Populaire Bijbelverzen uit Génesis 13

Deel

Jaꞌ masanil jun txꞌotxꞌ lalan ja wilon tiꞌ, jain chi wakꞌ ey jaach yin junelne, catuꞌ yet cꞌal pax masanil ebꞌ ja wicꞌaal oj yun can ocoj.

Jaꞌ yet jix too naj Lot tuꞌ xin, jix yalon Jehová tet Abram jaxca tiꞌ: Jaꞌ tinaniꞌ iltoj ja sattaj, cꞌal ja wintaj, cꞌal bꞌey chi aol cꞌu cꞌal bꞌey chi too cꞌu.

Jaxca wal spojojal txꞌotxꞌ txꞌotxꞌ, cꞌam mac chi skeꞌ sbꞌisoni, queytuꞌ oj yun sbꞌisil ebꞌ ja wicꞌaal.

Yuxan ey jun cꞌual jix yal Abram tet naj Lot jaxca tiꞌ: Caw wal jaonto cꞌal ocoj. Ma skeꞌ kakꞌlen jowal, tam wal ebꞌ naj yilomal cu meꞌ tiꞌ ma skeꞌ yakꞌlen jowal ebꞌ naj.

Yu jun tuꞌ xin, jix yiꞌon a naj Abram tuꞌ jun sna waꞌnebꞌil a yetoj kꞌap, catuꞌ jix too caey scawilal wan teꞌ jii bꞌey sat xꞌotxꞌ jun winaj chi yij Mamré, scawilal conobꞌ Hebrón. Jaꞌ tituꞌ jix swaꞌne a jun yet xaambꞌal yet chi yiꞌon ey sbꞌa sattaj Jehová.

Catuꞌ jix too tꞌanan naj Lot bꞌey jun miman acꞌal bꞌey stiꞌ jaꞌ Jordán tuꞌ, masantaꞌcꞌal chi apni bꞌey conobꞌ Sóar. Ey jun jaꞌ jaꞌ bꞌey jun miman acꞌal tuꞌ, laan yili jaxca Edén bꞌey ey teꞌ awbꞌeal teꞌ yu Jehová, ma jaxca yili txꞌotxꞌ txꞌotxꞌ bꞌey Egipto, jaxca wal tuꞌ yili jix yil naj. Jaꞌ yet jix yalon jun swa kꞌane naj Abram tuꞌ yetoj Lot, cꞌamto chi qꞌueyle el Sodoma cꞌal Gomorra yu Jehová.