KAHBHAO 7
7
Bünghiyang Lenpü
1Hapheikü Shembüpai Noah kü, “Jahas mongei shütuh, nüng hatü am shem kemei, mehenangkü hapa den kü ngei touei nüng mon daülangi nyüke shei veiaoknyüke. 2Nüngi daülangpü yemhimak bihibaong jora nyet, nedaüpü yemhimak bihibaong jora hükbaong yahtuh. 3Shao oulem peü kübü bihibaong jora nyet baong kahdok shak kü jomei li nyuhen shingvaishi yahtuh. 4Nyih nyet mongkü ngei kahdoknyülei nyih pinyi ya pinyi vang keiphahen, hatü ngei lingpü lemphü hapa kahdok shak kübü thittükhen” shei e. 5Shembüpai eshuohpü peü Noah-i dük.
6Mechem kahdoknyü kü bünghiyang lenpa, Noah bong kho vok nyuteke, 7hatü Noah, chehathü hatü chehathülei nyühathü büng kübü yanghen jahas mongei shü. 8Daülangpü yemhimak, nedaüpü yemhimak, outhü hatü kahdokei kamteipü yemhathü peü, 9bihibaong shei Kahvangi Noah kü epükei Noahlei jahas mongei shüteke. 10Nyih nyet pheikü bünghiyang lenpü pei.
11Noahlei yangnyu bong khovokpabü len nyi mü nyih anpünyetpabü kü kahmong yunglok kemei bhaoei phumshang vang shaden apteke. 12Nyih pinyi ya pinyi thahshi vang kei. 13Ha nyih Noah, chehathü Shem, Ham, Japheth hatü hapeüthülei nyühathü jahas mongei shüteke. 14Phaüyem lemphü, haümyem lemphü hatü kahdokei lüei kamteipü yem lemphü, oulem kemei hatü yang kohpü ouhiyüh peü, 15bihibaong shei yem nyupü lemphü Noahlei jahas mongei shüteke. 16Kahvangi Noah kü epükei yemhimak bihibaong shei jahas mongei shü hatü Shembüpai sha küptük.
17Nyih pinyi thahshi vang keikhan keiyei yung longei kahdok kübü jahas bhongei aong. 18Yung longkhan longei yung shak kü jahas bhongteke. 19yung longkhan longei kahshangthü peü lümlang. 20Yung longei aongpai kahshang shangjing peih-ei feet 20 thahshi aongteke. 21Kahdoknyülei nyupü yemhimak, ouhiyüh hatü hangkuli peü mahkem. 22Kahdok shak kü shongsha lemei ngü heepü yemmü nyupü lemphüli didaikem. 23Kahdok shak kü yemmü nyupü hangkuli, yemhamakha, ouhiyüh peü thitei yaktük. Shejao büpa mü jahas mongei nyupüthü mon yangteke.
24Kahdoknyülei yung nejepi nyih 150 nyu.
Nu geselecteerd:
KAHBHAO 7: PHOMBSI
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
