<div class="version vid1097 iso6393bem" data-vid="1097" data-iso6393="bem">
   <div class="book bkGEN">
      <div class="chapter chINTRO1" data-usfm="GEN.INTRO1">
         <div class="imt"><span class="content">Amashiwi ayakulondolola pali ici citabo</span></div><div class="ip"><span class="content">Ici citabo cakubalilapo ica mu Cipangano Cakale baciita, &#8220;Icitendekelo&#8221; pantu cilondolola ifyo ifintu ifingi fyatendeke. Cilondolola, (i) ukutendeka kwa calo, ifintu fya pano calo ne fintu fimbi fyonse ifyabako, (ii) ifyo umuntu atendeke ukubako, (iii) ukutendeka kwa bubifi na macushi ya pano calo.</span></div><div class="ip"><span class="content">Ici citabo ca Citendekelo kuti twacakanya pabili.</span></div><div class="ip"><span class="content">1. Ukufuma pa cipande ca cimo ukufika ku cipande ce kumi limo na cimo (11), mwalondololwa ifyo icalo cabumbilwe nefyo ubwina bantu bwatendeke ukuba pano calo. Ni muli ifi fipande mwalondololwa imilandu iya pali Adamu na Efa, Kaini na Abeli, Noa ne lyeshi, elyo no lupungu lwa Babele.</span></div><div class="ip"><span class="content">2. Ukufuma pa cipande ce kumi limo na fibili (12) ukufika ku cipande ca makumi yasano (50), mwena mwalondololwa imilandu ya fikolwe fya bena Israeli. Uo babalilapo ukulondolola ni Abrahamu, umuntu uwalumbuka ku cisumino cakwe no kunakila Lesa. Elyo bakonkeshapo no kulondolola pali Isaki mwana Abrahamu na pali Yakobo umwishikulu wakwa Abrahamu uo beta nokuti Israeli. Kabili bakonkeshapo no kulondolola pa bana bakwa Yakobo abali ikumi limo na babili (12). Aba e fikolwe fya nko ikumi limo na shibili (12) isha bena Israeli. Balondolola nganshi pali Yosefu mwana Yakobo na pa fintu fyalengele Yakobo na bana bakwe ne ndupwa shabo baye kukwikala mu Egupto.</span></div><div class="ip"><span class="content">Umulandu ukalamba ici citabo cakomailapo, kulanga imilimo Lesa abomba. Catampilapo ukutweba ukuti ni Lesa ewabumba icalo na fyonse ifyabako. Elyo lwa ku mpela, ici citabo catulanga ukuti Lesa akakonkanyapo ukusakamana abantu bakwe. Imilandu yonse iya muli ici citabo isontafye kuli Lesa. Ni Lesa eupingula no kukanda abalufyanya. Ni Lesa eutungulula no kwafwa abantu bakwe. Kanshi kuti twatifye ici citabo citulondolwelafye pa mulandu wa cisumino ca bantu nefyo Lesa abafwa pakuti basunga icisumino.</span></div><div class="iot"><span class="content">Imilandu yatantama ifi</span></div><div class="io1"><span class="content">Lesa abumba ifintu fyonse na bantu 1:1&#8212;2:25</span></div><div class="io1"><span class="content">Ukutendeka kwa bubifi na macushi 3:1-24</span></div><div class="io1"><span class="content">Ukufuma pali Adamu ukufika kuli Noa 4:1&#8212;5:32</span></div><div class="io1"><span class="content">Noa ne lyeshi 6:1&#8212;10:32</span></div><div class="io1"><span class="content">Ulupungu lwa Babele 11:1-9</span></div><div class="io1"><span class="content">Ukufuma pali Shemu ukufika kuli Abramu 11:10-32</span></div><div class="io1"><span class="content">Ifikolwe fyalumbuka, Abrahamu, Isaki, Yakobo 12:1&#8212;35:29</span></div><div class="io1"><span class="content">Aba mu lupwa lwakwa Esau 36:1-43</span></div><div class="io1"><span class="content">Yosefu na bamunyina 37:1&#8212;45:28</span></div><div class="io1"><span class="content">Abena Israeli mu Egupto 46:1&#8212;50:26</span></div>
      </div>
   </div>
</div>

Amashiwi ayakulondolola pali ici citabo
Ici citabo cakubalilapo ica mu Cipangano Cakale baciita, “Icitendekelo” pantu cilondolola ifyo ifintu ifingi fyatendeke. Cilondolola, (i) ukutendeka kwa calo, ifintu fya pano calo ne fintu fimbi fyonse ifyabako, (ii) ifyo umuntu atendeke ukubako, (iii) ukutendeka kwa bubifi na macushi ya pano calo.
Ici citabo ca Citendekelo kuti twacakanya pabili.
1. Ukufuma pa cipande ca cimo ukufika ku cipande ce kumi limo na cimo (11), mwalondololwa ifyo icalo cabumbilwe nefyo ubwina bantu bwatendeke ukuba pano calo. Ni muli ifi fipande mwalondololwa imilandu iya pali Adamu na Efa, Kaini na Abeli, Noa ne lyeshi, elyo no lupungu lwa Babele.
2. Ukufuma pa cipande ce kumi limo na fibili (12) ukufika ku cipande ca makumi yasano (50), mwena mwalondololwa imilandu ya fikolwe fya bena Israeli. Uo babalilapo ukulondolola ni Abrahamu, umuntu uwalumbuka ku cisumino cakwe no kunakila Lesa. Elyo bakonkeshapo no kulondolola pali Isaki mwana Abrahamu na pali Yakobo umwishikulu wakwa Abrahamu uo beta nokuti Israeli. Kabili bakonkeshapo no kulondolola pa bana bakwa Yakobo abali ikumi limo na babili (12). Aba e fikolwe fya nko ikumi limo na shibili (12) isha bena Israeli. Balondolola nganshi pali Yosefu mwana Yakobo na pa fintu fyalengele Yakobo na bana bakwe ne ndupwa shabo baye kukwikala mu Egupto.
Umulandu ukalamba ici citabo cakomailapo, kulanga imilimo Lesa abomba. Catampilapo ukutweba ukuti ni Lesa ewabumba icalo na fyonse ifyabako. Elyo lwa ku mpela, ici citabo catulanga ukuti Lesa akakonkanyapo ukusakamana abantu bakwe. Imilandu yonse iya muli ici citabo isontafye kuli Lesa. Ni Lesa eupingula no kukanda abalufyanya. Ni Lesa eutungulula no kwafwa abantu bakwe. Kanshi kuti twatifye ici citabo citulondolwelafye pa mulandu wa cisumino ca bantu nefyo Lesa abafwa pakuti basunga icisumino.
Imilandu yatantama ifi
Lesa abumba ifintu fyonse na bantu 1:1—2:25
Ukutendeka kwa bubifi na macushi 3:1-24
Ukufuma pali Adamu ukufika kuli Noa 4:1—5:32
Noa ne lyeshi 6:1—10:32
Ulupungu lwa Babele 11:1-9
Ukufuma pali Shemu ukufika kuli Abramu 11:10-32
Ifikolwe fyalumbuka, Abrahamu, Isaki, Yakobo 12:1—35:29
Aba mu lupwa lwakwa Esau 36:1-43
Yosefu na bamunyina 37:1—45:28
Abena Israeli mu Egupto 46:1—50:26

Hør på Icitendekelo Amashiwi ayakulondolola pali ici citabo