Populaire Bijbelverzen uit KALATE METATAʼA 6

Deel

Ajô te Nti a nga jôbane na a nga té môt e si nyô a e nleme wé ô nga wôʼô ôlun.

Nti a nga yene na mbia mboone môt a nga dañ anen e si nyô; a na môs ôse e nleme wé wo bôndé ve mbia bʼasimesan.

Ve Noé a nga bi mvame Zambe.

E mvoñe bôte Noé e nje nyô: Noé a mbe zôsôôô môt teke bijô ézezañe bôte ya biyoñe bié; Noé baa Zambe be mbe be wuluʼu.

Nti nye na: Ma ye fimi môt me nga té e si nyô été, ataté môt a kui biyem, betite ba woñ a kui anone ya yôp; amu ma jôban ane me nga bo bie.

Eyoñe bôt be nga taté na ba mialan e si nyô, a na bengon be nga bialé be be, ane bone be Zambe be nga yene na bengone be bôt be mbe abeñ, a e nne be nga zu tobe binga bap e be bengone bete. Ajô te Nti a nga jô na: E Nsisime wom wo ye bo te tabe be môta binam éyoñ ése, amu a ne foʼo ve minsôn, a mimôse mié mia ye bo mimbu 120. Eyoñe te é mbe ji mimben mi mbe si nyô, valé bone be Zambe be zuya e be bengon be bôt, be ki be biaya be bon : e mbe bete be mbe beta mimbene ya melu kôa.

Avale te e nde Noé a nga bo; a nga bo mimfaʼa mise avale Zambe a nga bendé nye.

Ajô te Zambe a nga jô Noé na: Me tyiʼiya na ma jiane bevevee bitétéa bise; amu si é ne njalane njet amu be; ajô te ma zu jiane be, nalé fe si.

Lôñe womiene Ark a élé ba loone gôfér; wo ye bo bitune bi nda e ark ate été; wo ye futi meyañ été a atan.

Zambe a nga yene na si é mbe ndaman; amu nsôn ôse ô mbe ô wuluʼu abé e si nyô.

Wo ye fe bo na tit ébaé ya aval ese é vee é nyiin, asu ya na be ke ôsu a nyiñ a wo; wo ye nyoñe ngale wua a nnôme wua.