Populaire Bijbelverzen uit Yohanes 19

Deel

Di Yesus dringi a swa win, A taki: “A kba!” A anga En ede, dan En bro koti.

Yesus ben sabi taki A kba du ala sani. Dan fu meki a sani kon tru san skrifi na ini a Santa Buku, A taki: “Watra e kiri Mi.”

Wan fu den man di ben e teki leri fu Yesus, a wan di A ben lobi, ben tnapu sei a m'ma fu Yesus. Di Yesus si den, A taigi En m'ma taki: “Uma, teki en leki yu manpikin.” Dan A taigi a man fu En taki: “Teki a uma disi leki yu m'ma.” Bigin fu a dei dati, a man di ben e teki leri fu Yesus teki en fu kon tan na en oso.

Ma di den doro na Yesus, den si taki A dede kba. Dat' meki den no broko En futu. Ma wan fu den srudati dyuku en lansri na Yesus seibere. Wantron brudu nanga watra lon kmoto na ini.

Den sani disi psa fu meki a sani kon tru san skrifi ini a Santa Buku taki: “Den no sa broko no wan bonyo fu en.” Na wan tra presi ini a Santa Buku a skrifi taki: “Den o luku a wan di den dyuku.”

Den sma teki Yesus, dan den meki A tyari En eigi kroisi go na a presi san den e kari: Dede-ede Presi. Ini Hebrewtongo den e kari a presi: Golgota.

Den srudati brei wan banti fu makataki, poti tapu Yesus ede. Dan den weri wan lila krosi gi En.