Populaire Bijbelverzen uit KEJADIAN 1

Deel

Telas ajeh Jenang Kiurok, “Hunen borloh Hibeh sengoi serupa begei ha Lihik supaye enai doh naibekuasa ku dikdij kak ku laot, cep ku langit, binatag daknek, binatag ces, ru maklok de cekcip ku kemil tik.” Begei ajehloh Jenang Kicipte sengoi serupa begei ha Ilei. Kek Kicipte keral ru kerdor.

Telas ajeh Kek Kiberkat, “Hodloh jerkebekenon-cenok jeoi-jeoi supaye kenon-cenok jerkek naigei ru naibekuasa ku seluroh bumi. Bekuasaloh ku kak ku laot, cep ku langit, ru dikdij binatag ku darat.”

Ku imemula, Jenang Kicipte langit ru bumi ru ma de mong ku ikateh.

Bumi pekseg bebentok ru lekat kusong. Teu jerek bikelimbog ya gengwer tapi Kelog Jenang Kibegerak ku kemil teu ajeh.

Jenang Kiurok, “Hodloh mong cahaya,” lalu cahaya pen mong.

Jenang Kineng dikdij ma de ya Kicipte ajeh, ru Kirasa ihad honj Isengik. Bile kelem ya lalu ru jadiloh pegelap, ajehloh genap arik keenam.

Jenang Kirasa honj Isengik bile Kineng hal ajeh. Telas ajeh Kek Kipeaseg cahaya ju gengwer.

Jenang Kiurok, “Nengloh, Eng ya Ngog dikdij jenis cengwai de kiperhol benih ru de kiperhol bebegei pelek de bermat ku bumi adeh ha caknak jerkek.

Jenang Kiog muh cahaya ajeh “Yah” ru guer ajeh “Kelem.” Bile kelem ya lalu ru jadiloh pegelap, begei ajehloh genap arik petame.

Telas arik ajeh, Jenang Kiurok, “Hodloh mong ruang kusong ku semakdek teu supaye kicerlah teu ajeh nu nar bahagian.” Lalu hal ajeh pen belaku.

Eng doh juga Ngog dikdij cengwai belaer sebegei caknak nu dikdij binatag de benyawe begei binatag ces ku kemil bumi, cep ku langit, ru maklok de cekcip ku kemil tik.” Lalu hal ajeh belaku.

Telas arik ajeh, Jenang Kiurok, “Hodloh mong bende-bende terang ku langit kaha-peaseg yah ju kelem, ru hodloh dikdij ajeh kijadi tanda ha arik, tahut ru musem.

Jenang Kiurok nij, “Hodloh tik kiperhol dikdij jenis cengwai, begei jenis de kiperhol benih ru jenis de kiperhol pelek de bermat.” Lalu hal ajeh belaku.

Begei ajehloh Jenang Kicerlah teu ku kerop ruang kusong ajeh ju teu de mong ku ikemil.

Begei ajehloh tik kiperhol dikdij jenis cengwai. Jenang Kirasa honj Isengik bile Kineng hal ajeh.

Jenang Kicipte nar bende terang, de entoi ajeh mat arik kaha-kuasa yah ru de macot ajeh gecek kaha-kuasa kelem. Jenang juga Kicipte perloi.

Telas arik ajeh, Jenang Kiurok, “Hodloh teu de mong ku kerop langit kigel nu nanek tempat supaye tik de sod ajeh bibakek.” Lalu hal ajeh belaku. Jenang Kiog muh tik de sod ajeh “Darat” ru kumpulan teu ajeh “Laot.” Jenang Kirasa honj Isengik bile Kineng hal ajeh.

Jenang Kiberkat dikdij ajeh, “Hodloh bende-bende sui ku kateh laot naibiak ru naiterbeg laot, ru juga dikdij jenis bende sui de bekengyeg betambah jeoi ku bumi.”

Telas arik ajeh, Jenang Kiurok, “Hodloh bumi kiperhol dikdij jenis binatag darat joi jenis liknai memaseg: Binatag daknek, maklok de cekcip ku kemil tik, ru binatag ces.” Lalu hal ajeh belaku.

Telas arik ajeh, Jenang Kiurok, “Hodloh laot tebeg ya bebegei jenis bende sui, ru langit tebeg ya bebegei jenis cep.”

Begei ajehloh Jenang Kicipte dikdij jenis binatag ces, binatag daknek, ru maklok de cekcip ku kemil tik. Jenang Kirasa honj Isengik bile Kineng hal ajeh.