मत्ती 4

सइतान से यीसु के परिच्छा

(मरकुस 1:12-13; लूका 4:1-13)

1यीसु के बपतिस्मा के बाद पबित्र आत्मा उनहीं सुनसान जघा माहीं लइगा, जउने सइतान से उनखर परिच्छा होय। 2अउर यीसु, चालिस दिन अउर चालिस रात बिना खाए पिए रहे हँय, तब उनहीं भूँख लाग। 3तबहिन परिच्छा लेंइ बाला सइतान उहाँ आबा अउर कहिस, “अगर तूँ परमातिमा के लड़िका आह्या, त ईं पथरन से कहि द्या, कि रोटी बन जाँय।” 4तब यीसु ओही जबाब दिहिन, “पबित्र सास्त्र माहीं लिखा हय:

‘मनई#ब्यब 8:3 केबल रोटिन भर से जिन्दा न रही, बलकिन परमातिमा के मुँहे से निकरँइ बाले हरेक बचन से जिअत रही।”

5पुनि सइतान उनहीं पबित्र सहर यरूसलेम माहीं लइगा, अउर मन्दिर के गुम्मट माहीं ठाढ़ किहिस,

6अउर उनसे कहिस, “अगर तूँ परमातिमा के लड़िका आह्या, त अपने-आप काहीं इहाँ से नीचे गिराय द्या, काहेकि पबित्र सास्त्र माहीं इआ लिखा हय: ‘परमातिमा#भज 91:11-12 तोंहरे खातिर अपने स्वरगदूतन काहीं हुकुम देइहँय, अउर ऊँ पंचे तोंहईं तुरन्तय लोक लेइहँय; कहँव अइसा न होय कि तोंहरे गोड़ेन माहीं पथरा से चोंट लगि जाय’।” 7तब यीसु ओही जबाब दिहिन, कि “पबित्र सास्त्र माहीं इहव लिखा हय, कि: ‘तूँ अपने प्रभू#ब्यब 6:16 परमातिमा के परिच्छा न किहा’।”

8पुनि सइतान यीसु काहीं एकठे खुब ऊँच पहार माहीं लइगा, अउर संसार के सगला राज अउर ओखर बैभव देखाइके, 9उनसे कहिस, “अगर तूँ हमरे गोड़न गिरिहा, त इआ सगला हम तोहईं दइ देब।” 10तब यीसु ओसे कहिन, “हे सइतान हमसे दूरी होइजा, काहेकि पबित्र सास्त्र माहीं लिखा#ब्यब 6:13 हय, कि

‘तूँ अपने प्रभू परमातिमा के गोड़न गिरा, अउर केबल उनहिन के अराधना करा’।” 11तब सइतान उनखे लघे से चला ग, अउर देखा, स्वरगदूत आइके यीसु के सेबा-सहाई करँइ लागें।

यीसु के प्रचार के सुरुआत

(मरकुस 1:14,15; लूका 4:14,15,31)

12जब यीसु सुनिन कि यूहन्ना बपतिस्मा देंइ बाले पकड़बाय दीनगे हँय, तब ऊँ गलील प्रदेस माहीं चलेगें। 13अउर नासरत गाँव काहीं छोंड़िके, यीसु कफरनहूम सहर माहीं जाइके रहँइ लागें, जउन झील के किनारे जबूलून अउर नपताली लोगन के इलाका माहीं हय। 14जउने उआ बचन पूर होय, जउन परमातिमा के सँदेस बतामँइ बाले यसायाह कहिन रहा हय।

15कि

# यसा 9:1-2 “जबूलून अउर नपताली लोगन के इलाका, झील के गइल से यरदन नदी के उआ पार गैरयहूदी लोगन के गलील प्रदेस।

16अउर जउन मनई अँधिआर#यसा 9:1-2 माहीं जीबन जिअत रहे हँय ऊँ पंचे महान जोति देखिन; अउर जउन मउत के #4:16 जिनखर बिसुआस जिन्दा परमातिमा के ऊपर नहीं रहा आय, ऊँ पंचे मउत के डेर माहीं रहत रहे हँयछाया माहीं रहत रहे हँय, उनखे ऊपर जोति चमकी।”

17उहय समय से यीसु इआ प्रचार करब सुरू कइ दिहिन, कि “पाप करब छोंड़िके परमातिमा के लघे आबा, काहेकि स्वरग के राज लघेन आइगा हय।”

यीसु के पहिल चेला लोग

(मरकुस 1:16-20; लूका 5:1-11; यूहन्ना 1:35-42)

18जब यीसु गलील प्रदेस के झील के किनारे-किनारे जात रहे हँय तब ऊँ दुइठे भाइन काहीं देखिन अरथात समौन जेखर नाम पतरस घलाय रहा हय, अउर उनखे भाई अन्द्रियास काहीं झील म जाल डारत देखिन; काहेकि ऊँ पंचे मछुआरा रहे हँय। 19अउर यीसु उनसे कहिन, “हमरे पीछे चले आबा, त हम तोंहईं मनइन काहीं परमातिमा के लघे लइ आमँइ बाला बनाउब।” 20तब ऊँ पंचे तुरन्तय जालन क छोंड़िके यीसु के पीछे चल दिहिन।

21अउर उहाँ से कुछ दूरी चले के बाद, यीसु जब्दी के लड़िका याकूब अउर ओखे भाई यूहन्ना काहीं, अपने बाप के साथ नाव माहीं चढ़े जालन काहीं सुधारत देखिन; तब उनहूँ काहीं घलाय बोलाइन। 22अउर ऊँ पंचे तुरन्तय नाव अउर अपने बाप काहीं छोंड़िके यीसु के पीछे चल दिहिन।

23अउर यीसु सगले गलील प्रदेस माहीं जाइ-जाइके उनखे सभाघरन माहीं उपदेस देत अउर स्वरगराज के खुसी के खबर के प्रचार करत, अउर उहाँ के मनइन के हरेकमेर के बिमारिन अउर कमजोरिन काहीं दूर करत रहिगें। 24अउर सगले सीरिया देस माहीं उनखर नाम मसहूर होइगा; एसे खुब मनई बिमारन काहीं जउन अनेकव प्रकार के बिमारिन से दुख माहीं परे रहे हँय, अउर जउनेन माहीं बुरी आत्मा रही हँय, अउर जिनहीं मिरगी आबत रही हय, अउर जिनहीं लोकबा मारे रहा हय, उन सगलेन काहीं यीसु के लघे लइ आएँ, तब यीसु उनहीं पंचन काहीं नीक कइ दिहिन। 25अउर गलील प्रदेस से अउर दिकापुलिस#4:25 दिकापुलिस गैरयहूदी लोगन के इलाका आय, जउन दसठे सहरन काहीं मिलाइके बना रहा हय। से अउर यरूसलेम सहर से अउर यहूदिया प्रदेस से अउर यरदन नदी के दुसरे पार से बड़ी भारी भीड़ उनखे पीछे चल दिहिस।

Nu geselecteerd:

मत्ती 4: bag

Markering

Deel

Kopiëren