Populaire Bijbelverzen uit 1 Mose 17

Deel

Mu thangu Abalami kadukisa luvua ayi vua di mimvu, buna Yave wumonikina Abalami ayi wunkamba: «Minu ndidi Phungu Tulendo. Toma diata va ntadisi ami ayi ba wusonga.

Wulendi buela tedolo Abalami ko, vayi dizina diaku ma diba Abalahami bila mawuba se di makanda maphuele.

Tala, mandilungisa nguizani ami ayi ngeyo ayi nkuna aku wela kuiza ku mbusa aku, landila boso buididi zimbandu ziawu, mu thangu zizio, muingi ndikimonisa Nzambi kudi ngeyo ayi kudi nkuna aku wela kuiza ku mbusa aku.

«Kudi minu, tala nguizani ami ayi ngeyo: mawuba se di makanda maphuele.

Vayi Nzambi wunkamba: «Ka buawu ko! Tala, Sala, nketo aku, wela kubutila muana wu bakala. Mawuntedila mu zina di Isaki. Tala, mandivanga nguizani ayi niandi, ayi bana bandi bankuiza ku mbusa andi. Mayiba nguizani yi thangu zizio.

Tala, kudi ngeyo ayi kudi nkuna aku wela kuiza ku mbusa aku, ndiela vana tsi yikinzenza yiwulembo kadi, tsi yiyo yi Kanana, banga mvuilu aku mu thangu zizio, ayi mu kedika mandikimonisa Nzambi kudi bawu.»

Buna Abalahami wuyinika zizi kiandi va ntoto ayi wuseva, bila wukikamba mu ntima andi: «Bue ndilenda bakila muana, minu ndieka khama mimvu, ayi bue Sala weka luvua lu mimvu kalenda diaka ba ngudi?»

Landila dio, Nzambi wukamba diaka Abalahami: «Mu diambu ditedi Salayi, nketo aku, kadi bue kuntedila mu zina di Salayi, tona buabu zina diandi dieka Sala.

Lufueti zengo masutu meno muingi kiba dimbu ki nguizani yivangamene va khati ka minu ayi beno.

Vayi nguizani ami ayi Isaki, mandivanga yawu. Muana wela kubutila Sala mu tsungi yayi, mu mvu wunkuiza.»

Muana bakala wuwo mu beno kafueti zengo sutu bukadukisidi nana di bilumbu, landakana boso buididi zi mbandu, woso kuandi butukidi mu nzo aku ayi woso kuandi sumbulu mu mbongo, ka diambu ko nzenza yikambu butuka mu kanda diaku. Woso bakala butukidi mu nzo aku ayi mvika wusumbu mu mbongo bafueti zengo masutu mawu, ayi nguizani ami mayiba mu nsuni mieno yawu nguizani yi thangu zizio.