Populaire Bijbelverzen uit Lukah 5

Deel

Namengaka ana panunga-papeakaja, panewinanyaka lahi Himon, “Muɓoahinya na teana ta padoung nama maʄallung, ʄaka mupahelaya na ʄalamu kana kena kaboku.”

Nagapiya hi Himon, “To Gurr, walingu riɗuga majoili-lengaka ama manyerang damali kollimang gana anyaka, ʄiaɗinguka Ou langa paleawamuga enga ʄalaɗigu.” Wali nounaka aɗa pahelaya na ʄala, duku kollipaɗanguha kaboku, tiki pamajirak na ʄalaɗa.

Laka atounouɗin hi Yehu nahalaku ta makahika ana habayang.

Hi ami-Ga da kamaikamaguja ɗa tou ɗama peaka wikiɗa kupaɗening ɗama wiɗa, ʄiaɗinguka hi ami-Ga manyeraguja ɗa tou ɗama doku-jala kaɗa haria.”

Ana itakiyaka namaʄaʄi hi Himon Petruh karaɗananyaka ta hagana hi Yehu, wina, “Maroukiga Moiri, nyouwa tou doku-jalawa.”

Hi Yehu napagapija, “Natou dama kadauku dana manyeramangu doatir, ʄiaɗinguka natou nama kadauku ʄiaya nama manyerang doatir.

Jiayak hi Himon ʄaka ɗa oalina paɗeahaɗajaka ɗa teana ta wiwi tamma, manga hiɗa ɗujakuja ngalaɗukaɗa aɗa keriya hi Yehu.

Einya hadeka, hi Yehu a einya ta hangi koata. Einya hatou moani napabinung katobu. Na itakiyak hi Yehu, karaɗananyaka ta haga-Na, ʄaka nakareiya, “Ama, amu weakuɗing, mupateggahukiwa.” Hi Yehu naɗeɗaya natou manga hina panewi, “Ku weaku, papateggahuwu!” Ailolu pijalɗanyaka ɗa katobun.

Jiaɗinguka nalarana hi Yehu kii-ki mahoꞌarungnanyaka, ʄiayaka hiduku-ɗanguha ɗa tou ɗama aming aɗa rangu-Ya, ʄaka ɗakarei-Ya kana pateggahuma waling ta kadauk awiɗ.