Genesisi 8
8
1Na Nungungulu i lo alakanya Noa, ni zihari zontlhe, ni zifuyo zontlhe zi nga hi lomu tarwini; na Nungungulu i lo maha mheho yi pupuxa hehla ka misava, kasi a mati ma bohla.
2Ku lo valwa zibuka za ndengelenge ni tinyangwa ta tilo, yi khawula a vula ya le tilweni.
3A mati ma lo simama kupswha laha misaveni: hi lenzhako ka 150 wa masiku a mati ma lopswha.
4Zonake hi hweti ya wuntlhanu ni timbiri, hi siku ga wuntlhanu ni mambiri ya hweti, a taru gi lo chekama le zitsungeni za Ararate.
5A mati ma lo simama mapswha, kala ku woneka a hweti ya wukhume. Hi ka hweti ya wukhume, ka siku ga kusangula ga hweti, ku lo sangula ku woneka magumo ya zitsunga.
6Zonake hi nzhako ka 40 wa masiku, Noa i lo vulula a njhanela ya taru leyi a nga wa yi mahile.
7I lo humesa a xikunguwa, xi lo simamisa xi khiringela kala a mati mapswha laha misaveni.
8I lo engeta a humesa tuva, kasi ku wona loku a mati ma pswhile misaveni.
9Kanilezi a tuva a gi kumangi kuhumula ka konzo wa gona, gi lo wuya ka yena lomu tarwini, hakuva a mati ma wa hi kona a hehla ka misava yontlhe. I lo nawuluta a canja gakwe, a gi amukela, a gi enghenisa ka yena lomu tarwini.
10I lo engeta a tshama kambe ntlhanu wa masiku ni mambiri, a engeta a gi humesa tuva lomu tarwini.
11A tuva gi lo tlhelela ka yena laha gambyeni; languta, gi wa hi ni tluka go nyuka ga nkuwu lomu nonwini wa gona: zonake Noa i lo zi tiva lezaku a mati ma pswhile misaveni.
12I lo engeta a tshama kambe masiku ya ntlhanu ni mambiri; a humesa a tuva, a gi nga ha engetangi gi wuya ka yena.
13Zonake hi lembe ga 601, hi hweti yo sangula, hi siku go sangula ga hweti, a mati ma wa pswhile misaveni; Noa i lo susa a langwa la taru, i lo cuwuka, a wona lezaku a misava yi womile.
14Hi hweti ya wumbiri, hi siku ga 27 ga hweti, ni misava yi wa womile yontlhe.
15Nungungulu i lo wulawula ka Noa, aku:
16Humani tarwini, wena ni sati wa wena, ni vana va wena, ni vasati va vana va wena.
17Humesa zihari zontlhe lezi zi nga ha hi zinwe na wena za nyama yontlhelele, a zinyanyani, zifuyo, ni zilo zontlhe zi makanyako misaveni a zi tale laha misaveni, zi pswala zi anza.
18Na Noa i lo huma ni vana vakwe, ni sati wakwe, ni vasati va vana vakwe.
19Zihari zontlhe, ni zikokakoka zontlhe, ni tinyanyani tontlhe, zontlhe zi fambako misaveni hi tixaka ta zona zi lo huma lomu tarwini.
20Zonake Noa i lo mu akela a ganzelo Jehova; i lo pambula xikari ka zontlhe zihari zi hlazekileko, ni ka tontlhe tinyanyani ti hlazekileko, a nyikela munyikelo wa kuhiswa laha alatini.
21Na Jehova i lozwa masema yo nanziha; aku ngalo mbilwini yakwe: Nzi nga ta engeta nzi rukatela a misava hi kota ya vanhu; a maalakanyo ya timbilu ta vanhu ma bihile kusukela wunwananeni gabye; nzi nga ta ha engeta nzi lovisa zontlhe zi hanyako kota lezi nzi zi mahileko. Isa. 54:9; Mat. 15:19
22Kala magumeso ya misava ku nga ta khawula kurima, ni kutshovela, ni xirami ni kuhisa, ximumu ni wuxika, a siku ni wusiku.
Nu geselecteerd:
Genesisi 8: TSC72
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Tshwa Bible © Bible Society in Mozambique, 1972, 2007.
