Populaire Bijbelverzen uit မဿဲ 2

Deel

သူးနို့ဟှာ အီထဲဟှို ဝမ်ဟှားဇာ မိခင်မာရိနတူးဒူ သားဂန်းဟှားဟှို ဗြင်ဟှားခီမာ ပျပ်ဝပ်ကိုးကွယ်လေဟှယ်။ သူးနို့ဟှာ ယူဆောန်လာဟှူ ဘဏ္ဍာသစ်တာလေဟှို ဖွမ့်ဘီး လောဗန်၊ မုရန်န ရွှေလေဟှို ပူဇော်ဂေ့လေဟှယ်။

ယုဒပြည်ဗက်လင်ဗြို့ ဟေရုဒ်မန်းဂီးလတ်ထတ်မာ ယေရှုဟှို မွီးဖွားတော်မူဟှယ်။ မာဂုပညာရှိလေဟှာ အရှေ့တိုင်းပြည်ဟှနေ ယေရုရှလင်ဗြို့ဟှို ရော့‑က်လာဘီးဟှာ၊ “ခုမွီးဖွားလာဟှူ ယုဒမန်းဂီးဟှာ ဖယ်မာရှိနူး အရှေ့တိုင်းပြည်ဟှနေဘီး သူ့ရဲ့ ကြယ်ဟှို နို့လေ ဗြင်ရဂေ့ဟှူကြောန့် ရှိခိုးပူဇော်ဟှို့တွပ် ရော့‑က်လာဂေ့ဟှယ်” ဆိုဘီး မေးဂေ့လေဟှယ်။

အယ်ကြယ်ဟှို ပ္လန်ဘီးဗြင်ရခီမာ မာဂုပညာရှိလေဟှာ ရရာတိုင်းဝန်းသာဂေ့ဟှယ်!

အယ်ဘီးန ဟေရုဒ်မန်းဂီးနားဟှို ပ္လန်ဂေ့န ဆိုဘီး ဘုရားသခင်ဟှာ အိမတ်အားဖြင့် ဒိပေးဟှူကြောန့် သူးနို့ပြည်ဟှို တခြားလမ်းဟှနေဘီး ပ္လန်ဟှားဂေ့လေဟှယ်။ မာဂုပညာရှိလေ ပ္လန်ဘီးန ဘုရားသခင်ရဲ့ ကောန်းဂန်တမန်တပါးဟှို အိမတ်ထဲမာ ဗြင်တွိရဘီး ကောန်းဂန်တမန်ဟှ ယောသပ်ဟှို “နန်ထဝေါ့။ မိခင်န သားဂန်းဟှားဟှို ခေါ်ဘီးဟှာ အဲဂုတ္တုပြည်ဟှို ထွပ်ပ္လေးဘီး နော့‑က်ထပ် ငါပြောခန်ခီထိ အဲမူပြည်မာဘဲ့ နေနေဂေ့။ ဟေရုဒ်မန်းဂီးဟှာ သားဂန်းဟှားဟှို သတ်ဟှို့ရှာလေ့မယ်” ဆိုဘီး ပြောလေဟှယ်။