Populaire Bijbelverzen uit Matiyu, echî 23

Delen

Kpe ka ekam ejə́né, nnyo a kí joé nâ nne-echî, a ri a joé ḿgbán owəné chénchén.

Kpe énê nnyo á ko biji se yê a fâŋ a chíŋi ochíŋ, á kí ko yê sê kpe ejûm á ka fáp. Kən nne nnyo á ko biji se yê á ka fáp ejûm, á kí ko yê sê yê nâ a faŋê a chíŋi ochíŋ.”

“Tîk é bhîp é chîŋ na ên, ane áfúbhí, atóŋá-ebhín na ane echəme Farasi! O kí karâ ên Obhasi eji nkiri jə́t ka nkiri iyîm ófó ka ńnyóré na óyók na nsíŋ, ka ekpak fə́ne nji ebhín é fíi, kən mfoné-mfoné nji é fáŋe é chîŋ ka ebhín njí jə́t, ên ó bhó top ên. Bibhín noŋ sê nne a kâ móe amoe, nne a ri ntem-nne nsôn, nne a yim iyîm mbi yê a chimî se a kí yim. Fiî ên bibhín mbí chénchén, o kâ mághe ên fə́ne mbi ngá eyimím.

“Tîk é bhîp é chîŋ na ên, ane áfúbhí, atóŋá-ebhín na ane echəme Farasi! Ó suk ên njəm i nkuni ayép na okpere, kən etím é sui na iyîm amoe na obhí chénchén.

Jisos se, “Oô, Jerusarem! Jerusarem! Ó yua ên akará-otîp Obhasi, o túbhá ên ágbán mba Obhasi a túmi mbâ eyəné na atáé. Ntə̂m é bhík nnyi ń wom kə́n bəre ń chúi ên chénchén ń kâk ka biji noŋ nkok abhon á bhuá abhon abhê na afabhe, kən ên ó bhó kam.

Ka ekpak njí eróŋ, nne á yen ên ka ochî se yê a yên ane, kən ḿbə́ŋé eyəné a súi na áfúbhí na obhí ka mkpak ka mkpak.