Populaire Bijbelverzen uit Marcos 5

Deel

Qana'chi so' Jesús 'enapego' jaso'me, 'enaac: —'Am ỹalole, 'am n'óota qoỹin, qá'a 'au'amaqtenataxan. 'Aue, 'oc qomle, qaỹa 'te 'uo 'am naỹi, sóxote qaỹa so'me 'adapite'na.

Qaa'le jeso'me siỹaxadipi jaso' ỹalquétaaue ỹauo 'me ỹilhuaac, jaso'me sóxote ỹovi't saua' doce 'uóidi da' naquétac jan' letauo'. Nataq'en jaso'me jalcote na' dachoxoỹa na' tadénataxanaxaicpi, cha ỹimatéteuo na' n'atetpi. Qaláxasa qaỹa 'te ỹachiỹoxotaỹi, lamá'asa nichiquet'a't.

Huá'a, qana'chi v'iiỹet jan' letauo' jaso'me, qataxa nomt'eguet da' n'óota na' ló'oquiaxac, ma'le qaỹa so' lapite'na.

Qana'chi lasáq'a na' louaq jaso'me, qana'chi 'enapéga, 'enaac: —Talita, cumi —da'me n'aqtac 'enaac: 'Am nootole, 'am senapéga, 'oñíseguem.

Maliaxa dosétac joca'li so' Jesús, qana'chi huo'oi saua' novi't, chiỹoqodá'a so' l'acháqa' so'me lasoxola' ga' lemáxaqui na' judiopi. Qana'chi qod'aqtaxanem so'me let'a jaso' nootole, 'enaaco': —Jadi' 'ac'oqte sóxote qaga, ¿chan'eesa saaquetáxa da' 'auqueuógaxan na'me dapaxaguenataxáatac? Qaláxasa so' Jesús sa ỹoqo'cha joca'li da'me n'aqtaxanaxac. Na'chi 'enapego' so' lasoxola' ga' lemáxaqui na' judiopi, 'enaac: —'Ená'te 'auó'i, na'chidáta da' 'au'amaqtenataxan.

Jeso'me 'enaac da'me dójo', qá'a so' Jesús sóxote 'eetapego' so'me, 'enaac: —¡'Am né'ec nataqtáqaic, 'ocá'ai qomle na'me siỹaxaua! Qana'chi so' Jesús ỹachimaxata so'me, 'enaac: —¿Jái'chi ga'me 'adenaxat? Qana'chi ỹ'at so'me, 'enaac: —Jaỹim ỹinaxat da' Lamái'i, qá'a qo'mi jalcote.