1 Sámìɔ̀ 22
22
Wò sraɓomɛ̀nù tɛ̃́ɛ̃́ wròn
1Dèɓé è gò má é dùà é lo Àdúlàn gùǝ̀dù gɥ́, lɛ̀ à legrú gɔ̃ɔ̃̀zǝ̀nù wãã̀ à dǝ píékee mɛ̀nù wô maɛ wó lo goú à píé má. 2É mɛ do do sáálɵ é kǝ̀ wɔ̃́gbéè gɥ́, é kpàà kǝ̀à ɓà, é à zòɔ yà dàzrɥɵɛ, wó pà wokóà à píé, é kǝ̀ waa líésɥ́mɛ̀ ká. Gɔ̃ɔ̃̀nù kǝ̃̀ǝ̃ yììsiɛ (400) wó kǝ̀ à píé.
3Dèɓé è gomɥ́ é lo Mízípɛ̀ pɵɵ, Móà sɛ̀ gɥ́, ê pɵ Móà kíŋ lǝ̀, “À ɓɛ̀à ɥ lǝ̀ gó n dǝ wãã̀ n le wò yà ɥ píé nyɛ̀ɛ̀ toápɵ́ wɔ̃́ Aaɓi loà kǝ n lǝ̀ɛ̀ ã́ã̀ ye.” 4Éye kpɔ́mɛ̀nù to Móà kíŋ píé, é wó toà píé yi kpɔ̀n é Dèɓé è kǝ̀a e bĩ̀lɛ̀ɓàɛ̀ ká.
5Lɛ̀kɔ̀ɔɛ Dɔ̀-Aaɓilílàmɛ̀ Gáà è nù Dèɓé píé ê pɵàlǝ̀, “Kɵ́kǝ̀ ɥ́ to ɥ bĩ̀lɛ̀ɓà, ɓò gó zɵ ɥ́ ló Zúdà sɛ̀ gɥ́.” É Dèɓé è gomɥ́ é lo Hɛ́wrɛ̀ bliílɵ.
6À yi nɛ̀ káɛ Sɔ́ɔ̀ yà ma nɛ̀ɛ̀ wà Dèɓé wãã̀ gɔ̃ɔ̃̀nù wó kǝ̀à píéɛ wo ye. Sɔ́ɔ̀ è kǝ̀ yàlɛ̀àká Gébìɛ̀ pɵɵ, támáre xlɥ̀ ɓɛɛ bĩ́ĩ̀ tɔ̃̀ là nǝn, àɓà dɥ́ è kǝ̀à kwɛ, é àɓà yuɔkǝmɛ̀ sáálɵɛ wó kǝ̀ dɔàká wo gɛ̃̀ã̀ wó nìɛ̀ à zɥ̀. 7Lɛ̀kɔ̀ɔɛ Sɔ́ɔ̀ yà pɵ yaa mɛnù wo nìɛ̀ à zɥ̀ɛ̀ wo lǝ̀, “Bɛ́nzémɛ̀ nɔ́ɔ̀, kàa tótó, Zɛ́sè gbɵ è lò ɓlɥ́ɵ̀ wãã̀ gréè kɔ́ú nu ka dodo sáálɵɛ ka lǝ̀à? È lò ka sáálɵɛ ka kǝ kózǝmɛ̀ vù plǝǝ̀zǝ̀ wãã̀ kózǝmɛ̀ kǝ̃̀ǝ̃ plǝǝ̀zǝ̀ gɔ̀lààmɛ̀nù káa? 8Ka sáálɵɛ ká mǝ́là n klɥ̀ɥ ɓǝà? Ka do yaá lɛ́ɓo wɔ̃́là n lǝ̀ lɛ̀ n gbɵ lɵ́ e wò dɔlà Zɛsé gbɵ lǝ̀ɛ̀ ká, kaa mɛdo wɛ́ázǝ̀ yaá dà n yéngɥ́ ĩ́ĩ́ yaá wɔ̃́ nɛ̀ biɛ̀ n lǝ̀ nɛ̀ɛ̀ n gbɵ yà n píémɛ̀ zòɔ xlã̀ n bũã̀, nyɛ̀ɛ̀ yà n gɔ̀ gbáɥ́ nɛ̀ɛ̀ zɛ̃ã ê ká gbɛ̃́ã̀ɛ̃̀ lɵ́.”
9Lɛ̀kɔ̀ɔɛ Ídɔ̀nmi Dúɛ̀ é kǝ̀ dɔàká Sɔ́ɔ̀a yuɔkǝmɛ̀nù sɔ́ɛ ê pɵ, “A Zɛ́sè gbɵ ɓɛ yè é nu Nɔ́ɔ̀ pɵɵ, Àhítù gbɵ Àbímɛ́lɛ̀ píé, 10é Yàwɛ lɛ̀ɛ̀kpɔ́ kǝ̀ Dèɓé mɔ́ɔ̀wɔ̃̀ká, é ɓɵ̀pǝ̀ nuàlǝ̀, é Félésã́ã̀mi Gòláyàa làà ɓɛ nuàlǝ̀.”
11Lɛ̀kɔ̀ɔɛ kíŋ è mɛ bɔ sraɓomɛ̀ Àhímɛ́lɛ̀ wãã̀ e dǝ píékee mɛ̀ sáálɵɛ, ĩ́ĩ́ sraɓomɛ̀ sáálɵ wó kǝ̀ Nɔ́ɔ̀ pɵɵɛ, wo plɛ́n wó nu kíŋ ɓɛ wòà. 12É Sɔ́ɔ̀à pɵ, “Àhítù gbɵ, ɓò ɥ tótó.”
