Populaire Bijbelverzen uit Nai Vakatekivu 6

Deel

A sa veivutuni ko Jiova e na vuku ni ka cakava na tamata e vuravura, a sa rarawa kina na lomana.

A sa raica ko Jiova ni sa ka levu nai valavala ca ni tamata e vuravura, io sa ca walega e na veisiga kecega nai naki kecega sa nanuma na lomana.

Ia ko Noa sa kune loloma e na mata i Jiova.

O QO nai tukutuku kei Noa: a tamata yalododonu ko Noa, ka tawa cala e na nonai tabayatamata, a rau a daulako kei na Kalou ko Noa.

A sa kaya ko Jiova, Au na vakarusa mai na dela i vuravura na tamata kaʼu sa bulia; io na tamata kei na manumanu e yavai va, kei na ka sa qasi, kei na manumanu ni lomalagi; niʼu sa veivutuni e na vuku niʼu sa cakava.

A SA yaco, ni ra sa vakatekivu na tamata me lewe vuqa mai e dela i vuravura, a sa sucu vei ira na luvedra alewa, sa qai raici ira na nodra gonealewa na tamata ko ira na luve ni Kalou ni ra sa matavinaka; a ra sa laʼki taura na watidra maivei ira kecega era sa digitaka. A sa kaya ko Jiova, A noqu Yalo Tabu ena sega ni veileti tiko kei na tamata me tawa mudu, e na vuku ni sa vakalewe talega ko koya: ia na nona gauna ena dua tale na drau ka ruasagavulu na yabaki. A sa tiko e vuravura na yavusa tamata yagolevu sara e na gauna ko ya; a sa oti, a sa qai curu vei ira na nodra gonealewa na tamata ko ira na luve ni Kalou, a ra sa vakasucu vei ira, a ra sa yaco na gone o qo me tamata kaukauwa, a ra sa tamata rogo eliu.

A sa cakava ko Noa me vaka na ka kecega sa vunautaka vua na Kalou, ia sa cakava vakakina.

A sa kaya na Kalou vei Noa, Sa lako mai ki na mataqu nai otioti ni tamata kecega; ni ra sa vakasinaiti vuravura e nai valavala kaukauwa; ka, raica, kaʼu na vakarusai ira kei vuravura.

Mo cakava e dua na waqa vei iko e na kau kofera: mo cakava me vakatikina na waqa, ka boroya eloma, etaudaku talega, e nai boro.

A sa raici vuravura na Kalou, ka, raica, sa vakasisila; ni sa cakava na nodrai lakolako me vakasisila na tamata kecega e vuravura.

Ka rua na manumanu e na yavusa manumanu kecega e na ka kecega sa bula, mo kauta ki loma ni waqa, ka me vakabulai ira kei iko; me dua na tagane ka dua na alewa