1 Sámìɔ̀ 23
23
Dèɓé è Kílà pɵ̀ gɔ̀ là
1Yi do káɛ Dèɓé yà mà nɛ̀ɛ̀, Félésã́ã̀mɛ̀nù wò kózǝlà Kílà pɵ̀ píé, é wó mlɥ̀ wô kã̀ dɔ̀ù é wítì siɛ̀lɛ̀ ɓàɛ̀ kɔ̃̀ã̀ɓolà. 2Àmɔ́ɔ̀wɔ̃̀ɓàɛ̀ Dèɓéè Yàwɛ lɛ̀ɛ̀kpɔ́kǝ̀, “Á ló á kózǝ Félésã́ã̀mɛ̀nù káa?”
É Yàwɛà pɵ Dèɓé lǝ̀, “Ƃò ló ɥ́ kózǝ Félésã́ã̀ mɛ̀nù ká, ɥ́ Kílà pɵ̀ gɔ̀la.”
3Kǝǝ Dèɓéa gɔ̃ɔ̃̀nù wà pɵ̀àlǝ̀, “Lɛ̀gà, yi sùò Zúdà sɛ̀gɥ́ zɵ. Kôma àyé yíáló kózǝmɛ̀ wó Félésã́ã̀mɛ̀nù káɛ wo gɔ̀ kóáɛ lée?” 4Lɛ̀kɔ̀ɔɛ Dèɓé è Yàwɛ lɛ̀ɛ̀kpɔ́ kǝ̀ zɥ́. É Yàwɛà zǝnu, “Ƃò wruù, ló goú Kílà pɵɵ, ɓií a lò Félésã́ã̀ mɛ̀nù dɔ ɥ kwɛ.” 5Lɵɛ Dèɓé wãã̀ yaa gɔ̃ɔ̃̀nù wó lo Kílà pɵɵ, wó kózǝ Félésã́ã̀mɛ̀nù ká. Wó zɔɔkǝ̀ wo píé dèèdè, wó nu waa dùnù ká. Zɛ̃ã ɓɛɛ é Dèɓé è Kílà pɵɵ mɛ̀nù ɓoá gã́gɥ́.
6Lɛ̀ Àhímɛ́lɛ̀ gbɵ Ábìátà è dùà é lo Dèɓé píé Kílà pɵɵɛ è nù ífɔ̀ ká.
7Yi do káɛ wàbìɛ̀ Sɔ́ɔ̀ lǝ̀ nɛ̀ɛ̀ Dèɓé yànu Kílà pɵɵ. É Sɔ́ɔ̀à pɵ, “Aaɓi yàà dɔ n kwɛ. Dèɓé yà e dè líta dà ê ɓo pɵ à glàlí lɵ́ lɵ̀ wô lítalà pìɛ̀ wɵ̀n káɛ gɥ́ɛ ká.” 8É Sɔ́ɔ̀ è yaa mɛ sáálɵɛ lɔ̀ɔ̀kǝ̀ kópíé, wɔ̃̀ɔ̃̀ ló goú Kílà pɵɵ, wɔ̃̀ɔ̃̀ nìɛ̀ Dèɓé wãã̀ yaa mɛnù zɥ̀.
9Kǝǝ Dèɓé yà gɥ́dɔ̀ nɛ̀ɛ̀ Sɔ́ɔ̀ è wɔ̃́ yaa kɛ̃̀ãkã́là à gɔ̀. Ê pɵ Ábìátà é kǝ̀ sraɓomɛ̀ káɛ lǝ̀, “Ƃònu ífɔ̀ ɓɛ ká zɵ.” 10Lɛ̀kɔ̀ɔɛ Dèɓéà pɵ, “Ô Yàwɛ, ɥ́ Ézrɛ̀a Aaɓi káɛ, a mà wɔ̃́dèká nɛ̀ɛ̀ Sɔ́ɔ̀ yà mɛɛ̀là nyɛ̀ɛ̀ nu Kílà pɵɵ, nyɛ̀ɛ̀ pɵ nɛ̀ gɥ́sìè n mɔ́ɔ̀wɔ̃̀ɓà. 11Gɔ̃ɔ̃̀nù wó Kílàɛ̀ wò lò n dɔ à kwɛà? Sɔ́ɔ̀ è lò nu goú nɛ̀ɛ̀ zɛ̃ã â maáɛ lɵ́a? Ô Yàwɛ, Ézrɛ̀a Aaɓi, a ɓɛ̀à ɥ lǝ̀ ɓòà biɛ̀ n lǝ̀.”
