Populaire Bijbelverzen uit NAI VAKATEKIVU 3

Deel

Ia ni sa kunea na yalewa sa yaga na kau me kakana, a sa ka e via raica na matada, ka sa kau me da gadreva me da vuku kina, sa qai tauca na vuana, ka kania; ka solia talega vua na watina erau tiko kaya, a sa kania talega ko koya.

Ia sa lawaki na gata ka lialia na manumanu kecega ni vanua ka bulia na Kalou ko Jiova. A sa kaya ko koya vua na yalewa, Oi, sa kaya bagi na Kalou mo drau kakua ni kania na vua ni kau kecega e na were?

ia ka'u na vakaveimecakitaki kemudrau kei na yalewa, kei na nomu kawa kei na nona kawa; ena butuqaqia na ulumu ko koya, ia ko na qaqia na bukubuku-ni-yavana.

Sa kaya vua na yalewa ko koya, Au na vakalevutaka vakalevu na nomu rarawa ni ko sa kunekune: ko na daurarawa ni ko sa vakasucu gone; ia ko na qaravi koya na watimu, ena lewai iko talega ko koya.

e na buno ni matamu ko na kania kina na kemu kakana, ka yacova na siga ko na suka tale kina ki na qele; ni ko a buli maikina eliu: ni ko sa kuvu ni qele ga, ia ko na suka tale mo kuvu ni qele.

A sa kaya vei Atama, Ni ko a vakarorogo ki na vosa ni watimu, ka sa kania na vua ni kau ka'u a vakarota vei iko, ka kaya, Mo kakua ni kania: sa cudruvi na qele e na vukumu; ko na kana maikina e na rarawa e na veisiga kece ni nomu bula

A sa kaya, Ko cei sa tukuna vei iko ni ko sa luvawale? Ko sa kana beka mai na kau ka'u a vakarota vei iko mo kakua ni kana kina?

A sa vakaseva kina na tamata ko koya: a sa lesi rau na Jerupi me tiko mai na were ko Iteni e na yasana ki na tu-i-cake, kei na yameyame ni bukawaqa e vaka nai seleiwau, sa veigoleyaki tiko, me vakatawa na sala ki na kau ni bula.

Ia ko Atama, sa vakatoka na yaca ni watina ko Ivi [Sa bula]; ni sa tinadra na tamata kecega sa bula.