Populaire Bijbelverzen uit Exodo 15

Deel

Nagtaram siya, “Kun bilog na puso nindo akong susunodon huli kan paggibo nin matanos asin huli sa pag-otob kan sakong mga togon saka mga pagboot, dai ko kamo papadusahan kan arin man sa mga kahelangan na ipinadara ko sa mga Egipcio. Ako, an KAGURANGNAN an saindong parabolong.”

An KAGURANGNAN an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

“KAGURANGNAN, siisay sa mga dios an arog saimo? An arog saimo na makangangalas an kabanalan? Mga milagro asin gibo mong ngangalasan, siisay an makakaarog kaiyan?

Maimbod sa panuga, nangenot ka sa mga tawong saimong ilinigtas; sinda inantabayan mo kan saimong kosog pasiring sa saimong banal na daga.

Dangan nakaabot sinda sa Mara, alagad dai ninda nainom an tubig duman huli ta mapait, kaya Mara an ngaran kan lugar. Nagreklamo ki Moises an mga Israelita, “Ano an samong iinomon?” Kaya namibi sa KAGURANGNAN si Moises, asin ipinahiling saiya nin KAGURANGNAN an sarong kaputol na kahoy. Kinua ini ni Moises dangan itinapok sa tubig asin nahale an pait kan tubig. Sa lugar na idto itinao sainda nin KAGURANGNAN an mga pagboot na saindang pagkukuyogon asin duman sinda pinagbalo.