Populaire Bijbelverzen uit 1 Mose 39

Deel

Vayi Yave wuba ayi Yosefi, wuyiza ba dibakala disakumunu ayi bantula nkulutu ku nzo mfumu andi, muisi Ngipiti.

Ku zimunina, wuyekula mu moko ma Yosefi bibio bikavua ayi wukambu buela zaba bibio biba yandi, botula kaka bidia bi kabadianga. Yosefi wutona monika bakala dimboti, dikitoko.

Mfumu buloko wuyekula mu mioko mi Yosefi basi buloko babo baba mu nzo buloko ayi bisalu bioso bibaba salanga, yandi wuba sadisanga biawu.

Mfumu yi Yosefi wum'bonga ayi wun'kotisa mu buloko, va fulu kibabekebilanga basi buloko ba ntinu ayi wukala kuna mu buloko. Ka diambu ko mambu momo mabua, Yave wutatamana kala ayi Yosefi ayi wutatamana kunsonga nlemvo wu ntima ayi wunzodikisa kudi mfumu buloko.

Ku mbusa mambu mama, yiyiza ba ti nketo wu Mfumu andi wutona zinina Yosefi ayi wukamba: «Leka nami!» Vayi Yosefi wuvutula: «Dilendi ba ko. Mfumu ami wupheni minsua mu bibio biandi bidi mu nzo yayi, wukundekilanga minu ayi kadi kima kilenda kunyamisa diaka mu nzo yayi ko. Kuisi ko wundutidi minsua mu nzo yayi, ayi kasi kundimina kima ko, botula kaka ngeyo, bila widi nketo andi. Bue ndilenda vangila mbimbi yoyo yinene ayi vola masumu mu kedika kudi Nzambi?»

Buna diyiza ba mu lumbu kina banga bubela mu bilumbu binkaka, Yosefi wukota mu nzo mu sala kisalu, ayi muisi ba ko kadi bakala dimosi muisi nzo. Buna nketo wumbuila mu nlele andi ayi wukamba: «Leka nami!» Vayi wuyekula nlele andi mu koko kuandi, wutina ayi wutotuka ku nganda.