Populaire Bijbelverzen uit Medhetethi 27

Deel

Xoossay salo akanne sa7a shica, kathinne woyne darsidi new immo. Kawotethati new haareto, asay new gulbato. Neeni ne ishatas godaa gida, ne aaye sheeshati new gulbato. Nena baaddeysati baadetidaba gido, nena anjeysati anjetidaba gido” yaagidi anjis.

Eesawey, “I eridi Yayqooba (Cimmeysa) gidi sunthetis. I tana cimmishin haysi nam7antho, kase ta bayratetha ekis, ha7i qassi ta anjuwa ekis” yaagis. Yaatin, “Neeni taw anjuwafe aykoka ashshabikii?” yaagidi oychis.

Iya aawa Yisaaqi zaaridi, “Ne de7iya bessay ha sa7a duretethafe haaho, salo akika new wodhenna. Neeni ne mashshan aqana, ne ishaas haaretana. Shin neeni iyara eqetiya wode iya qambara ne gannaafe holana” yaagis.

Eesawey ba aawa, “Ta aawaw, new issi anjo xalaali de7ii? Ta aawaw, tanaka qassi anja” yaagis. Hessafe guye, Eesawey ba qaala dhoqu oothidi yeekis.