मरकुस 13
13
मंदिर इन विनाश इन भविष्यवाणी
(मत्ती २४:१-२; लूका २१:५-६)
1याग यीशु मंदिर टु होळोन, रा आऊन चेलागोळ दा टु ऊंद चेला आऊन से अंदुन, “हे गुरु, नोळ, ह्यांग धोड्डेव कल्ल अदिक ह्यांग भव्य भवन आव!”
2यीशु आऊन से अंदुन, “येन नीव इव धोड्डेव-धोड्डेव भवन नोळतीर: ईल कल्ल मा कल्ल भी ऊळ्दकु ईरतीदील जो ढाऊस्कु आगतीदील.”
यीशु परेशानी अदिक सताव इन बारा दा हेळदुन
(मत्ती २४:३-१४; लूका २१:७-१९)
3याग यीशु जैतून इन पहाळ मा मंदिर इन मुंद कुर्तकु ईरोन, रा पतरस अदिक याकूब अदिक यूहन्ना अदिक अन्द्रियास अलग होगकु आऊन से केळदुर, 4“नामी हेळ कि ईव मात याग आदव? अदिक याग ईव सब मात पुरा आग्त होदव आ समय इन येन चिन्ह ईत्तीत?”
5यीशु आंदुर से अनली कुरतुन, सावधान ईरी कि यारू नीमी भरमुस बाळुल. 6अनेक नान हेसुर देल ईद अनतेला बंदार, “ना मसीह हुईन!” अदिक आंदुर हापाळ मुंदरी भरमुस्यार. 7याग नीव लळाईगोळ मातचीत केळीर अदिक लळाईगोळ्द बारा दा अफवाह केळीर, रा घबरूस बाळेतीर; यतिकी अव मातगोळ्द ईरोद जरूरी आद, लेकीन आ समय दा अन्त आगतीदील. 8यतिकी द्याश मा द्याश, अदिक राज्य मा राज्य चढ़ाई माळ्यार. हर जागा दा भूकम्प आदव, अदिक अकाल बिद्दव. ईद रा भयानक दुख इन सुरूवात आदीत.
9 #
मत्ती १०:१७-२०; लूका १२:११,१२ “लेकीन नीव तान बारा दा सावधान ईरी; यतिकी लॉकुर नीमी महासभागोळ दा सोपस्यार अदिक नीव पंचायतगोळ दा बळ्सकोंडीर, अदिक नान कारण न्यायाधीशगोळ अदिक राजागोळ मुंद निदरूसकु आदीर, ताकी नीम साटी खुशखबरी केळसोर साटी मौका आदीत.” 10पर जरूरी आद कि पयला खुशखबरी सब जातीगोळ्दा प्रचार माळकु आगुल. 11याग आंदुर नीमी हुळकु न्यायालय दा ओतार, रा पयले टु चिंता माळबाळेतीर कि नाव येन अंदेव; पर जो येनारा नीमी आटोटीका हेळकु आदीत अदा अनेतीर; यतिकी अनावाळेर नीव आलच, लेकीन पवित्र आत्मा हुन. 12वार्ट उक वार्ट ध्वाका कोट्टान, अदिक आप्प तान पार उक कोनोर साटी निदर्यान, अदिक पार तान आप्प उक बडोर साटी निदर्यान अदिक चिकोर तान मोय आप्पुर खिलाप यदकु आंदरी कोन्सुस बुट्टार. 13#मत्ती १०:२२अदिक नान हेसुर इन कारण पुरा लॉकुर नीम से दुश्मनी माळ्यार; लेकीन जो आखरी ताका आऊन मा विश्वास ईट्यार, आंदुर्दा उद्धार आदीत.
महासंकट-काल
(मत्ती २४:१५-२८; लूका २१:२०-२४)
14लेकीन याग नीव अद बरबाद माळावाळा बेकार वस्तु उक यल उचित ईलच अल नीदुरकु नोळीर, वाचुसावाळा समसेगुल आग जो लॉकुर यहूदिया दा आर आंदुर पहाळी मा ओळेगुल; 15#लूका १७:३१जो छत मा आर, आव तान मान्ना टु येनारा ताकोमोर साटी ल्यालमा ईळुबाळुल अदिक बुळ्क होगबाळुल; 16अदिक आंदुर जो केई दा आर, आव तान कपळा तरोरसाटी हिंद होगबाळुल. 17आ दिनगोळ दा जो व्हाट्या दी ईरोर अदिक जो चिग्द ऊरी हाल कुळ्सतेला ईतीदार, आंदुर साटी आ दिन याट भयानक ईत्तव! 18अदिक परमेश्वर से प्रार्थना माळतेला ईरी कि ईद सोळ इन दिनगोळ दा आगबाळुल. 19#प्रकाशितवाक्य ७:१४यतिकी आ दिन हिंग बरबाद ईनव ईत्तव कि दुनिया अन्द सुरूवात टु, जो परमेश्वर रच्यान, ईगासताका ना रा आग्याव अदिक ना बाक यागलु आदव. 20अगर प्रभु आ दिनगोळी ईला घटुसायदुन, रा यातोदु प्राणी भी ईला ऊळाईत; लेकीन आ निवळुस्कु आग्यार आ लॉकुर कारण यारी आव निवळुसदुन, आ दिनगोळी गोर्त माळ्यान.