É Yàwɛà pɵ, “Sɔ́ɔ̀ lò nu goú.”
12Dèɓéà pɵ, “Gɔ̃ɔ̃̀nù wó Kílàɛ̀ wò lò nyià ma mɛnù yi dɔ Sɔ́ɔ̀ kwɛà?”
É Yàwɛà pɵ, “Wò lò ɥ dɔ à kwɛ.”
13Lɛ̀kɔ̀ɔɛ Dèɓé wãã̀ yaa gɔ̃ɔ̃̀nù wó lo kǝ mɛ kǝ̃̀ǝ̃ srɔ́àdo káɛ wò zìè wó go Kílà pɵɵ, é wó lo lɛ̀ sáálɵ wó mɔ̀à wɔ̃̀ɔ̃̀ lóàɛ̀ ɓà. Lɛ̀ wô bìɛ̀ Sɔ́ɔ̀ lǝ̀ nɛ̀ɛ̀ Dèɓé yà dùà yà gó Kílàɛ̀, wãã̀ yaa mɛnù waá ló má gbɔɔ.
Dèɓé è tɔ̃̀sɛ̀gɥ́
14Dèɓéè tò e bĩ̀lɛ̀ɓà yɛ̀ilà tɔ̃̀sɛ̀gɥ́ lɛ̀ wô lɛ̀ Zéfù Yɛ̀ilàɛ̀ ɓà. Sɔ́ɔ̀ è Dèɓé mɛ̀ɛ̀ lɛ̀kpààyì sáálɵɛ ká, kǝǝ Aaɓi yaá à dɔà kwɛ. 15Dèɓé è sùò ɓií Sɔ́ɔ̀ yà blɥ̀kǝlà nyàà zǝ.
Dèɓé è kǝ̀ Zéfù Yɛ̀igɥ́, Hɔ́rɛ̀ lɛ̀ɓà. 16Zɔ̀nátã̀, Sɔ́ɔ̀ gbɵ, è wrùù é lo Dèɓé píé Hɔ́rɛ̀ lɛ̀ɓà, é mááɓo Dèɓé píé nyɛ̀ɛ̀ e zòdɔ Aaɓi ɓà. 17Ê pɵà lǝ̀, “Kɵ́kǝ̀ ɥ́ sùò. N dǝ Sɔ́ɔ̀ káló wɔ̃́gbéè gbɛ kǝ ɥ ká. Ч lò kǝ kíŋ ká Ézrɛ̀ sɛ̀ làluo, kǝ ã́ã̀ ye ɥ píé mɛ pèètɛzǝ̀ ká. N dǝ Sɔ́ɔ̀ è wɔ̃́ nɛ̀ gɥ́dɔ̀.” 18Lɛ̀kɔ̀ɔɛ wo pèètɛ wó wòdɔwò kǝ̀ Yàwɛ pɛá. Dèɓé è to Hórɛ̀, é Zɔ̀nátã̀ è lo e píékee.
19Lɛ̀kɔ̀ɔɛ Zéfù mɛ̀nù wò lò Sɔ́ɔ̀ píé Gébìɛ̀, wô pɵ, “Dèɓé yaá e bĩ̀ yi son gùǝ̀dù gɥ́ lɛ̀ é Hɔ́rɛ̀ɛ̀ ɓà, Hàkílà Tɔ̃̀tuo, Zɛ̀símɔ̀ pɵ̀ gɔ̀ xlãgózɛ̃̀ãã? 20Ƃònu goú dɔ̀ù nɛ̀, Óó kíŋ, nɛ̀zɛ̃ã ɥ zòtàɥ wɔ̃̀ lɵ́ káɛ lɵ, yi ɓà é tɔɔ kǝ nyíì à dɔ ɥ kwɛ.”
