Populaire Bijbelverzen uit KEJADIAN 3

Deel

Kerdor ajeh kineng pelek ju keneng jehuk ajeh bor ru begei besendap icaknak. Lagipen, kek kaha-gucak pelek ajeh kerana kipiker pelek ajeh buleh kibeh kek kijadi panei. Kerana ajeh, kek kileh pelek ajeh lalu kicak. Kek kiog juga pelek ajeh nu igengsir de mong besama ru ilei, lalu igengsir pen kicak.

Tijik binatag de paleng nekcennong ju dikdij binatag darat de bicipte ya Jenang Yahweh. Tijik kitanya nu kerdor, “Betolka Jenang Kiget hek hacak pelek ju ma-ma pen keneng jehuk ku taman adeh?”

Eng doh Ngbeh hek ru kerdor ajeh ratak jerkegaktek. Kenon-cenok hek ru kenon-cenok kerdor ajeh pen doh naibemusoh. Numom ju kenon-cenok kerdor ajeh doh kiremok kui hek tapi hek doh hapatok tumet jog kek.”

Telas ajeh Jenang Yahweh Kiurok nu kerdor ajeh, “Eng doh Ngtambah senusah ru penghod mase haperikyos. Hamapen begei ajeh, hek doh hariag ha gengsir lihek tapi kek doh kibekuasa nu hek.”

Hek doh habekerjak keras ru hasengep habeh tik adeh kiperhol caknak lei hajog nu tik, kerana ju kenjehloh hek bicipte. Hek bicipte ju tik ru doh hajog balek nu tik.”

Lalu Jenang Yahweh Kiurok nu keral ajeh, “Hek hacerngai engrok kenah hek, ru hacak pelek de Ngget ajeh. Kerana ya bahneh hek ajeh, Eng Ngsumpah tik. Hek hod habekerjak keras selame hasui supaye tik dapat kiperhol caknak de cukop.

Jenang Kitanya, “Bok de bepasal hek hagei beres? Hek hacak pelek ju keneng jehuk de Ngget ajehka?”

Lalu ku englag timur taman ajeh, Jenang Yahweh Kidek memerip maklok bekengyeg ru Kidek juga pedang beros de bepuseg nu dikdij arah untok jenaga nong nu keneng jehuk de kiog sinui de lei ditehjeh ajeh.

Keral ajeh imuh Adam ru kiog muh ikenah ajeh Hawa kerana kerdor ajeh doh kijadi amek nu dikdij sengoi.