Kabikona 9
9
Guyau Kana Dedeni Nowa Nenei
1 #
Kabikona 1:28
Keta Guyau Nowa na natunatuna i sawanuwagabubuwisiya i iyavisiya i bwaduwa, “Kwana vinatunasiwasiwaḡa keta kwana yagwana be kwana geyana fwayafwaya kana matatafu nenei. 2Yomuyomu matatafusi nakanakasisi be musumususi si ooyaḡayaḡaḡa fwayafwayai be manuwa keta iyana sina oomatumatutimiya eketa kwami kwana visimeisiya. 3Iba tamokatamokaḡa na yawasina o kami kabwaga. Naki maise manatuwaina a venimiya kai viviuwasi keta kisaya o kafa kaka. Nofe tova a venevenimiya iba matatafuna kami kabwaga.
4 #
Visime Tafu 7:26,27, 17:10-14, 19:26, Visime Nuvinavinana 12:16,23, 15:23 Atu muka viyo na ufaufana kwana kaniya uḡuna yawasi ufaufa sinenei. 5-6#Yauna 20:13, Kabikona 1:26Namoḡa a fufunisiya tauku kaku kitakita maise eketa avi namoḡa o avi yomuyomu tamo namoḡa ina nuvimatiya, tanake namoḡanama o yomuyomunama ana vimatadawaniya. Taki tamo yomuyomu namoḡa ina nuvimatiya, yomuyomunama sina nuvimatiya. Maise yota taki aitevana namoḡa tamo ina nuvimatiya, namoḡanama sina nuvimatiya.
7 #
Kabikona 1:28
Atu kwana vinatunasiwasiwaḡa keta kwana yagwana ebe fwayafwaya kwana vimaiya.”
8Keta Guyau Nowa na natunatuna i iyavisiya i bwaduwa, 9“Kwa vaneneḡa! Nofe tova yaku dedeni ana fufuniya kwami nenemiyai eketa yota susukwami yawane si nenemiya nenesiyai, 10yota kikifufuna matatafusi yawayawasisi maise manuwa be yomuyomu-menana yota yomuyomu-wanawanaki wakai nukusi, matatafumi fwayafwayai nenemiyai. 11Nofe bwadusima nenesiyai kaku dedeni a oovikavikaviniya kwami nenemiyai. Mukamokena yota ana visimeyei ukowasobu be kikifufuna yawayawasisi ina nuvimateisi yota fwayafwaya ina nuyaunei.”
12Guyau i iyavisiya i bwaduwa, “Dedeni kana kiyakiyaya a fufufuniya Iyau, kwami keta kikifufuna yawayawasisi nukusi kata kawasasai, yota tova i nenemiya sabusima fasisiyai. 13Yaku tanikubo ana teniya busibusi sinenei be ina vikiyakiyaya yaku dedeni Iyau keta fwayafwaya kana matatafu kata kawasasai. 14Tovanama kawasasakaoḡo ana gikafufuya busibusi nenei keta tanikubo ina kikinomana, 15ana tukunakasiya yaku dedeni, Iyau keta kwami be kikifufuna matatafusi na yawasisi kata kawasasai be mukamokena yota ukowasobu yawasi matatafuna ina nuyauneisi.”
Nu geselecteerd:
Kabikona 9: WAT
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© 2016 Wycliffe Bible Translators, Inc.
