Populaire Bijbelverzen uit Ruuka 9

Delen

Yeesu ejire aamara, ˆnaabhwira abhaanu bhoone ati, “Omuunu woonewoone unu keenda okunduubha, eenderwe eeyigaane omwene, abhature omusarabha gwaye, anduubhe.

Okubha omuunu woonewoone unu keenda okuwonʼya obhurame bhwaye omwene, niwe aribhusya obhuwanga bhwa akajaanende koone. Nawe omuunu woonewoone unu kaabhusya obhurame bhwaye inguru yaani, niwe aribhona obhuwanga bhwa akajaanende koone.

Yeesu ˆnaamubhwira ati, “Omuunu woonewoone unu aambire okurimisya jiingʼa, neeya ˆnaaringira inyuma, oyo ateeyire okubha omukosi mu‑bhukama bhwa Nyamuwanga.”

Angu, omuunu aribhona omuriiro ki araabha aakabhona ebhiinu bhyone bhya echaaro chinu, nawe ˆnaasingaarisya amwi ˆnaabhusya obhurame bhwaye?

“Omuunu woonewoone unu arindorera jiswaro anye, na emisango jaani, anye Omwana wa Omuunu wone nirimurorera jiswaro, omwanya gunu nirisubha ku‑chaaro anu, niri mw‑ikusyo ryani, na erya Raata na erya bhamaraayika abheeru.

Yeesu ˆnaamusubhya ati, “Ganyamubhwe gari na jisenga, na jinyonyi jiri na amooswi, nawe anye Omwana wa Omuunu, nitari na omusi anu enitura okumaama!”

ˆnaabhabhwira ati, “Omuunu unu kaakuma omwana omutooto rwa unu kw‑isiina ryani, kaabha aankumire anye. Ka omuunu woonewoone unu kaankuma anye, kaabha akumire unu ꞉aantumire. Okubha omutooto mw‑imwe bhoone, oyo niwe omukuru okukira bhoone.”