Populaire Bijbelverzen uit Mt 15

Deel

Qalaĝaja ga'me na'ya ga'me nedegaĝat ga'me jiyaĝaua chiyaqaue na'me lauel, qama'le naqaega en paĝachigui q'aen ga'me. Qa'a gaa'me chiyoqodaue na'me lauel ga'me jiyaĝaua nach'egaua jo'ne chiyoĝogueta naa'me lelnataĝaco 'me ja 'noe'n, da'me nalataĝanaĝac, da'me leuaua jaga'me ja yataqachiñe loua, da'me nequejeguetaĝa, da'me noqovinaĝanaĝac choqoda'me nejenaĝanaĝac.

Ga'me taue ga'me jiyaĝaua nedegaĝat ja naqaega ta'le en paĝachigui ga'me, dite ga'me jo'ne chiyaqaue ga'me nedegaĝat, naqaega en paĝachigui.

«Jenjo' jiyaĝadipi ch'e jayem 'nonaĝachidegue naa'me nedegaqa'te, qalaĝaja naa'me lai'li ja jayem 'te yauoqoda'a. Qaya'te chiyaqayi da'me jayem 'nonaĝachidegue, qa'a chiyaqayilo gaa'me lamaĝajoĝonaĝaco jogaa'me ch'e jiyaĝa'u.»

Chane'eja Jesús enaac: —¡Am yauo, yataqachiñe let'adaic da'me adepe'e! Am janem ga'me auepaquetapega. Qama'le nach'ega ua'a ca'li paja'a yemegue jaga'me c'oqote.

Qalaĝaja jañe'me yauo yec'ata ca'li yejoidiñe naa'me leliquetel da'me dajoya'aguet joñe'me, enaac: —¡Jaliaĝanec, jayem alecochiya! Jesús 'yateguet: —Ja 'noota da'me qodoĝotaĝanec gaa'me pan 'me ue'tajopa ga'me yataqachiñe nec'oqo'te qaedi qoyanema gaa'me pi'o. Jañe'me enaac: —Eja, Jaliaĝanec, qalaĝaja gaa'me pi'o yali'j nale ga'me lojoche jo'ne chiyaqalegue ga'me ladipa liqui'yaĝala'.