Populaire Bijbelverzen uit Génesis 3

Deel

Jix yilon oc ix Eva jun sat teꞌ teꞌ tuꞌ, tol caw watxꞌ xacꞌal sloꞌlei, yutol watxꞌ xacꞌal yili ocoj, catuꞌ jix yochen ocoj, yet watxꞌ chi stzꞌajna el snaꞌbꞌal ix yaloni. Catuꞌ jix sbꞌixon el jun sat teꞌ teꞌ tuꞌ ix, catuꞌ jix sloꞌon eytoj ix. Jix lawi tuꞌ, jix yakꞌon pax ix tet yichamil, catuꞌ jix sloꞌon teꞌ naj yetoj ix.

Asan xin, jaꞌ noꞌ labꞌa yel xacꞌal jelan noꞌ yintaj masanil noꞌ xol-laj teꞌal noꞌ waꞌnebꞌil yu Jehová. Jix yalon noꞌ tet ix ix jaxca tiꞌ: ¿Tumi yel jix yal Jehová tol cꞌam che loꞌ sat masanil teꞌ awbꞌeal teꞌ tiꞌ? ẍi noꞌ tet ix.

Chi wa can ey cajlebꞌail je nan je xol yetoj ix ix tiꞌ, cꞌal yetoj masanil ja winatil, cꞌal yetoj yicꞌaal ix. Jaꞌ yicꞌaal ix ix tiꞌ oj makꞌon poꞌo ja jolom, jal jaach xin, oj ja chiꞌtoj yajan ebꞌ yicꞌaal ix.

Jix yalon Jehová tet ix ix jaxca tiꞌ: —Oj ja wabꞌ syaꞌil yet mimejal jaach, cꞌal yet oj aloj ja wuneꞌ. Caxcꞌal ey syaꞌtajil oj ja wilaꞌ oj ja woche cꞌaltaꞌ ja wichamil. Jaꞌ naj oj oc ja waawiloj.

Tol oj el jaꞌ ja win yet oj jaach mulnaoj, queytuꞌ oj yun yilcha ja loꞌbꞌe masantaꞌcꞌal oj jaach meltzo cantoj bꞌey txꞌotxꞌ txꞌotxꞌ tiꞌ junelxa. Yutol yin txꞌotxꞌ jix jaach tita, txꞌotxꞌ jaach cꞌaltaꞌa, yuxan oj jaach meltzo pax can oc yin pojojal junelxa.

Jix yalon pax Jehová tet naj Adán jaxca tiꞌ: —Yutol jix ja jije tzet jix yal ix ja wistil tiꞌ, yin ja loꞌon sat teꞌ teꞌ tol jix wal ey jaach tol cꞌam cha loꞌ, jaꞌ tinaniꞌ xin, chi wa can ey syaꞌtajilal yibꞌan txꞌotxꞌ txꞌotxꞌ tiꞌ ja yaꞌiloj, yuxan yin syaꞌtajil oj yun ja lowi, yajbꞌan ey jaach ecꞌ bꞌey yul yibꞌankꞌinal tiꞌ.

Catuꞌ jix skꞌanlen Jehová tet naj jaxca tiꞌ: —¿Tzet jix yun ja wotajne eloj ta tol tꞌiran jaach eloj? ¿Tumi jix ja loꞌ sat teꞌ teꞌ tol jix wal ey jaach tol manche ja loꞌ?

Jaꞌ yet jix iꞌle can eltej ebꞌ ánima tuꞌ yu Jehová, jix yaon can oc wan querubín yetcꞌulal bꞌey chi aol cꞌu, cꞌal jun chꞌen espada eyoc skꞌakꞌal chi ecꞌ joyoyoj, yet watxꞌ cꞌamxa junoj mactxequel chi skeꞌ yoctoj, cꞌal sloꞌon sat teꞌ teꞌ chi akꞌon kꞌinale tuꞌ.

Jal naj Adán tuꞌ, Eva, jix yakꞌ yij sbꞌi yistil tuꞌ, yutol yin ix, chi iquisbꞌi masanil ánima.