Populaire Bijbelverzen uit Exodo 2

Deel

Nadangog sinda nin Dios asin nagiromdoman niya an saiyang tipan ki Abraham, ki Isaac asin ki Jacob. Nahiling niya an kamugtakan kan mga Israelita kaya naherak siya sainda.

Pakalihis nin halawig na panahon, nagadan an hade nin Egipto, alagad an mga Israelita padagos na nasa kaoripnan. Kaya nag-agrangay sinda sa sobrang pagtios—inagrangay na nakaabot sa Dios.

Kan dakula na an aki, ibinalik siya kan saiyang ina sa prinsesa, asin inako siya kaini bilang sadiring aki. Nagsabi an prinsesa, “Ngangaranan ko siyang Moises huli ta hinawas ko siya sa tubig.”

Sinabihan kan prinsesa an babae, “Atamanon mo an aking ini asin babayadan taka.” Kaya dinara kan babae an aki asin inataman.

Kan magduman sa salog an aking babae kan hade tanganing magkarigos, mantang naglalakaw-lakaw sa pangpang an saiyang mga katabang, nahiling niya an basket sa tahaw kan mga talahib. Ipinakua niya idto sa sarong katabang.

Kan soltero na si Moises, dinalaw niya an kapwa niya mga Hebreyo, asin nahiling niyang pinapasakitan sinda sa paagi nin magagabat na trabaho. Nahiling pa niya kan pinapakol nin sarong Egipcio an sarong kapwa niya Hebreyo. Nangalag-kalag si Moises asin kan mahiling niyang mayo man nin ibang tawo, ginadan niya an Egipcio dangan tinahoban nin baybay.