Populaire Bijbelverzen uit HASIERA 28

Delen

Begira, zeurekin nauzu! Noranahi zoazela, zainduko zaitut eta lurralde honetara itzularaziko. Ez, ez zaitut eskutik utziko, esan dizudana bete arte».

Hortan, Jauna agertu zitzaion bere ondoan zutik, honela zioela: «Jauna naiz ni, zure arbaso Abrahamen eta Isaaken Jainkoa. Etzanik zaudeneko lurra zuri eta zure ondorengoei emango dizuet.

Esnatu zen Jakob eta esan zuen: «Egiaz Jauna hemen dago eta ni ohartu ez».

Gero, promes hau egin zuen Jakobek: «Jainkoa neurekin badut, eta bidaia honetan babesten banau, jateko ogia eta janzteko arropak ematen badizkit, aitarenera bizirik eta osasuntsu itzultzen banaiz, Jauna izango dut neure Jainko. Oroitarri gisa eraiki dudan harri hau Jainkoaren etxe izango da. Jaunari, ematen didan guztitik hamarrena bihurtuko diot».

Zure ondorengoak lurreko hautsa bezain ugari izango dira. Mendebalde eta ekialdera, iparralde eta hegoaldera hedatuko zara. Zure eta zure ondorengoen bitartez lurreko senitarte guztiak bedeinkatuko ditut.

Leku hari Betel —hau da, «Jainkoaren etxe»— eman zion izen; lehenago Luz zeritzon leku hari.