21आ समय दा अगर यावारा नीम से अंदान; नोळी, मसीह ईल आन, या नोळी, अल आन, रा विश्वास माळबाळेतीर; 22यतिकी ख्वाटा मसीह अदिक ख्वाटा भविष्यवक्ता यदकु निदर्यार, अदिक हिंग-हिंग चमत्कार अदिक अदभुत क्याल्सा तोरस्यार कि अगर आग सकुल रा निवळुस्कु आग्यार आ लॉकुरी भी बैकुश बुळुल. 23लेकीन नीव सावधान ईरी: नोळी, ना नीमी सप्पा मात पयले टु ना हेळ बुटीन.
मंळसा अन पार यीशु उन दुबारा बरोद
(मत्ती २४:२९-३१; लूका २१:२५-२८)
24 #
प्रकाशितवाक्य ६:१२
“आ दिन दा, आ बरबाद इन बाद्दा दा सुरज अंधार आगेदीत, अदिक चन्द्रमा उजुळ कोळतीदील; 25#प्रकाशितवाक्य ६:१३अदिक आकाश टु तारागन बिळली हत्तेव; अदिक आकाश ईनव शक्तिगोळी हालुसेदव.” 26#प्रकाशितवाक्य १:७आग लॉकुर ना मंळसा अन पार उक धोळ्द सामर्थ्य अदिक महिमा अन्द सांगुळ बादल दा बरतेला नोळ्यार. 27आ समय आव तानव स्वर्गदूतगोळी कळुकु, पृथ्वी इन ईद भाग टु हुळकु आ भाग ताका, नाकु दिशा दी टु परमेश्वर तान निवळुस्द लॉकुरी जमा माळ्यान.
अंजीर इन मार्र इन उदाहरण
(मत्ती २४:३२-३५; लूका २१:२९-३३)
28“अंजीर इन मार टु ईद उदाहरण कली: याग अदुर्द डगाली मुलायम आगताव, अदिक याल्ला होळली हतताव; रा नीव जान्स कोमतीर कि बिसुल इन दिन हात्ती आव.” 29ईदा प्रकार याग नीव ईव मातगोळी आगतेला नोळीर, रा जान्स कोमी कि नान बरोद समय हात्ती आद. 30ना नीम से खरा अनतीन कि यागासताका इव सप्पा मातगोळ पुरा आगालव, आगासताका ई पीढ़ी नोर लॉकुर सायतीदील. 31आकाश अदिक पृथ्वी टलुसेदित, लेकीन नान मात्तगोळ यागलु टलुसतीदिल.
जाग्सतेला ईरी
(मत्ती २४:३६-४४)
32 #
मत्ती २४:३६
“आ दिन या आ घळी अन्द बारा दा यारू जान्सालुर, ना स्वर्ग ईनव स्वर्गदूत अदिक ना मंळसा अन पार; लेकीन सिर्फ आप्प जान्सतान. 33नोळी, सावधान ईरी अदिक जाग्सतेला ईरी; यतिकी नीव जान्सालीर कि अद घळी याग बंदीत. 34#लूका १२:३६-३८ईद आ मंळसा अन्द ह्यांग दशा आद, जो यात्रा दा होगाहोती तान मान्ना बिटकु होगुल, अदिक तान दासगोळी अधिकार कोळुल: अदिक हर ऊंद मंळसा अक आऊंद क्याल्सा हेळबुळुल, अदिक चौकीदार उक जाग्सतेला ईरोद आग्या कोळुल.” 35इदुरसाटी जाग्सतेला ईरी, यतिकी नीव जान्सालीर कि मान्ना नव मालिक याग बंदान, द्यावगा या आरधा ईळ्लकी, या हुंज कुगतद आ घळी या व्हातुर आगोर से पयले. 36हिंग आगबाळुल कि आव अचानक बंदकु नामी मिंगतेला नोळबाळुल. 37अदिक जो ना नीम से अनेतीन, अदा सप्पा मुंदुर से अनतीन: “जाग्सतेला ईरी!”
Nu geselecteerd:
मरकुस 13: NTHaa20
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
The New Testament in Holiya Language © The Word for the World International and Holiya Translation Samithi, Kudwa, Gondia, Maharashtra 2020
