Tutapongai 10
10
Inatus si Noa Kila Apitus
1Kana na akuskus usiusingai i kana volo nat a Noa, ri Sem, Am na Iapet voiang kitol tala kun atogon nat pok emung i nole lava ang.
Inatus si Iapet
2Iapet kata apolokai ani keve nat ke: Gomer, Magog, Madai, Iavan, Tubal, Mesek na Tiras. 3Na Gomer kata apolokai ani Askenas, Ripat na Togarma. 4Na Iavan kata apolokai ani Elisa, Tarsis, na ri Kitim ve ri Rodaim. 5Keve palpal vap vo ago aliu ang si keve palpal e ngere lo kita seserei le si keve vap suke. Kita tapagal pulakai na ki polok ane si keve patmani angpetpetekai na kila ago akorong si kari keve palpal. Na ninia si kari keve palpal kita atogon kari keve mengen i rina akorong.
Inatus si Am
6Am kata apolokai ani keve nat ke: Kus, Misraim, Put na Kanan. 7Na Kus kata apolokai ani Seba, Avila, Sabta, Rama na Sabteka. Na Rama kata apolokai ani Seba na Dedan. 8Kus kata asereai ani Nimrod na Nimrod kata serei a igenen visvis madot luai e kuli rina aongos. 9E matana i IAVE kata serei a igenen katak aro luai ta akalat. Eiang vanang na ri vap kipo nas ani posong ani vuk mengen ke: ‘Asukang val Nimrod, igenen dual alava ke mete IAVE ta akalat.’ 10Keve ainoai i rina lava i kana atung na ka vosap aniria kipo Babilon, Erek, Akad na Kalne e palpal Sinar. 11Le ke vanang kata pasal taun a Asiria na kanla atung a Nineve, Reobot, Ir, Kala 12nas Resen. Resen nang kapo ago nei liuan i Nineve na rina tavirimok ang ta Kala. 13Misraim kata asereai ani ri Lud, ri Anam, ri Leav, ri Naptu, 14ri Patrus, ri Kaslu - vap ke ri Pilistin kita polok singiria - na ri Kaptor kapal;. 15Kanan kata asereai ani Sidon, kana nat kiu. Au na ri It, 16ri Iebus, ri Amor, ri Girgas, 17ri Iv, ri Arak, ri Sin, 18ri Arvad, ri Semar, na ri Amat kapa. Keve patmani i Kanan kila pasal apapanai pulakai 19tung si puli i Kanan kanla kinkos a Sidon taun a Gerar na alak luai ane Gasa. Na le iang pulis ang kala pasal taun a Sodom, Gomora, Adma na Seboim tung e Lasa.
Inatus si Sem
20Riria vang sukana na matan inatus si Am. Si kari keve patmani akorong, na kari keve mengen i rina. Si kari keve palpal roe na kari keve palpal vap. 21Au na Sem kapa, voiang kapo tasina lik i Iapet, kata kun atogon kana inatus. Sem katapo tivuria i matan inatus aongos si Eber. 22Sem kata apolokai ani keve nat ke: Elam, Asur, Arpakad, Lud na Aram. 23Na Aram kata apolokai ani Us, Ul, Geter na Mesek. 24Arkapad kata asereai ani Sela na Sela kata asereai ani Eber. 25Na Eber kata atogon kana pongua na nat. Mang anu kita atuk ia ta Peleg, using si taun ang a kui rina katapo tatapagal. Na tasina i Peleg kana asan ta Ioktan. 26Ioktan kata asereai ani keve nat ke: Almodad, Selep, Asarmavet, Iera, 27Adoram, Usal, Dikla, 28Obal, Abimael, Seba, 29Opir, Avila na Iobab. Sukana na keve nat ang si Ioktan. 30Palpal ang kitapo ago singina kata oros apapanai le Mesa ane Separ, si palpal rina mulangan ang ane si ring ipo sanglak ta makarap. 31Riria vang kana na matan inatus si Sem. Si kari keve patmani akorong, na kari keve mengen i rina. Si kari keve palpal roe na kari keve palpal vap. 32riria aongos vanang na keve patmani i kana volo nat a Noa. Kipo matung amalangas luai si ausingai i kari keve polpolokan nei liuan i kari keve palpal vap akorong. Le singiria vanang a keve palpal vap ke kita apolokai ani kuli rina aongos ke emung i nole lava vo serei ang.
Nu geselecteerd:
Tutapongai 10: lcm
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2011, Wycliffe Bible Translators, Inc. All rights reserved.
