalan kun hi-gayu. 14Et hedin impaelik hu kulput di kabunyan et mewedda sibbunglun 15-16ey nemnemen kulli humman ni nekitbalan kun hi-gayu niyaddan emin hu mategun wadad puyek e eggak law ippidwan peelli lebeng eyad puyek ma-lat eleg mebahbah ni emin hu mategu. 17Em, humman pengi-immatunan yu etan ni nekitbalan kun emin ni mategu eyad puyek.&#8221;</div><div class="s">Hi Noah niyadda u-ungnga tu</div><div class="p"> 18Yadda etan tellun u-ungngan Noah ni immehep di bapor ey hi Shem, hi Ham et hi Japet. Hi Ham hu aman Kanaan. 19Huyyaddan tellun u-ungngan Noah hu nahlagan idan katuutuu eyad puyek.</div><div class="p"> 20Hi amedan e hi Noah nemangulun nantanem ni grapes. 21Hakey ni aggew ey nebuteng ni meinnum ni kinapya tun grapes. Et mambelad ni neugip di a-abbung tun tuldah. 22Hi Ham e aman Kanaan ey inang-ang tu ametu e hi Noah ni nambelad et tu ehelen idan agitu e di Shem nan Japet. 23Et umladdan wangal et iwa-ngal dad pahhannan da et dekugen da hi ameda ey daka panhinunnay ni limmaw di kad-an tu et egahen da etan wangal et mawengalan hi ameda e eleg da i-ang-ang ni hi-gatu. 24-25Yan binengunan Noah ni na-kalan ni buteng tu ey neamtaan tu hu impahding Ham e udidyan ni u-ungnga tu. Et kantuy</div><div class="q1">&#8220;Ya idut idan helag Ham ey hi-gadalli bega-en idan helag di Shem nan Japet. 26Nakka iddasal ni Ap-Apu e Dios ku e bendisyonan tu hi Shem. Ey pambalin tudda helag Ham ni bega-en idallin helag Shem. 27Ey nakka iddasal e bendisyonan Apu Dios hi Japet et mambalin ni mahkang hu puyek tu ey mei-dum idallin helag Shem. Ey mambalin idalli helag Ham ni bega-en damaddan helag Japet.&#8221;</div><div class="p"> 28Hi Noah ey nambiyag ni telunggatut et neliman toon ni negibbuhan ni nalbengan ni puyek 29et ya bilang emin ni toon tu et han matey ey heyam ni gatut et nelima.</div>
 </div>
 </div>
</div>

Entanni et bendisyonan Apu Dios hi Noah niyadda u-ungnga tu et kantun hi-gaday “Kahlag kayu et medakkel kayu et bebleyan yun emin eya puyek. Emin hu animal, yadda kamangkinaddap niya kamandinallan, yadda sisit niyadda mategud baybay ey tekkutan dakeyulli ey hi-gayulli kenamung ni pengippahdingan yun hi-gada. Iddawat kudda emin huyyan hi-gayu et mansilbin kennen yu, heniddan kameitnem e indawat kun hi-gayu. Nem entan tu ekan hu detag ni nanengtun wada kuheyaw tu, tep ya kuheyaw hu kad-an ni biyag. Et humman hu, ya tuun umpatey ni edum tun tuu ey mekastigu. Ey ya linggeman ni animal ni umpatey ni tuu ey mahapul ni mettey. Tep lintuk hu tuun henin hi-gak, et humman hu hedin wada tuun petteyen tu edum tun tuu ey petteyen yu dama. Panhelag kayu et medakkel kayu et bebleyan yun emin hu puyek.”
Entanni ey kan Apu Dios nan Noah et yadda u-ungnga tuy “Ihhammad kun mekitbal ni hi-gayu niyaddalli helag yu, anin idan animal, yadda sisit niyaddan emin hu mategun edum yun himmegep etan di bapor. Ey panna-ud kun e-helen ni hi-gayu e eleg law melbengi eya puyek ma-lat eleg mebahbah emin hu mategu. Ya pengi-ang-angan yun um-amnu eya inhel kun hi-gayu niyaddan emin hu mategu ey weddaen ku sibbunglun di kulput di kabunyan et pengiang-angan yu niyaddalli helag yu e pannananeng kun ingganah hu nekitbalan kun hi-gayu. Et hedin impaelik hu kulput di kabunyan et mewedda sibbunglun ey nemnemen kulli humman ni nekitbalan kun hi-gayu niyaddan emin hu mategun wadad puyek e eggak law ippidwan peelli lebeng eyad puyek ma-lat eleg mebahbah ni emin hu mategu. Em, humman pengi-immatunan yu etan ni nekitbalan kun emin ni mategu eyad puyek.”

Yadda etan tellun u-ungngan Noah ni immehep di bapor ey hi Shem, hi Ham et hi Japet. Hi Ham hu aman Kanaan. Huyyaddan tellun u-ungngan Noah hu nahlagan idan katuutuu eyad puyek.
Hi amedan e hi Noah nemangulun nantanem ni grapes. Hakey ni aggew ey nebuteng ni meinnum ni kinapya tun grapes. Et mambelad ni neugip di a-abbung tun tuldah. Hi Ham e aman Kanaan ey inang-ang tu ametu e hi Noah ni nambelad et tu ehelen idan agitu e di Shem nan Japet. Et umladdan wangal et iwa-ngal dad pahhannan da et dekugen da hi ameda ey daka panhinunnay ni limmaw di kad-an tu et egahen da etan wangal et mawengalan hi ameda e eleg da i-ang-ang ni hi-gatu. Yan binengunan Noah ni na-kalan ni buteng tu ey neamtaan tu hu impahding Ham e udidyan ni u-ungnga tu. Et kantuy
“Ya idut idan helag Ham ey hi-gadalli bega-en idan helag di Shem nan Japet. Nakka iddasal ni AP-APU e Dios ku e bendisyonan tu hi Shem. Ey pambalin tudda helag Ham ni bega-en idallin helag Shem. Ey nakka iddasal e bendisyonan Apu Dios hi Japet et mambalin ni mahkang hu puyek tu ey mei-dum idallin helag Shem. Ey mambalin idalli helag Ham ni bega-en damaddan helag Japet.”
Hi Noah ey nambiyag ni telunggatut et neliman toon ni negibbuhan ni nalbengan ni puyek et ya bilang emin ni toon tu et han matey ey heyam ni gatut et nelima.

Hør på Genesis 9