Àhímɛ́lɛ̀à pɵ, “Ma gàa nɛ̀, n dɛn.”
13Sɔ́ɔ̀à pɵà lǝ̀, “Mǝ̀kǝ̀ ká mǝ n klɥ̀ɥi, ɓi kãã̀ Zɛ́sè gbɵ káɛ, ɥ́ blɛɛ̀ wãã̀ làà nuàlǝ̀, é ɓá Yàwɛ lɛ̀ɛ̀kpɔ́ kǝ àmɔ́ɔ̀wɔ̃̀ ká, yà wruù n gɔ̀ nyɛ̀ɛ̀ yà n gɔ̀ gbáɥ́ nɛ̀ zɛ̃ã ê ká gbɛ̃́ã̀ɛ̃̀ lɵ́e?”
14Lɛ̀kɔ̀ɔɛ Àhímɛ́lɛ̀ yà pɵ kíŋ lǝ̀, “Dɵ é zòdɔ̀àmɛ̀ ká ɓa yuɔkǝmɛ̀nù sáálɵɛ son nɛ̀ɛ̀ Dèɓé lɵ́e, dɵ é kíŋ lú gɔ̃̀ ká, é nyákǝ̀ ɥ ɓà mɛ̀nù waa líésɥ́mɛ̀ ká, é ɓlɛ̀kpɔ́le lɵ́à ɓà ɥ píékeeè? 15Gbɛ̃́ã̀ sróó nɛ̀ é má Yàwɛ lɛ̀ɛ̀kpɔ́ kǝ à mɔ́ɔ̀wɔ̃̀ ɓàà? Kpɛ́í! Kɵ́kǝ̀ kíŋ ɓɛɛ é pǝ gbɛɛ kǝ̀ yaa yuɔkǝmɛ̀a ĩ́ĩ́ n dǝ píékee mɛ̀nù ká. Ƃií ɓa yuɔkǝmɛ̀ yaá wɔ̃́ gbɛ dɔ nyɛ̀ɛ̀ gbã̀ wɔ̃́ nɛ̀ ɓà.”
16Lɛ̀kɔ̀ɔɛ kíŋ ɓɛɛ ê pɵ, “Ч lò ga wɔ̃́dèká, Àhímɛ́lɛ̀, ɓi kãã̀ ɥ píékee mɛ̀nù sáálɵɛ ká.” 17É kíŋ yà pɵ zòkǝ̀à píé mɛ̀nù wó kǝ̀ dɔàká wo gɛ̃̀ã̀ à zɥ̀tópíéɛ lǝ̀, “Kà liɛ̀ ká Yàwɛa sraɓo mɛ̀nù ɓɛ wo zǝ. Ƃií wodèe wo kɔ̀ è Dèɓé píé, é wó à dùàsɥ̀ gɥ́dɔ, é waá à biɛ̀ n lǝ̀.” Kǝǝ kíŋa yuɔkǝmɛ̀nù waá wo kɔ̀ pó wɔ̃̀ɔ̃̀ wrò Yàwɛa sraɓo mɛ̀nù là. 18Lɛ̀kɔ̀ɔɛ kiŋ ɓɛɛ ê pɵ Dúɛ̀ lǝ̀, “Ƃò ló ɥ́ sraɓo mɛ̀nù ɓɛɛ wo zǝ.” Lɵɛ Ídɔ̀nmi Dúɛ̀ è wrò sraɓo mɛ̀nù ɓɛɛ wo là, é mɛ gɔ́ɔ̀ srɛ́àka ga sɔ́ɔ́lú (85) wó ífɔ̀ wô kǝ̀ lénéì sɔ káɛ dàɛ̀ zǝ yi ɓɛɛ ká. 19É Sɔ́ɔ̀ yà kǝ̀ wó gɔ̃ɔ̃̀nù, lonnù, nɔ́ɔ̀sɛ̃́ɛ̃́nù, nǝ́bǝ́ǝ́nù, dùnù, sònù, ĩ́ĩ́ ɓlánù sáálɵ wó kǝ̀ Nɔ́ɔ̀ɛ̀ wo zǝ.
20Kǝǝ Àhítù gbɵ Àhímɛ́lɛ̀ gbɵ do wô lɛ̀ Ábìátàɛ̀ è dùà é lo Dèɓé píé. 21Ábìátà yà bìɛ̀ Dèɓé lǝ̀ nɛ̀ɛ̀ Sɔ́ɔ̀ yà Yàwɛa sraɓo mɛ̀nù ɓɛɛ wo zǝ. 22É Dèɓéà pɵ Ábìátà lǝ̀, “Lɛ̀ á Ídɔ̀nmi Dúɛ̀ ye má yi ɓɛ káɛ, aà gɥ́dɔ̀ nɛ̀ɛ̀ è lòà biɛ̀ Sɔ́ɔ̀ lǝ̀ gbɔ̀gbɔ̀lɵ. Ч dǝ píékee mɛ̀nù gawɔ̃̀ tósɥ̀mɥ̀ n ɓà. 23Ƃò tó n píé, kɵ́kǝ̀ ɥ́ sùò, ɓií mɛ é n nii mɛɛ̀làɛ̀ yeé ɥ nii mɛɛ̀là ɓǝ. Àyé ɓá tó n píéɛ ɥ gɔ̀ lò la.”
Nu geselecteerd:
1 Sámìɔ̀ 22: DHB
Markering
Deel
Kopiëren
Wil je jouw markerkingen op al je apparaten opslaan? Meld je aan of log in