Populaire Bijbelverzen uit Matius 7

Deel

“Nyawotleh hia Mohotara, maka ikan angar tomihi. Nganyapleh, maka ikan angar haba. Ngatukleh, maka antop angar tomukap indamme.

Awi sika dulun co nyawot angar tomihi; sika dulun co nganyap angar haba; hintang antop angar tomukap indan sika dulun co ngatuk.

“Jadi, oko dulun co angar ngoneh antun-Kuh paluh monggawieh ka. Are samah isan dulun co borakar pikir co mangun lopoeh ma koborohon nyan tungkui batu.

“Umpi kopio indan dongan, samah isan ikan nyau dongan nguan eh indan ikan. Cononboh sangan ingkan kokon porentah hintang poraturan Mohotara co tonulih ponah Hukum Agama Yahudi hintang buku kawan nabi.”

Tungkang noraka bolambah. Calan co nuntu hia idi mahi bolambah. Orong dulun nintai calan cioh. Tapi tungkang korojaan sorga kolik. Calan co nuntu hia idi mahi sikong. Baya isut dulun co popak eh. Poko tului iyoh, ikan sobulih muntam buah tungkang co sikong!

Tungkang noraka bolambah. Calan co nuntu hia idi mahi bolambah. Orong dulun nintai calan cioh. Tapi tungkang korojaan sorga kolik. Calan co nuntu hia idi mahi sikong. Baya isut dulun co popak eh. Poko tului iyoh, ikan sobulih muntam buah tungkang co sikong!

Oluco ikan iyohco dulun co bodosa, ikan ocop monau mihi co pio indan anak me. Nohani Mohotara Tama nyan sorga! Are angar mihi co pio indan dulun co nyawot hia-Eh.”

“Aroh mohakimi dongam. Amun ikan mohakimi dongam, maka Mohotara angar mohakimi ikan. Awi maindeon ikan mohakimi dongam, sanioh ka Mohotara angar mohakimi ikan. Hintang ukuran co hapam me indan dongam, angar tohapan pian Mohotara indan ikan ka.

Sika dulun co ngoneh antun-Kuh tuh tapi aroh monggawieh ka. Are samah isan dulun co uong co manggun lopoeh nyan tungkui barah.

Ikan ibarat eh dulun co kito ico juwuk kaju ponah matan dongam, tapi aroh monau baluk ponah mataieh tarop. Paluh are mantun, ‘Haas, Konduang, olu akuh dohop pokusit juwuk kaju conon ingkan matammu.’ Tapi baluk ponah matan tioh leh, aroh are momporhati.

Botawat tohimo kawan nabi palsu. Iroh samah isan srigala co dangas co dombut monyamar isan domba. Tapi ikan angar monau ome sobujur eh iroh yoh ingkan cara pomolum doh samah isan sika batang imbun tonyono ingkan buaeh. Humput duhi aroh bodai mohasir bua angur. Jakah duhi aroh bodai mohasir bua ara.

Isan iyohboh, sika batang imbun co bolunyah mohasir bua co pio. Tapi sika batang imbun co tongket mohasir bua co ceet.

Aroh bodai batang imbun co bolunyah mohasir bua co ceet. Aroh bodai ka batang imbun co tongket mohasir bua co pio.

Sika batang imbun co aroh mohasir bua co pio, mositi tonowong paluh tomende hia ponah apui.