Populaire Bijbelverzen uit Matthew 11

Delen

“Come ta me, all oona wa weary an da tote hebby load. Come, an A gwine gii oona res.

Jes like de ox tek dey wood yoke pon dey shoulda, tek me yoke pon ya. Leh me laan ya, cause A da beah wid ya an A hab a humble haat. Ef ya come ta me like dat, ya gwine git res fa ya soul.

De yoke wa A gii ya ain haad fa beah. An de load A gii ya ain hebby tall.”

Jedus tell de people say, “Me Fada done gii me powa oba ebryting. Ain nobody know de Son cep fa de Fada. An ain nobody know de Fada cep fa de Son an dem wa de Son pick fa mek um know de Fada.

Jedus tell um say, “Oona mus go back an tell John wa oona da yeh an wa oona da see. De people wa been bline, dey kin see. De cripple op people da waak. Dem wa hab leposy, dey clean now. De deef people able fa yeh, an dem wa done dead git op an lib gin. An de po people da yeh de Good Nyews.

Oona wa got yea fa yeh, oona mus yeh wa A say!”