21É Sɔ́ɔ̀à pɵ, “Gó Yàwɛ è lúàkpɔ́ ka ɓà, ɓií ká n yénye! 22Kǝǝ kà ló kâ mànyiɛ fɛ́fɛ́lɵ, ká à yàlɛ̀ dè ye, ĩ́ĩ́ mɛ é yàà ye mɥ́ líéɛ kâ dɔ, ɓií wàbìɛ̀ n lǝ̀ nɛ̀ɛ̀ è kpláákplà. 23Kà ló mɔn ká à bĩ̀lɛ̀ sáálɵɛ ye, yàkɔɔ́ɛ ká nu kâ biɛ̀ n lǝ̀ kǝ kwãã̀nù kwã́ã̀ ló. É kɛ̃̀ɛ̃̀ è sɛ́ nɛ̀ gɥ́ɛ a lòà mɛɛ̀ Zúdàmɛ̀ vù plǝǝ̀zǝ̀ son.”
24Lɛ̀kɔ̀ɔɛ wó wrùù wó lo Sɔ́ɔ̀ líé weé pɵɵ Zéfù. Yi do káɛ Dèɓé wãã̀ yaa mɛnù wò kǝ̀ Méɔ̀ Yɛ̀igɥ́, Àrébà goo píé, Zɛ̀símɔ̀ gɔ̀ goúzɛ̃̀ã. 25É Sɔ́ɔ̀ wãã̀ yaa gɔ̃ɔ̃̀nù wó loà mɛɛ̀lɛ̀à. Kǝǝ wàbìɛ̀ Dèɓé lǝ̀, àmɔ́ɔ̀wɔ̃̀ɓàɛ̀ é lo goú gùǝ̀gɥ́lɛ̀ é Méɔ̀ Yɛ̀igɥ́ɛ ɓà. Lɛ̀ Sɔ́ɔ̀ yà ma pɵ́ɛ, é to Dèɓé píé Méɔ̀ Yɛ̀igɥ́ lɛ̀ɓà. 26Sɔ́ɔ̀ è lò tɔ̃̀ ɓɛ à kɔ̀pɛ̃́ã́ do ɓà, é Dèɓé wãã̀ yaa gɔ̃ɔ̃̀nù wó kǝ̀ à kɔ̀pɛ̃́ã́ é toɛ ɓà. Dèɓé è kǝ̀ zielɛ̀à blàa Sɔ́ɔ̀ lǝ̀, kǝ Sɔ́ɔ̀ wãã̀ yaa gɔ̃ɔ̃̀nù wò kpalà woɓà wɔ̃̀ɔ̃̀ wo kṹ. 27É to mɥ́ bɔmɛ̀ do è gbɛ̀ì ê pɵ Sɔ́ɔ̀ lǝ̀, “À kǝ síèsíè ɥ́ nu! Félésã́ã̀mɛ̀nù ɓɛɛ wà grùdà sɛ́ nɛ̀ là, wó pǝ sáálɵɛ sɥ́là.” 28Wɔ̃́ nɛ̀ mɔ́ɔ̀wɔ̃̀ɓàɛ̀ Sɔ́ɔ̀ è bò Dèɓé kǝlɛ̀à, é lo nyɛ̀ɛ̀ kózǝ Félésã́ã̀ mɛ̀nù ká. Àmɔ́ɔ̀wɔ̃̀ɓɛɛ lɛ̀ ɓɛ wô tɔ́ lɛ̀ Dùà Gùǝ̀. 29Lɛ̀ yàkɔɔ́ɛ Dèɓé è gòmɥ́ é lo é kǝ̀ mɛ tàkpàà lɛ̀ é kǝ̀ Ɛ̀ngédì sɛ̀ gɥ́ɛ ɓà.
Nu geselecteerd:
1 Sámìɔ̀ 23: DHB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in