Populaire Bijbelverzen uit Lukah 23

Deel

Manga hi Yehu nahabayang, “Ama, Mu poahi-poɗahuɗaja ɗa doku-jalaɗaǃ Daɗa peꞌamanya gananya nahawoluɗa.” Noulau, ɗa hordadu ɗawaingu lot, kapeanya gearaya nama kollija ɗa koapina hi Yehu awiɗ.

Wina hi Yehu lahi ɗunna, “Manningu, laɗɗu ya ʄella, ou kumarai-Gu ta Pirdauh.”

Manga hiwina lahi Yehu, “Munamukiwa nyouwa a amikaguka ʄaʄi Raja!”

Manga hi Yehu nakawula hawading, “Ama, ta limma-Mu Ku-harainya na moriku-Gu.” Ana mengaka papanewi tou nouna, matinanyaka.

Tomaka ta padoungu nama ngarang ‘Rii Kaꞌa Katiku’, ɗuɗa harikaɗanyaka hi Yehu ʄaka ɗama tou maɗuah ɗa tou irrak. Hatou ta karaha lawanananya ʄaka hatou ta karaha laleinanya hi Yehu.

Akatutukayaka ta tiɗu laɗɗu didaru, na matalaɗɗu dana wahamangu, ʄaka ngaladukana na loaɗa nou nakapetang lodu ana beili na matalaɗɗu. Jaka ta ɓei Umma Pingi Pahabayangu tou Yahudi, na kaba ɓakul nahatearung napapatoda waing ta padoungu maharri napaheawa paraɗua.

Ta rahin ana itaya namaʄaʄi, na kapalang hordadu nahoru-hailanya hi Alla. Manga hiwina, “Mapaɗeninguya, Ɗunna dana jalamangu!”